完整藏文原文 · 德格版页 当前仅加载第 94 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་རྫས་ཀྱི་དབུས་སུ་བཅུག་པས་རྫས་བརྟན་པར་འགྱུར་རོ། །གཞན་དུ་ན་དངོས་གྲུབ་འཕྲོག་པར་འགྱུར་རོ། །གལ་ཏེ་རིག་པ་འཛིན་པས་གསང་སྔགས་གྲུབ་པར་མ་གྱུར་ན་རིག་པ་འཛིན་པ་དེས་འདི་ལྟར་བྱ་སྟེ། རྒྱ་མཚོ་ཆེན་པོར་འབབ་པའི་ཆུ་བོའི་འགྲམ་དུ་རྟེན་ཅིང་འབྲེལ་པར་འབྱུང་བའི་
D744.094.0263b01.01སྙིང་པོ་ཅན་གྱི་མཆོད་རྟེན་ཁྲུ་གང་པ་བརྒྱད་བརྒྱ་བྱས་ལ་མཆོད་རྟེན་རེ་རེ་ལ་ཇི་ལྟར་ནུས་པའི་དྲི་དང་མེ་ཏོག་དང་བདུག་སྤོས་ཕུལ་ཏེ། དུས་གསུམ་དུ་བྱང་ཆུབ་ཀྱི་སེམས་བསྐྱེད་ལ་སྡིག་པ་བཤགས་ཏེ་རེ་རེའི་མདུན་དུ་སྟོང་ཕྲག་བརྒྱད་དམ་བརྒྱད་བརྒྱ་བཟླའོ། །གལ་ཏེ་མཚན་མ་མ་བྱུང་ན་ཆོ་ག་འདིས་
D744.094.0263b02.01མཆོད་རྟེན་སྟོང་ཕྲག་གཅིག་བྱས་ཏེ་དེའི་ནུབ་ཕྱོགས་མ་ཡིན་པའི་མཆོད་རྟེན་འབར་ན་ལས་ཀྱི་སྒྲིབ་པ་ཟད་པར་ཤེས་པར་བྱའོ། །དེ་ནས་གང་ཅི་བསྒྲུབ་པ་དེ་ཐམས་ཅད་འགྲུབ་པར་འགྱུར་རོ། །སྒྲུབ་པ་ཆེན་པོ་བརྩམས་ནས་ལས་གཞན་དབབ་པ་དང་། གསོད་པ་ལ་སོགས་པ་རྣམས་མི་བྱའོ། །
D744.094.0263b03.01གལ་ཏེ་བྱས་ན་རིག་པ་འགྲུབ་པར་མི་འགྱུར་རོ། །ལོང་བ་དང་། སྒུར་པོ་དང་། རླིག་རླུགས་དང་། འོན་པ་དང་། སེན་མོ་ངན་པ་དང་། ཤ་བཀྲ་ཅན་དང་། ལུས་ཞ་བ་དང་། སྦོ་ག་ནག་པ་རྣམས་ཀྱིས་སྒྲུབ་པ་ཆེན་པོ་འགྲུབ་པར་མི་འགྱུར་རོ། །གཞན་གཟའ་ལ་སོགས་པ་འགྲུབ་
D744.094.0263b04.01པར་འགྱུར་རོ། །མི་གང་སངས་རྒྱས་དང་། ཆོས་ལ་དད་པ་དང་ལྡན་པ་དང་། འདུད་པ་དང་ལྡན་པ་དང་། སེན་མོ་ཟངས་ཀྱི་མདོག་ཅན་དང་ལྡན་པ་དང་། ཕ་མ་ལ་གུས་པ་དང་། བླ་མ་ལ་སྲི་ཞུ་ཆེ་བ་དེས་ཐམས་ཅད་འགྲུབ་པར་འགྱུར་རོ། །རིག་པ་འཛིན་པས་སྔགས་སྒྲུབ་པ་སྔོན་
D744.094.0263b05.01བཞིན་སྒྲུབ་པ་དང་ལྡན་ན་ཚེའི་དུས་བྱས་ཀྱང་གང་འདོད་པ་སེམས་ཤིང་ཤི་བས་དེ་ཤི་བ་ཙམ་གྱིས་དེ་དང་དེར་སྐྱེ་བར་འགྱུར་ཏེ། རིག་པ་འཛིན་པའི་འཁོར་ལོས་སྒྱུར་བ་ཆེན་པོའམ། ཡང་ན་རིག་པ་འཛིན་པའི་རིགས་སམ། དབང་ཕྱུག་ཆེན་པོའི་རིགས་སམ། གདོལ་པའི་རིག་པ་འཛིན་པའི་
D744.094.0263b06.01རིགས་དེ་ལྟ་བུའི་རིམ་པ་གང་འདོད་པའི་བསམ་པས་སྔགས་བསྒྲུབས་པས་དེ་ལྟ་བུའི་རིགས་སུ་འགྲུབ་པར་འགྱུར་རོ། །སྒྲུབ་པ་ཆེན་པོ་ལ་འབད་པའི་རིག་པ་འཛིན་པས་རྡོ་རྗེ་དང་། འཁོར་ལོ་དང་། རྩེ་གསུམ་དང་། དབྱུག་གུ་དང་། ཞགས་པ་དང་། མདུང་ཐུང་དང་། དབྱུག་ཐོ་དང་།
D744.094.0263b07.01