完整藏文原文 · 德格版页 当前仅加载第 82 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ཅན། །བསམས་ནས་དབུས་སུ་གཟུགས་བསྒོམ་བྱ། །རྡོ་རྗེའི་གཟུགས་ནི་ཡང་དག་བསྐྱེད། །བསམ་གཏན་འབྱུང་བས་བསྐྱེད་པར་འགྱུར། །ཉེ་སྒྲུབ་ཆོ་ག་བྱས་ནས་ནི། །དངོས་གྲུབ་མཆོག་ནི་བསྒྲུབ་པར་བྱ། །རྡོ་རྗེ་སེམས་དཔའི་
D452.082.0088a01.01ཆོ་ག་ལས། །དེ་ཡིས་འཇིག་རྟེན་གསུམ་སྒྲུབ་འགྱུར། །དང་པོར་རང་གནས་རི་གནས་སུ། །ཟླ་བ་དྲུག་ཏུ་བཟླས་བྱས་ནས། །སྒྲུབ་པ་པོ་ཡིས་རྟག་ཏུ་བསྒྲུབ། །རྡོ་རྗེ་སེམས་དཔའ་ལྷག་པར་གནས། །ཇི་ལྟར་ཀླུ་མོ་ལྷའི་བུ་མོ། །མི་མོའམ་ཡང་ན་ལྷ་མིན་མོ། །
D452.082.0088a02.01ཇི་ལྟར་རིགས་པར་བཀུག་ནས་ནི། །གསང་བའི་མཆོད་པ་ཡང་དག་བརྩམ། །རྣམ་པར་དབེན་དང་ཡིད་འོང་དང་། །ནགས་དང་དགོན་པ་རྣམས་སུ་ཡང་། །དེ་རུ་བཀུག་ནས་ཉེར་ལོངས་སྤྱོད། །འདོད་ཡོན་ལྔ་ཡི་མཆོག་རྣམས་ཀྱིས། །ཡེ་ཤེས་རྡོ་རྗེ་རབ་
D452.082.0088a03.01བསྐུལ་བས། །དམ་ཚིག་མཉན་པར་བྱ་བ་ཡིན། །རྡོ་རྗེ་སེམས་དཔའ་རང་ཉིད་ཀྱང་། །ཆོ་ག་ཤེས་པས་དགུག་པར་བྱ། །རང་གི་ཕྱག་རྒྱ་དེ་རྣམས་གཟུགས། །རང་གི་བརྗོད་པ་དེ་རྣམས་སྔགས། །དེ་ཉིད་ཕྱག་རྒྱ་བཅིངས་ནས་ནི། །རང་གི་སྔགས་འདི་
D452.082.0088a04.01བཟླས་པར་བྱ། །མཚན་མོ་ཕྱེད་དུ་ཇི་ལྟར་བྱ། །ཉི་མའི་གུང་ལའང་དེ་བཞིན་བརྗོད། །ལྕགས་ཀྱུའི་སྙིང་པོ་དེ་ཉིད་ཀྱིས། །དེ་རྣམས་རབ་ཏུ་བསྒྲུབ་པར་བྱ། །བསྐལ་པ་བསྲེག་པ་ལྟར་བསམས་ནས། །རྡོ་རྗེ་མཚུངས་པས། །སྙིང་པོས་ལྕགས་
D452.082.0088a05.01ཀྱུ་སྦྱར་བྱས་ནས། །བཀུག་ལ་དབང་དུ་བྱ་བ་ཡིན། །ཁྲོ་བོ་ཆེན་པོ་གཤིན་རྗེ་གཤེད། །དེ་བཞིན་ཉིད་དུ་རྟ་མགྲིན་དང་། །རྡོ་རྗེའི་དབྱུག་དང་བཅོམ་ལྡན་འདས། །འཇིག་རྟེན་གསུམ་གྱི་བདག་པོར་བརྗོད། །ཁྲོ་བོ་ཆེན་པོ་མི་གཡོ་བ། །ཁྲོ་གཉེར་ཅན་ཡང་གང་
D452.082.0088a06.01ཞིག་འགྱུར། །ཁྲོ་བོ་ཆེན་པོ་སྟོབས་པོ་ཆེ། །ཁམས་གསུམ་པ་ཡང་དབང་དུ་བྱེད། །བདུད་རྩི་ཞེས་བྱའི་ཁྲོ་བོ་ཆེ། །སྟོབས་ཆེན་ཕ་རོལ་གནོན་པ་པོ། །རྡོ་རྗེ་མི་ཕྱེད་གསུམ་གནས་པ། །སངས་རྒྱས་ཀྱང་ནི་སྐྲོད་པར་བྱེད། །རིག་མ་ཆེན་མོ་དྲི་སོགས་ནི། །
D452.082.0088a07.01