完整藏文原文 · 德格版页 当前仅加载第 94 函德格 260b 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་མཁའ་དུག་དང་ལྷན་ཅིག་པ། །ཐམས་ཅད་རྐང་འོག་རྡོ་རྗེ་ཡིས། །གར་གྱི་སྦྱོར་བས་བསྣུན་པར་བྱ། །རྡོ་རྗེ་བསྡིགས་པའི་སྦྱོར་བ་ཡིས། །རྡོ་རྗེ་ཁུ་ཚུར་གྱིས་ནི་བསྣུན། །བསྣུན་པས་འཁྲུལ་འཁོར་ཐམས་ཅད་ནི། །གདོན་མི་ཟ་བར་ལྟུང་བར་འགྱུར། །ཉི་མ་དང་ནི་
D744.094.0260b01.01རྡོར་འཛིན་ཡང་། །དཔལ་ལྡན་གྱིས་བསྣུན་གཡོ་འགྱུར་ན། །ཕལ་པའི་འཁྲུལ་འཁོར་སྨོས་ཅི་དགོས། །ལྷ་མིན་བུ་མོ་རྙེད་དཀའ་མིན། །རལ་གྲི་འཁོར་ལོ་དབྱུག་གུ་སོགས། །འོད་ལི་ཨ་ཛ་ག་ར་དང་། །གསང་བའི་མཚམས་ཀྱི་སྒོ་གླེགས་དང་། །བུང་བའི་ཕྲེང་བ་དེ་
D744.094.0260b02.01བཞེན་དུ། །དྲག་པོའི་སྒྲ་དང་གད་རྒྱངས་ཆེ། །ཚར་གཅོད་པ་རུ་གང་གྱུར་པ། །ཕྱི་རོལ་དུ་ནི་ཆོ་ག་དེས། །ཇི་ལྟར་འཇོམས་པ་དེ་བཞིན་བསྣུན། །ཁྲོས་པས་མཆེ་བས་མཆུ་མནན་ཏེ། །ས་འོག་བཟླས་པས་བསྣུན་པར་བྱ། །ཁྲོན་པར་འཇུག་པའི་འཁྲུལ་འཁོར་ནི། །
D744.094.0260b03.01དེ་ནི་འོག་གི་འཁྲུལ་འཁོར་བཤད། །དཔལ་གྱི་སྒོ་ནི་གང་ཚེ་མཐོང་། །བཟང་ཡང་མཚན་ཉིད་ཉམས་པ་དང་། །སྲ་བའི་མཚམས་དང་སྦས་པ་དང་། །རི་མོ་ཡིས་ནི་ཡོངས་བྲེས་པ། །དེ་ལ་ས་གའི་ཆོ་ག་ཡིས། །ལག་པ་སྟེང་དུ་བྱས་ནས་སུ། །རྡོ་ལ་བརྒྱད་བརྒྱ་བཟླས་
D744.094.0260b04.01ནས་ཀྱང་། །མཚམས་ལ་དྲག་ཏུ་བརྡེག་པར་བྱ། །བསྣུན་པ་ཙམ་གྱིས་འཁྲུལ་འཁོར་དེ། །གདོན་མི་ཟ་བར་མཐོང་བར་འགྱུར། །བྱ་རོག་མཆུ་དང་དབྱུག་གུ་དང་། །ཐོབ་འཆིང་བའང་དེ་བཞིན་ཏེ། །རུས་སྦལ་ཕྱག་རྒྱའི་ཆོ་ག་ཡིས། །གཡས་ལས་གཞན་པས་རེག་པར་བྱ། །
D744.094.0260b05.01ཕུར་བུ་བཅིང་བར་བྱས་ནས་སུ། །བྱ་རོག་མཆུ་ལ་གཟེར་བར་བྱ། །གཡོན་བརྐྱང་པ་འམ་མཉམ་པ་ཡིས། །གཡས་པ་ཡིས་ནི་དེ་བསྐོར་རོ། །འཁྲུལ་འཁོར་གྱི་ནི་མཚམས་རྙེད་འགྱུར། །དེ་ནི་མྱུར་བས་གདོན་པར་བྱ། །དེ་ནས་པུས་མོ་གཡས་བསྐུམས་ཏེ། །རྐང་པ་
D744.094.0260b06.01གཡོན་པ་བརྐྱང་བར་བྱ། །ཐོ་བས་ཕུར་བུ་ལ་བསྣུན་པས། །མཚམས་ཀྱི་འཁྲུལ་འཁོར་བསྐྱོད་པར་འགྱུར། །རྡོ་རྗེ་ཁྲོ་བོ་དེ་མ་ཐག །གསང་སྔགས་བཟླས་པས་གདོན་པར་བྱ། །དེར་ནི་དུ་བ་འབྱུང་བ་ན། །རླུང་གི་འཁྲུལ་འཁོར་གྱིས་བྱས་ཡིན། །གེ་སར་རྒྱ་སྤོས་རུ་རྟ་
D744.094.0260b07.01