完整藏文原文 · 德格版页 当前仅加载第 82 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོན་ཏན་འབྱུང་། །བཅོམ་ལྡན་འདས་ཀུན་དུ་བཟང་པོ་རྡོ་རྗེ་འཆང་ཆེན་པོས་དེ་སྐད་ཅེས་གསུངས་སོ། །གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར་སྔགས་ཐམས་ཅད་ཀུན་ལས་བཏུས་པ་ཞེས་བྱ་བའི་ཏིང་ངེ་འཛིན་གྱི་ལེའུ་སྟེ་ཉི་ཤུ་རྩ་གཅིག་
D452.082.0101a01.01པ་རྫོགས་སོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་སླར་ཡང་འདུས་པར་གྱུར་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་དེ་བཞིན་གཤེགས་པ་ཐམས་ཅད་དགྱེས་པའི་རྡོ་རྗེའི་བཀོད་པས་ཡང་དག་པར་མཆོད་ནས་གསུང་གི་རྡོ་རྗེ་ཆོས་ཀྱི་གསུང་གི་
D452.082.0101a02.01ལམ་ངེས་པར་བསྐྱེད་པའི་རྡོ་རྗེའི་ཚུལ་འདི་སྟོན་པར་མཛད་དོ། །གསང་བ་དག་པ་དམིགས་པ་མེད། །ཡེ་ཤེས་ཡོན་ཏན་ཀུན་གྱི་གཞི། །ཀུན་ནས་ཡེ་ཤེས་བདག་མེད་པ། །གསང་བའི་ཡེ་ཤེས་ཕྱག་འཚལ་བསྟོད། །གསང་བའི་དེ་ཉིད་དོན་དང་ལྡན། །མཆོག་གི་སྤྱོད་པ་རྒྱ་མཚོ་ཆེ། །
D452.082.0101a03.01ཀུན་ནས་འདོད་པ་ཡང་དག་འབྱུང་། །རྡོ་རྗེ་ཡེ་ཤེས་ཕྱག་འཚལ་བསྟོད། །གཙོ་བོའི་ཡེ་ཤེས་ཇི་ལྟར་གནས། །རྡོ་རྗེ་མི་ཕྱེད་གསུམ་གནས་པ། །རིགས་ཀྱི་ཕ་རོལ་ཕྱིན་པ་ཐོབ། །བྱང་ཆུབ་སྤྱོད་ལ་ཕྱག་འཚལ་བསྟོད། །སེམས་ཅན་ཀུན་སྐྱེས་ཅན་གྱི་མཆོག །སངས་རྒྱས་བྱང་ཆུབ་རབ་
D452.082.0101a04.01གཞུག་མཛད། །རང་བཞིན་དག་པ་དག་པའི་མཆོག །སེམས་ཅན་སྐྱོབ་ལ་ཕྱག་འཚལ་བསྟོད། །ཆོས་སྐུ་ཐར་པ་ཆེན་པོ་སྟེ། །ཡིད་བཞིན་ནོར་བུ་མཐོང་བ་ཆེ། །སེམས་ཅན་ཀུན་དགྱེས་བྱེད་པ་པོ། །དག་པའི་སྤྱོད་ལ་ཕྱག་འཚལ་བསྟོད། དེ་ནས་ཡང་ཡིད་བཞིན་གྱི་ནོར་བུའི་
D452.082.0101a05.01དམ་ཚིག་གི་རྡོ་རྗེ་ཞེས་བྱ་བའི་བྱང་ཆུབ་སེམས་དཔའ་ཕྱག་ན་རྡོ་རྗེ་བྱང་ཆུབ་སེམས་དཔའ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་དེའི་མཐོང་བའི་ཆོས་ཀྱི་ཡོན་ཏན་གྱི་ཁྱད་པར་སོ་སོར་འདོད་པར་བྱ་བ་གང་ཅི་ལྟར་ལགས། དེ་ནས་ཕྱག་ན་རྡོ་རྗེ་དེ་བཞིན་
D452.082.0101a06.01གཤེགས་པ་ཐམས་ཅད་ཀྱི་བདག་པོས་བྱང་ཆུབ་སེམས་དཔའ་དེ་ལ་འདི་སྐད་ཅེས་བཀའ་སྩལ་ཏོ། །ཐེ་ཚོམ་མེད་པར་མཉམ་པར་ཤེས། །སངས་རྒྱས་ཆོས་སུ་འདོད་པར་བྱ། །ཐེ་ཚོམ་མེད་པར་འདུ་ཤེས་པ། །ཆོས་རྣམས་ཐམས་ཅད་འདོད་པར་བྱ། །ཐེ་ཚོམ་མེད་པར་འདུ་ཤེས་པ། །
D452.082.0101a07.01