完整藏文原文 · 德格版页 当前仅加载第 94 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། དབྱུག་གུ་དང་། རྩེ་གསུམ་དང་། ཞགས་པ་ལ་སོགས་པ་བྲི་བར་བྱའོ། །དེའི་ལྷོའི་སྒོར་ལྷ་མ་ཡིན་བརྒྱད་བྲི་སྟེ། སྟོབས་ཅན་དང་། སྟོབས་ཅན་གྱི་བུ་དང་། བདེ་མཆོག་དང་། དུས་ཀྱི་མུ་ཁྱུད་དང་། ཐགས་ཟངས་རིས་དང་། རབ་བདེ་དང་། གཞན་ལེན་དང་། དབྱིག་
D744.094.0247b01.01ཟའོ། །ནུབ་ཀྱི་སྒོར་འཁྲུལ་འཁོར་སུམ་ཅུ་ལྷག་པའི་སྟོང་གཞག་པར་བྱའོ། །དེ་ལ་འཁྲུལ་འཁོར་ཆེན་པོ་བརྒྱད་རྣམ་པ་དང་བཅས་པ་གཞག་པར་བྱ་སྟེ། དེ་ལ་སྲད་བུ་དང་། གྲི་གུག་དང་། བུད་མེད་དང་། གཞིའི་འཁྲུལ་འཁོར་དང་། འཕང་འཛིན་པའི་ལག་པ་དང་། འོག་
D744.094.0247b02.01ཏུ་ལྟ་བའི་ཚུལ་དང་། གཞིའི་འཁྲུལ་འཁོར་ལ་ལྟ་བ་བྲི་བར་བྱའོ། །དེ་ནས་སེང་གེ་དང་། ལུག་དང་། ཆུ་སྲིན་དང་། གླང་པོ་ཆེ་དང་། ལྟོ་འཕྱེའི་རྣམ་པ་དང་། དཀྱིལ་འཁོར་གྱི་རྣམ་པ་དང་མ་བྱས་པའི་གདོང་དང་། དཔལ་གྱི་སྒོ་འདི་བརྒྱད་རྣམ་པ་དང་བཅས་པ་བྲི་བར་བྱའོ། །གདོང་
D744.094.0247b03.01གི་འཁྲུལ་འཁོར་མཆུ་བཙུམས་པ་བྲི་བར་བྱའོ། །ལུག་གི་སྤྱི་བོར་ཕུར་བུའི་འཁྲུལ་འཁོར་བྲི་བར་བྱའོ། །མདའ་དང་བཅས་པའི་གཞུ་དང་། ཆུ་རྒྱུན་གྱི་ལྟེ་བར་ཕུར་བུ་གཞག་པར་བྱའོ། །སྦྱིན་དང་འོད་ལི་གྲུ་བཞི་པ་དང་། བསྐོར་བའི་འཁྲུལ་འཁོར་བྲིའོ། །གཉིད་དང་། འོད་འཕྲོ་བའི་
D744.094.0247b04.01རྣམ་པ་བྲི་བར་བྱའོ། །དེ་ཡང་{གོ་རིམས་,གོ་རིམ་}བཞིན་དུ་རྣམ་པ་དང་བཅས་པའི་འཁྲུལ་འཁོར་ལ་ཕུར་བུས་བསྣུན་པ་བྲི་བར་བྱའོ། །དེ་ནས་བྱང་གི་སྒོར་བུ་ག་རྣམ་པ་དང་བཅས་པ་བྲི་བར་བྱ་སྟེ། སེང་གེ་དང་། ལུག་དང་། ཆུ་སྲིན་དང་། གླང་པོ་ཆེའི་གདོང་དང་། ལྟོས་འཕྱེའི་གདོང་དང་། བ་
D744.094.0247b05.01ལང་གི་གདོང་དང་། དཀྱིལ་འཁོར་དང་། མ་བྱས་པའི་གདོང་གི་རྣམ་པ་སྟེ། དཔལ་གྱི་སྒོ་བརྒྱད་ཕུར་བུས་བསྣུན་པའི་རྣམ་པ་དང་བཅས་པ་བྲི་བར་བྱའོ། །དེའི་དབུས་སུ་ཆུ་རྒྱུན་དབྱུག་གུ་དང་བཅས་པ་བྲི་བར་བྱའོ། །གྲྭ་བཞིར་སྒོ་བྲལ་བཞི་བྲི་བར་བྱའོ། །མེར་མེའི་ཐབ་ཁུང་ངོ་། །
D744.094.0247b06.01བདེན་བྲལ་དུ་དུ་བའི་ཐབ་ཁུང་ངོ་། །རླུང་དུ་ཆུའི་ཐབ་ཁུང་ངོ་། །དབང་ལྡན་དུ་སྦྲུལ་གཞག་པར་བྱའོ། །དེ་ནས་རས་དཀར་པོ་ཕྲ་བ་དྲི་ཞིམ་པའི་གདུགས་བཞི་དང་། དབྱིག་དང་བཅས་པའི་ནོར་བུས་བྱིན་གྱིས་བརླབས་ལ་ཤིན་ཏུ་དྲི་ཞིམ་པའི་ཆུ་གཙང་མས་ཡོངས་སུ་བཀང་བའི་བུམ་པ་
D744.094.0247b07.01