完整藏文原文 · 德格版页 当前仅加载第 94 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
བཟླས་ལ་རབ་ཏུ་སྦར་ཏེ། བྱི་བའི་རྣམ་པ་ཡིན་ན་བྱི་བའི་ཞག་དང་། ཆུ་སྲིན་གྱི་ཞག་སྔ་མ་བཞིན་ནོ། །ཇི་ལྟར་གླང་པོའི་གདོང་གི་རྣམ་པ་ཡིན་ན་སྔ་མ་བཞིན་དུ་གླང་པོའི་ཞག་གིས་སོ། །ཇི་ལྟར་ལྟོས་འཕྱེའི་རྣམ་པ་ཡིན་ན་སྔ་མ་བཞིན་དུ་ལྟོས་འཕྱེའི་ཞག་གིས་སོ། །མིའི་གདོང་གི་རྣམ་པ་
D744.094.0245b01.01ཡིན་ན་མིའི་ཞག་གིས་ཤལ་མ་ལིའི་དོག་བའི་སྡོང་བུ་སྟེང་དུ་བཞག་ལ་མུན་པའི་ཕྱོགས་སུ་གཟུང་བར་བྱ། གང་གི་གདོང་གི་རྣམ་པར་འདུག་པ་དེའི་ཞག་གིས་བསྐུས་ལ་འཁྲུལ་འཁོར་གྱི་བླ་མ་ཉི་ཤུ་རྩ་གཅིག་བཟླས་ལ་མེ་སྦར་རོ། །མུན་པ་མུན་ནག་ཐམས་ཅད་འཇོམས་པར་འགྱུར་རོ། །
D744.094.0245b02.01འཇུག་པ་ན་ལྷན་ཅིག་པ་རྣམས་ལ་ཡང་ཉེ་བར་བྱུག་གོ། །ཏ་ཀ་རའི་མེ་ཏོག་དང་། རུ་རྟ་དང་། སྤང་སྤོས་དང་། སུག་སྨེལ་དང་། ཨུཏྤ་ལ་ཝ་ཏི་དང་། སིང་གྷྲི་དང་། བྱཱ་གྷྲི་དང་། ན་མ་སྐཱ་རི་དང་། ཨ་ནན་ཏཱ་དང་། ཛ་ཡན་ཏི་དང་། རྨ་བྱའི་གཙུག་ཕུད་དང་། དུང་གི་མེ་ཏོག་སྟེ་དེ་དག་
D744.094.0245b03.01གི་ཕྱེ་མས་སྒྱུ་མ་ཐམས་ཅད་འཇོམས་པ་དང་། འབྱེད་པ་དང་སྲེག་པར་བརྗོད་དོ། །ཆུ་དང་སྦྱིན་དང་དེ་བཞིན་དུ་བཅུད་དང་། བཅུད་ལེན་དང་། རྔའི་ཁང་བུ་དང་། དུག་གི་གདུག་པ་དང་། པདྨའི་མཚོ་དང་། ལྷ་མ་ཡིན་གྱི་བུ་མོ་འགུགས་པ་དང་། དབང་དུ་བྱེད་པ་དང་། བུད་མེད་འབེབས་
D744.094.0245b04.01པ་དང་། དེ་དག་གི་གནས་རྣམས་སམ། གཞན་དུ་ཡང་སྐྱེས་བུ་དཔའ་བོས་འཁྲུལ་འཁོར་གྱི་བླ་མ་ཉི་ཤུ་རྩ་གཅིག་བཟླས་ལ་བསྣུན་པར་བྱའོ། །ཆུར་འཇུག་པ་དང་། དུག་གི་དུ་བ་དང་། དུག་གི་རླུང་གིས་རང་གི་རྐང་མཐིལ་དང་སྤྱི་གཙུག་གི་བར་དུ་ཡོངས་སུ་བྱུགས་ལ་འཇུག་གོ། །དེ་དག་
D744.094.0245b05.01ཐམས་ཅད་ལས་བསྲུང་བ་བྱས་པར་འགྱུར་རོ། །འཇུག་པ་ན་འཁྲུལ་འཁོར་གྱི་བླ་མ་བཟླའོ། །ཟློས་ཤིང་འཇུག་པར་བྱའོ། །རྡོ་རྗེ་འཛིན་པའི་གཟི་བརྗིད་ལྟ་བུར་ཐམས་ཅད་ཀྱིས་ཚུགས་པར་མི་ནུས་ཏེ་རང་གི་ཁྱིམ་དུ་འཇུག་པ་བཞིན་ནོ། །རའི་འོ་མ་དང་ཀ་ར་ལྷན་ཅིག་ཏུ་བཛྲ་ཏན་ཏུ་ལ་དང་།
D744.094.0245b06.01བསླགས་ལ་ཁྲོ་བོ་ལན་ཉི་ཤུ་རྩ་གཅིག་བཟླས་ཏེ་ཟོས་ལ་འཇུག་གོ། །གང་གི་ཚེ་ལྷ་ཆེན་པོའི་ཁང་བའི་ལྷ་བཤོས་ཡོད་པ་ལས་ཕྱོགས་ཏེ། གཡས་ཕྱོགས་ནས་བསྐོར་ལ་འཁྲུལ་འཁོར་གྱི་བླ་མ་ཟློས་ཤིང་འཇུག་པར་བྱའོ། །ཞུགས་པ་དང་རྔའི་དབྱུག་གུ་ལ་ལན་ཉི་ཤུ་རྩ་གཅིག་བཟླས་ལ་
D744.094.0245b07.01