完整藏文原文 · 德格版页 当前仅加载第 94 函德格 238a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོད་པར་གཟིགས་ནས་འདི་སྐད་ཅེས་བཀའ་སྩལ་ཏོ། །རིག་པའི་རྒྱལ་པོ་དཔག་ཏུ་མེད་པའི་སྟོབས་ཀྱིས་ཕ་རོལ་གནོན་པའི་རྡོ་རྗེ་འཛིན་པ་ཆེན་པོ་འཁོར་ཐམས་ཅད་སྤྲོ་བའི་སེམས་སུ་གྱུར་པས་ཅང་མི་སྨྲ་བར་འཁོད་ཀྱིས་སྨྲོས་ཤིག་སྨྲོས་ཤིག །དེ་སྐད་ཅེས་བཀའ་སྩལ་པ་
D744.094.0238a01.01དང་། ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏེ། བཅོམ་ལྡན་འདས་ཀྱིས་རྗེས་སུ་གནང་ན་བདག་ལྷ་མ་ཡིན་གྱི་དབང་པོ་གཞན་ལེན་ཞེས་བྱ་བས་ཉེ་བར་བོས་ཏེ། ལྷ་མ་ཡིན་གྱི་འཁོར་ཆེན་པོས་ཡོངས་སུ་བསྐོར་ནས་རང་གི་གནས་སུ་མཆིས་སོ། །བཅོམ་ལྡན་འདས་གནས་
D744.094.0238a02.01དེར་བདག་གིས་སྔོན་མ་འཚལ་བའི་ཁང་པ་དང་། སྒོ་དང་། རྟ་བབས་དང་། ཡང་ཐོག་དང་། ཕྱིར་དང་། མཚོ་དང་། མཚེའུ་དང་། རྫིང་དང་། ཁྲོན་པ་དང་། སྒོ་དང་། སྒོ་གསེང་རྣམས་མཐོང་ལགས་སོ། །བཅོམ་ལྡན་འདས་བདག་གིས་ཏིང་ངེ་འཛིན་གྱི་ཁྱད་པར་གང་གིས་ཀྱང་སྔོན་མ་འཚལ་
D744.094.0238a03.01ཏེ། བདག་གིས་དེའི་རྣམ་པར་རྣལ་འབྱོར་པས་བསམ་གཏན་མཆོག་ལ་མཉམ་པར་བཞག་ལགས་སོ། །དེར་ལྷ་མ་ཡིན་གྱི་དབང་པོ་གཞན་ལེན་གྱིས་བདག་ལ་བཅོམ་ལྡན་འདས་གཞལ་དུ་མེད་ཅིང་བསམ་གྱིས་མི་ཁྱབ་པའི་རྫུ་འཕྲུལ་དང་སྟོབས་དང་རྣམ་པར་རོལ་བས་ནམ་མཁའ་ཁྱབ་པའི་སྐུ་
D744.094.0238a04.01མངའ་བ། འཇིག་རྟེན་གསུམ་ལས་རྣམ་པར་རྒྱལ་བའི་བྱང་ཆུབ་སེམས་དཔའ་ཆེན་པོ་ཅིའི་ཕྱིར་བསམ་གཏན་ལ་མཉམ་པར་འཇོག་པར་གྱུར། བཅོམ་ལྡན་འདས་བདག་གི་གནས་ཁང་ན་ཉམས་མི་དགའ་བ་ཅུང་ཟད་ཀྱང་མ་མཆིས་ན། གང་གི་དོན་དུ་བསམ་གཏན་ལ་མཉམ་པར་འཇོག་པ་
D744.094.0238a05.01ལགས་པར་བཀའ་སྩལ་དུ་གསོལ་ཞེས་མཆིའོ། །དེ་ནས་ལྷ་མ་ཡིན་གྱི་དབང་པོ་དེས་སྒྱུ་མ་ཐམས་ཅད་དང་། འཁྲུལ་འཁོར་དང་། སྒོ་གླེགས་ལ་སོགས་པ་གླེང་ལགས་སོ། །བཅོམ་ལྡན་འདས་བདག་གིས་དེ་ཟིལ་གྱིས་མནན་པའི་བྱིར་སྣང་བ་ཆེན་པོ་འཛིན་པའི་རྡོ་རྗེ་ཁྲོ་བོ་ཆེན་པོ་རྡོ་རྗེ་ས་འོག་
D744.094.0238a06.01ཅེས་བགྱི་བ་འཁྲུལ་འཁོར་ཐམས་ཅད་ཀྱི་བླ་མའི་བླ་མར་གྱུར་པ། འཁྲུལ་འཁོར་བརྒྱ་རྩ་བརྒྱད་པོ་ཐམས་ཅད་འཇོམས་པར་བྱེད་པ། ཉེ་བར་ཞི་བར་བྱེད་པ། ལྟུང་བར་བྱེད་པ། ངེས་པར་འཇོམས་པར་བྱེད་པ་བཤད་ལགས་སོ། །བཅོམ་ལྡན་འདས་ཀྱིས་འདི་རྗེས་སུ་མཁྱེན་ནོ། །བདག་
D744.094.0238a07.01