完整藏文原文 · 德格版页 当前仅加载第 82 函德格 77b 版页；藏文 NFD、目录标记与异常页序保留在来源切片中，重复版页行以稳定序号区分。
གཞུག་བྱ། །རྡོ་རྗེ་རང་བཞིན་དག་པའི་དོན། །གསུང་གི་རྡོ་རྗེར་ཡོངས་སུ་བརྟག །དག་པའི་ཡེ་ཤེས་རྣམ་བསྒོམས་པས། །སྐུ་གསུང་དག་པར་རྣམ་བསྒོམ་བྱ། རྡོ་རྗེའི་བྱིན་རློབ་ཤིན་ཏུ་གསལ། མི་ཕྱེད་རྡོ་རྗེའི་སྐུ་ཉིད་དོ། །སངས་རྒྱས་སྐུ་ཡི་རང་
D452.082.0077b01.01བཞིན་ཉིད། །ཆོ་ག་ཤེས་པས་བྱིན་གྱིས་བརླབ། །རྡོ་རྗེ་འདི་ཡིས་བྱིན་རླབས་པ། །འདི་ཡིས་བྱང་ཆུབ་ཐོབ་པར་བྱེད། །ཆོ་ག་ཤེས་པས་ཟླ་དྲུག་གིས། །སངས་རྒྱས་ཉིད་འདིར་ཐོབ་པར་གྱིས། །ཆགས་སྐྱེས་ཆོས་ཀྱིས་མ་གོས་པའི། །རྡོ་རྗེ་དེ་རྣམས་
D452.082.0077b02.01ཐམས་ཅད་འབྱུང་། །དེ་ལྟར་དེ་ཉིད་ཆོག་བྱས་ནས། །དངོས་གྲུབ་ཐམས་ཅད་བསྡུས་པ་ཡིན། །དེ་ནས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་ཀུན་ཏུ་སྤྱོད་པའི་དམ་ཚིག་བཀའ་སྩལ་ཏོ། །མི་བསླུ་བ་ཡི་ཚུལ་གྱིས་ནི། །རྡོ་རྗེ་ཡེ་
D452.082.0077b03.01ཤེས་གསུམ་འབྱུང་བས། །དེ་ཀུན་ཉེ་བར་ལོངས་སྤྱོད་པ། །སངས་རྒྱས་ཀུན་སྤྱོད་ཉིད་དུ་འགྱུར། །ནམ་མཁའི་ཁམས་ནི་ཀུན་བཀང་བའི། །སངས་རྒྱས་རྣམས་ནི་གལ་ཏེ་བཅོམ། །སྐྱེ་བ་འདིར་ཉིད་སངས་རྒྱས་ཉིད། །རྡོ་རྗེ་སློབ་དཔོན་བསྡུས་པའོ། །
D452.082.0077b04.01ཉི་མའི་དཀྱིལ་འཁོར་དབུས་སུ་ནི། །རྡོ་རྗེའི་གཟུགས་ནི་ཡང་དག་བསྐྱེད། །མཁའ་ཁམས་སངས་རྒྱས་གཟུགས་ཀྱིས་ནི། །ཡོངས་སུ་གང་བར་རྣམ་བསྒོམ་བྱ། །སྙིང་གར་སྔགས་ནི་ཡང་དག་བསྐྱེད། །མཉམ་པར་བཞག་པས་བསྐུལ་བར་བྱ། །ཀུན་ཏུ་
D452.082.0077b05.01དགྱེས་པའི་དམ་ཚིག་གང་། །རྡོ་རྗེ་སློབ་དཔོན་རྟག་བསྒོམ་བྱ། །ཉི་མའི་དཀྱིལ་འཁོར་དབུས་གནས་པར། །རང་གི་སྔགས་ནི་ཡང་དག་བསྐྱེད། །མཁའ་ཁམས་གཟུགས་ཀྱིས་ཡང་དག་བཀང་། །སྙིང་གར་ཐམས་ཅད་རྣམ་བསྒོམ་བྱ། །དེ་ཉིད་དེ་ནི་བྱེད་བཞིན་
D452.082.0077b06.01པས། །སངས་རྒྱས་བཀའ་ཉིད་གོ་འཕང་གནས། །ཟླ་བའི་དཀྱིལ་འཁོར་དབུས་གནས་པར། །རང་གི་སྔགས་ནི་ཡང་དག་བསྐྱེད། །ཆོ་ག་ཤེས་པས་གཟུགས་རྣམ་པར། །གནས་ལྔ་རྣམས་སུ་བསྒོམ་པར་བྱ། །བྱང་ཆུབ་སེམས་ནི་ཡང་དག་བསྐྱེད། །
D452.082.0077b07.01