完整藏文原文 · 德格版页 当前仅加载第 82 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་པའི་ཁམས་ཐམས་ཅད་དུ་མཉམ་པར་འཇུག་པ་འབྱུང་བའི་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རིགས་ཐམས་ཅད་ཀྱི་ཐུན་མོང་གི་སེང་གེ་རྣམ་པར་རོལ་པ་ཞེས་བྱ་བའི་བསམ་གཏན་གྱི་དཀྱིལ་འཁོར་ཆེན་པོ་འདི་
D452.082.0080b01.01གསུངས་པ། ཆོ་ག་ཤེས་པས་སྣ་ཚོགས་མདོག །འོ་མ་དང་ཞོར་རྣམ་བསྒོམ་བྱ། །རིན་ཆེན་བཞི་ཡི་རང་བཞིན་དབུས། །རི་བོ་དེ་ལ་བསྒོམ་པར་བྱ། །ལོགས་བཞི་བ་ལ་གྲྭ་བཞི་པ། །སྒོ་བཞི་པར་ནི་རབ་ཏུ་བརྟག །པདྨ་ཨུཏྤལ་ཀུན་དུ་བཀྲམ། །
D452.082.0080b02.01གཞོགས་རྣམས་སུ་ནི་རྣམ་པར་བསམ། །རིན་ཆེན་ཀུན་གྱི་གདན་དང་ནི། །རྟག་ཏུ་ཟླ་བའི་དཀྱིལ་འཁོར་ཉིད། །སངས་རྒྱས་སློབ་དཔོན་ཁྱད་པར་གྱིས། །བསམ་གཏན་བརྩོན་པས་སྦྱོར་བར་བྱ། །སྔགས་པས་ཉི་མའི་དཀྱིལ་འཁོར་ཅན། །དེ་ཡི་དབུས་
D452.082.0080b03.01སུ་བསྒོམ་པར་བྱ། །མཐེ་ཆུང་མཐོ་ལས་འདས་པ་ལས། །སོར་བཞིའི་ངོས་དང་གྲྭ་རྣམས་སུ། །ངོས་རྣམས་སུ་ནི་རྟག་ཏུ་བྱ། །བདུད་རྩི་ཞེས་ནི་བསྒོམ་པར་བྱ། །འབར་བའི་ཕྲེང་བ་ལ་སོགས་གང་། །མི་སྡུག་མཆེ་གཙིགས་འཇིགས་པར་བྱེད། །
D452.082.0080b04.01སྔགས་པ་ཟླ་བའི་དཀྱིལ་འཁོར་ཅན། །གནས་ལྔ་རྣམས་སུ་རྣམ་བསྒོམ་བྱ། །དབུས་སུ་རྡོ་རྗེ་རལ་གྲི་ནི། །ཤིན་ཏུ་རྣམ་འབྱེས་ཤིན་ཏུ་མཛེས། །འོད་ཟེར་འབར་བས་འཁྲུགས་ཤིང་འབར། །པདྨ་རཱ་ག་དབང་པོ་མཚུངས། །འོད་དཀར་འབར་བའི་ཕྲེང་བ་
D452.082.0080b05.01གསལ། །ཁ་དོག་དཀར་པོ་ཤིན་ཏུ་མཛེས། །རལ་པའི་ཅོད་པན་ཀུན་རྫོགས་པ། །སྣ་ཚོགས་རྒྱན་གྱིས་བརྒྱན་གྱུར་པ། །སངས་རྒྱས་སློབ་དཔོན་ཆོ་ག་ཡིས། །ཤར་ཕྱོགས་སུ་ནི་རྣམ་བསྒོམ་བྱ། །རྡོ་རྗེ་སེམས་དཔའ་ཡང་དག་བསྐྱེད། །སྣ་ཚོགས་
D452.082.0080b06.01རིན་ཆེན་རྣམ་བརྒྱན་པ། །འབར་བའི་ཕྲེང་བས་འཁྲུགས་ཤིང་འབར། །ཨུཏྤལ་སྔོན་པོ་དང་མཚུངས་པ། །ལྷོ་རུ་རྟག་ཏུ་སློབ་དཔོན་གྱིས། །བསྒོམ་བྱ་གཞན་དུ་མི་སྒོམ་མོ། །ཆོས་ཀྱི་རྡོ་རྗེ་ཡང་དག་བསྐྱེད། །པདྨ་རཱ་ག་མཚུངས་པའི་འོད། །མེ་ཏོག་ཆུན་པོ་
D452.082.0080b07.01