完整藏文原文 · 德格版页 当前仅加载第 82 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་དབྱེ་བ་དེ་ཡིས་ནི། །སངས་རྒྱས་ཀྱང་ནི་འགྲུབ་མི་འགྱུར། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱིས་དེ་སྐད་ཅེས་གསུངས་སོ། །མཚན་རྣམས་ཀུན་གྱིས་བརྒྱན་པ་ཡིས། །རྒྱན་དུ་བྱས་པའི་བུ་མོ་བདུན། །བཅུ་དྲུག་ལོ་
D452.082.0074b01.01ཡི་རྣམ་པ་དེ། །ཇི་སྲིད་{བཅྭ་,བཅོ་}བརྒྱད་ལོ་ལེན་པར། །ཤིན་ཏུ་རིང་མིན་ཐུང་བ་མིན། །ཕྲ་མིན་དམན་པར་སྐྱེས་པའང་མིན། །མཚུངས་མེད་གཞོན་ནུ་མ་བསྒྲུབ་བྱ། །གཞན་དུ་འགྲུབ་པར་མི་འགྱུར་རོ། །ཆོ་ག་ཤེས་པས་དེ་བཟུང་ལ། །དེ་ཉིད་སྒྲུབ་ཐབས་
D452.082.0074b02.01ཀྱིས་བསྒྲུབ་བྱ། །འཛམ་བུའི་གླིང་དུ་དབྱངས་སོགས་ཀྱི། །མཚན་ཉིད་ཐམས་ཅད་ཀྱིས་བརྒྱན་པ། །བཅུ་དྲུག་བསྒྲུབས་ན་ཆོ་ག་ཤེས། །འགྲུབ་འགྱུར་འདིར་ནི་ཐེ་ཚོམ་མེད། །ཁྲུ་བཞི་པ་ཡི་དཀྱིལ་འཁོར་ནི། །བྲིས་ནས་རྟག་ཏུ་བསྒྲུབ་པར་བྱ། །རིག་པའི་
D452.082.0074b03.01ཚུལ་གྱི་ཆོ་ག་ཡིས། །མཁས་པས་འབུམ་ཕྲག་ལྔ་རུ་བཟླས། །མར་མེ་ལ་སོགས་ཚད་ཀྱིས་ཏེ། །གཞན་དུ་བསྒྲུབ་བྱ་མིན་པ་ཉིད། །བཅོམ་ལྡན་འདས་སངས་རྒྱས་ཐམས་ཅད་ཀུན་ཏུ་སྣང་བས་དེ་སྐད་ཅེས་གསུངས་སོ། །ཁྲུ་ཡི་ཚད་ཀྱི་དཀྱིལ་འཁོར་དུ། །
D452.082.0074b04.01རྡོ་རྗེ་སེམས་དཔའ་ཡང་དག་བསྐྱེད། །བདུད་རྩི་ཞེས་བྱའི་ཁྲོ་བོ་ཆེ། །བྱིན་ནས་ཡང་དག་ལས་རྣམས་བརྩམ། །ཆོ་ག་ཤེས་པས་དེ་རུ་ཡང་། །མཚན་མ་བཀོད་ནས་བསྒྲུབ་པར་བྱ། །དྲི་དང་མེ་ཏོག་སོགས་མཆོད་པ། །བྱས་ནས་བསྒྲུབ་བྱ་གཞན་དུ་མིན། །མཚོ་
D452.082.0074b05.01དང་ཆུ་འགྲམ་ཡིད་འོང་དང་། །རི་བོ་དབེན་པ་རྣམས་སུ་ཡང་། །ཆོ་ག་ཤེས་པས་བསྡུས་པ་ཡིས། །རང་ཉིད་དཀྱིལ་འཁོར་བྲི་བར་བྱ། །རིན་ཆེན་ཀུན་གྱིས་མཆོད་པ་ནི། །རྡོ་རྗེ་སེམས་དཔའི་མཆོད་པ་སྟེ། །སྤྱན་རས་གཟིགས་ཀྱི་མགོན་པོ་ཡི། །མཆོད་པ་
D452.082.0074b06.01ཞེས་ནི་དེ་ལ་བཤད། །ཐུན་ཚོད་དང་པོ་ལས་འདས་པར། །གཉིས་པར་ཡང་དག་ཉེར་གནས་པས། །རྣལ་འབྱོར་པ་ཡིས་སྒྲུབ་པར་བསྒྲུབ། །དེ་ཁོ་ཉིད་ཀྱང་འགྲུབ་པར་འགྱུར། །ཐུན་ཚོད་ཕྱེད་དུ་ཡང་དག་འབྱུང་། །ལྔ་ཡི་བར་མ་ཆད་རྣམས་སུའང་། །
D452.082.0074b07.01