完整藏文原文 · 德格版页 当前仅加载第 94 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
སྐུ་བཤད་པར་བྱའོ། །གཞོན་ནུ་མས་བཀལ་བའི་ཁ་ཚར་མ་བཅད་ཅིང་སྐྲ་མེད་པའི་རས་ལ་རི་མོ་མཁན་གསོ་སྦྱོང་དང་ལྡན་པས་ཁ་དོག་མ་འདྲེས་པ་སྣོད་གསར་པར་བཞག་ལ་ཁ་དོག་དམར་པོ་ཕྱག་བཞི་པ། སྦྲུལ་གྱི་སྐ་རགས་ཀྱིས་བརྒྱན་པ་སྦྲུལ་གྱི་མཆོད་ཕྱིར་
D744.094.0251a01.01ཐོགས་པ་ཅན་སྤྲིན་གསར་པ་ལྟ་བུ་མཆུ་སྦྱར་བ་དཔྲལ་བར་ཁྲོ་གཉེར་བསྡུས་པ་རྡོ་རྗེ་དང་བཅས་པའི་མགོ་བོའི་ཕྲེང་བ་ཅན་གཡས་པར་དགྲ་སྟ་དང་ཡང་རྡོ་རྗེའོ། །གཡོན་པའི་སྡིགས་མཛུབ་ཀྱིས་དཔལ་གྱི་སྒོའི་བུ་ག་གསལ་བར་བྱེད་པ་གཡོན་པའི་གཉིས་པར་ལྟོས་འགྲོ་ཆེན་པོ་བསྐྱིལ་
D744.094.0251a02.01བའི་ཞགས་པ་འཆང་བའོ། །འོག་ཏུ་གཟིགས་པ། ཞལ་མཆེ་པ་གཙིགས་པ་དྲག་པོའི་གཟུགས་ཅན་མ་མོས་པར་གྱུར་པས་བྲི་བར་བྱའོ། །རྣམ་པར་བྲལ་བའམ་སྟོང་པའི་ཕྱོགས་མེ་ཏོག་དང་འབྲས་བུ་ལྡན་པའམ་བུ་གའི་སྒོར་འབུམ་ཕྲག་དྲུག་བཟླའོ། །དེའི་སྔོན་དུ་ཇི་ལྟར་བྲིས་སྐུ་དེ་གདུག་
D744.094.0251a03.01པ་ཅན་འགའ་ཡིས་ཀྱང་མ་མཐོང་བ་དེ་ལྟར་བྱའོ། །དེ་ནས་རྡོ་རྗེས་བསྣུན་པའི་ཤིང་གིས་ས་བསྲེགས་ལ་ཕྱོགས་དེར་ཡུངས་ཀར་དཀར་པོ་ལ་རྡོ་རྗེ་ཁྲོ་བོས་ཡོངས་སུ་བསྔགས་ཏེ་གདབ་པར་བྱའོ། །དེ་ནས་སྐྱེས་པའི་ས་བོན་དེ་གཟུང་བར་བྱའོ། །དེ་ནས་རྡོ་རྗེས་བསྣུན་པའི་ཤིང་ལ་མེ་སྦར་ཏེ། རྡོ་
D744.094.0251a04.01རྗེའི་རྣམ་པའི་ཐབ་ཁུང་དུ་ཡུངས་ཀར་དེ་དང་ཙནྡན་དམར་པོ་བསྲེས་ལ་སྟོང་ཕྲག་བརྒྱད་སྲེག་བླུགས་བྱའོ། །ཉི་མ་བཞི་པ་ལ་ལྷ་མ་ཡིན་གྱི་གྲོང་ན་གནས་པའི་བུད་མེད་ལས་དྲོ་བ་དང་ལྡན་པས་ངེས་པར་འོངས་ནས་སྟོན་པར་འགྱུར་རོ། །དེ་རྣམས་དང་ལྷན་ཅིག་ཏུ་འཇུག་པར་མི་བྱའོ། །དེ་
D744.094.0251a05.01རྣམས་དང་སྨྲ་བར་མི་བྱའོ། །ཉི་མ་ལྔ་པ་ལ་སྲེག་བླུགས་བྱས་པའི་མཐར་འཁྲུལ་འཁོར་ཐམས་ཅད་ལ་དུ་བ་འབྱུང་བར་འགྱུར་རོ། །དེ་ནས་བུད་མེད་དེ་དག་འོངས་ཏེ། སྐྱེས་བུ་དཔའ་བོ་བྱོན་པར་ཞུ་ཞེས་སྨྲ་བར་འགྱུར་རོ། །དེར་ཡང་འཇུག་པར་མི་བྱའོ། །སྲེག་བླུགས་བྱས་པ་
D744.094.0251a06.01དང་ཉི་མ་དྲུག་པ་ལ་ཁང་པ་ཐམས་ཅད་ལ་དུ་བ་འཐུལ་བར་འགྱུར་རོ། །འཁྲུལ་འཁོར་གྱི་གནས་སུ་ཀི་ཊི་ཀི་ཊ་ཞེས་སྒྲོག་པར་འགྱུར་རོ། །དེ་ནས་བུད་མེད་དེ་རྣམས་མིག་མཆི་མས་གང་བཞིན་དུ་གྲུབ་པའི་རྫས་དང་། རིན་པོ་ཆེ་ཐམས་ཅད་བཟུང་ནས་འོང་བར་འགྱུར་རོ། །རང་གི་ཕྱག་རྒྱ་
D744.094.0251a07.01