完整藏文原文 · 德格版页 当前仅加载第 82 函德格 65a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཕྱིར་སྔགས་པས་ཁྱད་པར་གྱི། །རིག་པའི་ཚུལ་ནི་མཆོག་ཏུ་འགྱུར། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔས་དེ་སྐད་ཅེས་གསུངས་སོ། །ཐམས་ཅད་དེ་ཉིད་བྱ་བ་ནི། །ཉི་མའི་དཀྱིལ་འཁོར་དབུས་སུ་ནི། །
D452.082.0065a01.01གཟུགས་ནི་རྣམ་སྣང་མཛད་བསམས་ནས། །སྙིང་གར་སྔགས་ནི་རྣམ་བསྒོམ་བྱ། །དེ་ཉིད་སྔགས་སུ་རྗེས་སུ་དྲན། །རིག་པའི་ཚུལ་གྱི་ཆོ་ག་ལས། །སློབ་དཔོན་ཡིད་ནི་དགའ་བ་རུ། །ཆོ་ག་ཤེས་པས་དབྱུང་བར་བྱ། །སྙིང་ག་རྣམས་དང་ཐམས་ཅད་དུ། །
D452.082.0065a02.01ཟླ་བའི་དཀྱིལ་འཁོར་བསྒོམ་པའོ། །རང་གི་གཟུགས་ནི་ཡང་དག་བསྐྱེད། དེ་ལ་རལ་གྲི་ལ་སོགས་བསྒོམ། ཆོ་ག་ཤེས་པས་ཡང་དག་བསྐྱེད། འབར་བ་ལྔ་ནི་རྣམ་བསྒོམ་བྱ། །གཟུགས་དང་ཁ་དོག་རྣམ་པར་ཤེས། །འཇིག་རྟེན་ཁམས་སུ་འདི་སྤྲོ་བྱ། །
D452.082.0065a03.01བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྤྱན་གྱིས་དེ་སྐད་ཅེས་གསུངས་སོ། །གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོ་ལས་ཡེ་ཤེས་རིགས་ཀྱི་ཏིང་ངེ་འཛིན་གྱི་ལེའུ་སྟེ་གཉིས་པའོ།། །།དེ་ནས་བཅོམ་
D452.082.0065a04.01ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཟླ་བའི་དཀྱིལ་འཁོར་ལ་གནས་ཏེ་རྣམ་པར་སྣང་མཛད་ཀྱི་གཟུགས་སུ་བྱིན་གྱིས་བརླབས་ནས་དེ་རྣམས་ཀྱང་དཀྱིལ་འཁོར་ཆེན་པོ་འདུས་པ་རྣམས་སུ་རང་གི་གཟུགས་སུ་གཞག་གོ། །བསྡུས་པའི་རིགས་ཀྱི་ཏིང་
D452.082.0065a05.01འཛིན་གྱིས། །ལེའུ་བཀའ་རྣམས་སྩལ་པར་མཛད། །འོ་མ་དང་ཞོར་བསམས་ནས་སུ། །འཕགས་པའི་དམ་ཚིག་བཞི་པོ་དང་། །དབུས་སུ་སྔགས་པས་ཨུཏྤལ། །བསྒོམ་བྱ་གཞན་དུ་མི་བསམ་མོ། །ཡེ་ཤེས་དཀྱིལ་འཁོར་ཡང་དག་སྦྱོར། །དེ་ཡི་སྟེང་
D452.082.0065a06.01དུ་རྣམ་བསྒོམ་བྱ། །ཁྲོ་བོའི་རྣམ་པ་ཡང་དག་བསྐྱེད། །འོད་ཟེར་ཡང་དག་སྦྱོར་བ་བསྒོམ། །དེར་ནི་འོད་ཟེར་འདུས་རྣམས་སུ། །རྡོ་རྗེ་སེམས་དཔའ་རྣམ་བསྒོམ་བྱ། །ཆོ་ག་ཤེས་པས་དེར་རང་གཟུགས། །དབུས་སུ་ཡང་དག་གཞག་བསྒོམ་བྱ། །བཅོམ་
D452.082.0065a07.01