完整藏文原文 · 德格版页 当前仅加载第 82 函德格 79a 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་པས་ལྷོ་རུ་བརྟག་པ་ནི། །རྡོ་རྗེ་སེམས་དཔའ་དགོད་པར་བྱ། །ནུབ་ཏུ་ཡེ་ཤེས་རྫོགས་བྱང་ཆུབ། །སངས་རྒྱས་སློབ་དཔོན་དགོད་པར་བྱ། །བྱང་དུ་ཐམས་ཅད་ཀུན་སྐྲག་པ། །རྡོ་རྗེ་སེམས་དཔའ་དགོད་པར་བྱ། །དབུས་སུ་ཁམས་
D452.082.0079a01.01གསུམ་པ་མཉམ་པ། །རྡོ་རྗེ་གཟུགས་སུ་རྣམ་བསྒོམ་བྱ། །དཀར་པོའི་མདོག་ཏུ་རྣམ་བསྒོམས་ནས། །ནག་པོ་དབུས་སུ་བསྒོམ་པར་བྱ། །བཙུན་མོ་རྣམས་ནི་ཁ་ཕྱེ་ནས། །དེ་ཉིད་ལ་ནི་རྡོ་རྗེ་གཞུག །རྡོ་རྗེ་སེམས་དཔའི་དབང་ཕྱུག་མ། །གནས་བཞི་
D452.082.0079a02.01རྣམས་སུ་འབད་པས་སོ། །ཇི་ལྟར་རིགས་པར་མདོག་ཀུན་དང་། །སངས་རྒྱས་གཟུགས་སུ་རྣམ་བསྒོམ་བྱ། །ཆོ་ག་ཤེས་པས་ཐམས་ཅད་དུ། །ཁྲོ་བོའི་མཆོག་ནི་རྣམ་པར་བསམ། །སྔགས་པས་འདོད་ཡོན་ལྔ་རྣམས་ཀྱིས། །སྔགས་ཀྱི་མཆོད་པ་ཡང་
D452.082.0079a03.01དག་བརྩམ། །མཁའ་ཁམས་རྡོ་རྗེ་སེམས་དཔས་ནི། །ཡོངས་སུ་གང་བར་རྣམ་བསྒོམ་བྱ། །རྡོ་རྗེ་ཀུན་གྱི་ཁུ་སོགས་ཀྱིས། །མཆོད་པ་རུ་ནི་རྣམ་བསམ་བྱ། །གདོན་མི་ཟ་བའི་དམ་ཚིག་ཅེས་བྱ་བ་བསམ་གཏན་གྱི་དཀྱིལ་འཁོར་རྫོགས་སོ།། །།
D452.082.0079a04.01དེ་ནས་ཕྱག་ན་རྡོ་རྗེས་སླར་ཡང་དེ་བཞིན་གཤེགས་པ་ཐམས་ཅད་ཀྱི་དམ་ཚིག་འབྱུང་བ་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདོད་ཆགས་ཆེན་པོའི་ཆོས་ཞེས་བྱ་བ་དེ་བཞིན་གཤེགས་པའི་དཀྱིལ་འཁོར་འདི་གསུངས་པ། ཆོས་
D452.082.0079a05.01ཀྱི་དཀྱིལ་འཁོར་ཚུལ་གྱིས་ནི། །ཐམས་ཅད་དེར་ནི་རྣམ་བསམ་བྱ། །ཆོ་ག་ཤེས་པས་ཤར་གྱི་ནི། །ཆོས་འཆང་འབར་བ་དགོད་པར་བྱ། །ལྷོ་རུ་ཡེ་ཤེས་ཆོས་ནི་དེང་། །སྒོམ་པའི་བདག་ཉིད་ཅན་གྱིས་བསྒོམ། །ནུབ་ཏུ་པདྨ་ལོངས་སྤྱོད་པ། །བྱང་དུ་ཆོས་
D452.082.0079a06.01ཀྱི་དབྱིངས་ལས་སྐྱེས། །ཇི་ལྟར་རིགས་པར་བསྒོམ་བྱས་ནས། །དབུས་སུ་ཆོས་ཀྱི་དབང་ཕྱུག་དགོད། །དཀར་པོའི་མདོག་ཏུ་རྣམ་བསྒོམས་ནས། །དབུས་སུ་དམར་པོ་རྣམ་པར་བསྒོམ། །ཆོ་གས་ཆོས་ཀྱི་དབང་ཕྱུག་མ། །གྲྭ་བཞི་རུ་ནི་བསྒོམ་པར་བྱ། །ཁྲོ་
D452.082.0079a07.01