完整藏文原文 · 德格版页 当前仅加载第 82 函德格 75b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་དཀྱིལ་འཁོར་གྱི་སྟེང་དུ་རང་གི་གཟུགས་སུ་གནས་པར་བྱེད་དོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་ཡེ་ཤེས་ཀྱི་དམ་ཚིག་ཁོང་དུ་ཆུད་པ་ཞེས་བྱ་བའི་གསང་སྔགས་ཀྱི་དམ་ཚིག་བཀའ་སྩལ་ཏོ། །གྲངས་མེད་འབྱུང་པོ་ཐམས་ཅད་ནི། །དེ་ཉིད་སྦྱར་བས་གསད་
D452.082.0075b01.01པར་བྱ། །སྐྱེ་བ་འདིར་ཉིད་སངས་རྒྱས་ཉིད། །ཐོབ་འགྱུར་འདི་ལ་ཐེ་ཚོམ་མེད། །སངས་རྒྱས་བྱེ་བ་ཡོངས་རྫོགས་པ། །ཡེ་ཤེས་སྦྱོར་བས་གསད་པར་བྱ། །སྐྱེ་བ་འདིར་ཉིད་འགྲུབ་འགྱུར་ཏེ། །རྡོ་རྗེ་སེམས་དཔའ་ཐོབ་བར་འགྱུར། །པདྨ་ཆེན་པོའི་ཚད་ཀྱིས་
D452.082.0075b02.01ནི། །སེམས་ཅན་ཕུང་པོ་རྣམས་གཞོམ་བྱ། །ཆོས་ཀྱི་དེ་ཉིད་ཏིང་འཛིན་གནས། །བཅོམ་པས་དངོས་གྲུབ་ཐོབ་པར་འགྱུར། །ཆོ་ག་ཤེས་པས་པདྨའི་ཚད། །འཇོམས་བྱེད་འདྲེན་པ་གསད་པར་བྱ། །འདོད་མཆོད་དེ་ཉིད་བསྒོམ་པ་ཡིས། །དེ་ཡིས་
D452.082.0075b03.01དངོས་གྲུབ་ཆེ་ཞེས་བྱ། །བཅོམ་ལྡན་འདས་ངོ་བོ་ཉིད་དག་པས་དེ་སྐད་ཅེས་གསུངས་སོ། །ནམ་མཁའི་ཁམས་ནི་ཀུན་བཀང་བར། །མཚན་ཉིད་དེས་ནི་གསད་པར་བྱ། །དེ་ཉིད་ཡང་འདིར་སངས་རྒྱས་ཉིད། །སྐྱེ་བ་འདི་ཉིད་ཁོ་ན་ལ། །རྣམ་པ་སྣ་
D452.082.0075b04.01ཚོགས་མཐའ་དག་འཐོབ། །སེམས་ཅན་སེམས་ནི་ཆོ་ག་ཡིས། །ཡང་དང་ཡང་དུ་སྦྱང་བར་བྱ། །གསོད་པའི་བདག་ཉིད་སོགས་འབྱུང་བ། །གཞན་དུ་འབྱོར་བར་མི་འགྱུར་ཉིད། །སེམས་ཅན་ཀུན་གྱི་སེམས་གང་ཡིན། །གསལ་བཞི་བ་འོད་
D452.082.0075b05.01གསལ་བར། །སྣ་ཚོགས་དངོས་པོས་མ་གོས་པས། །སེམས་སུ་བརྗོད་པའི་དེ་ཉིད་བསྒོམ། །ཆོ་ག་ཤེས་པས་སངས་རྒྱས་ཡུམ། །དེ་ཉིད་ཉེ་བར་ལོངས་སྤྱོད་བྱ། །གསང་སྔགས་དགེ་བ་འབྱུང་བ་ཀུན། །གཞན་དུ་གྲུབ་པ་ཉིད་མི་འགྱུར། །དེ་དེ་སྔགས་
D452.082.0075b06.01པ་མ་ལུས་པས། །མཆོག་གི་ཚོགས་ནི་ཡང་དག་དབྱུང་། །རྡོ་རྗེ་སེམས་དཔའ་དགེ་འབྱུང་བ། །གཞན་དུ་དགྱེས་པར་འགྱུར་མིན་ཉིད། །ཉེ་བར་ལོངས་སྤྱོད་བྱ་ཀུན་ཏུ། ཉེ་བར་ལོངས་སྤྱོད་ཀུན་བརྩམ་བྱ། །གཞན་དུ་གལ་ཏེ་བདག་རྨོངས་པས། །
D452.082.0075b07.01