完整藏文原文 · 德格版页 当前仅加载第 82 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོ་ག་ཤེས་པས་དབྱུང་བར་བྱ། །ཇི་སྲིད་གཟུགས་སུ་ཡང་དག་སྦྱོར། །དེ་སྲིད་དུ་ནི་བཙུན་མོར་འགྱུར། །བཅོམ་ལྡན་འདས་འདོད་པའི་མཆོད་པས་དེ་སྐད་ཅེས་གསུངས་སོ། །རིགས་ཀྱི་དཀྱིལ་འཁོར་ཚུལ་གྱིས་ནི། །གཟུགས་སུ་བསྐྱེད་
D452.082.0070a01.01ནས་བསྒོམ་པར་བྱ། །ཆོ་ག་ཤེས་པས་དང་པོའི་སྦྱོར། །མཉམ་པར་གཞག་པས་བསྒོམ་པར་བྱ། །ནམ་མཁའི་ཁམས་ནི་ཀུན་བཀང་བར། །མཁས་པས་དེ་ལྟར་བསམས་བྱས་ནས། །བརྗོད་པའི་རྣམ་པས་གསོལ་བ་བཏབ། །མཉམ་པར་བཞག་པས་
D452.082.0070a02.01དེ་ལྟུང་བྱ། །ཆོ་ག་ཤེས་པས་ལྷའི་རྣམ་པ། །སངས་རྒྱས་འོད་དང་མཉམ་པའི་གཟུགས། །ཇི་ལྟར་རིགས་པར་སྔགས་པས་སྦྱིན། །གཞན་དུ་འགྲུབ་པར་མི་འགྱུར་རོ། །ཆོ་ག་ཤེས་པས་ལྷ་མོ་ལྷའི། །རང་གི་གཟུགས་ནི་རྣམ་བསྒོམ་བྱ། །གཞན་དུ་
D452.082.0070a03.01རྡོ་རྗེ་སེམས་དཔའ་རྣམས། །དཀར་སོགས་ཆོ་ག་འབྱུང་བ་ཡི། །སྒེག་པའི་རྒྱན་གྱིས་བརྒྱན་གྱུར་པའི། །རང་གཟུགས་རྣོན་པོའི་ཚུལ་གྱིས་ནི། །ཆོ་ག་ཤེས་པས་ལྷ་མོ་དེར། །བྱས་ནས་མཚོན་བྱ་རྣམ་བསྒོམ་བྱ། །ཆོ་ག་ཤེས་པས་རྡོར་པདྨ། །ཀུན་
D452.082.0070a04.01སྦྱོར་ཆོ་ག་འབྱུང་བ་ཡིས། །རིགས་ཀྱི་གཟུགས་ནི་ཀུན་བསྐྱེད་ནས། །རང་གི་ཁུ་བས་དེ་ནི་མཆོད། །རྒྱལ་བ་ཆུ་སྐྱེས་རིགས་ཀྱི་ལྷ། །གཞན་དུ་གྲུབ་པ་ཉིད་མི་འགྱུར། །ཕྱག་ན་རྡོ་རྗེའི་རིགས་བརྗོད་པའི། །ལྷ་ཉིད་གྲུབ་པ་ཉིད་མི་འགྱུར། །དང་པོ་དང་མཐར་
D452.082.0070a05.01ཐམས་ཅད་དུ། །འདི་ནི་ཐུན་མཚམས་བཞི་རུ་བྱ། །རྒྱལ་བ་ཆུ་སྐྱེས་རྡོ་རྗེ་སྐྱེས། །གཞན་དུ་འགྲུབ་པ་མིན་པ་ཉིད། །མ་མོའི་གཟུགས་ནི་ཀུན་བསྐྱེད་ནས། །འོད་ཟེར་སྣ་ཚོགས་མཉམ་པའི་འོད། །རང་གཟུགས་འདོད་མཆོད་ཚུལ་གྱིས་ནི། །ཁམས་གསུམ་
D452.082.0070a06.01པར་ཡང་སྤྲོ་བར་བྱ། །འདོད་པའི་མཆོད་པ་མཚུངས་པའི་གཟུགས། །སྲིང་མོ་བཞིར་ནི་ཡང་དག་སྦྱོར། །གཟུགས་ཀྱི་མཚན་ཉིད་ཚུལ་གྱིས་ནི། །མཉམ་པར་བཞག་པས་སྨྲ་བར་བྱ། །གེ་སར་སེར་པོ་དང་མཚུངས་པའི། །ཚངས་པའི་གཟུགས་ནི་རྣམ་བསྒོམས་
D452.082.0070a07.01