完整藏文原文 · 德格版页 当前仅加载第 94 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
རྨི་ལམ་ལྟ་བུར་གསང་སྔགས་གང་འདོད་པ་ཡིད་ལ་སེམས་ཤིང་བཟླ་བར་བྱའོ། །གཞན་དུ་ན་ལོག་པར་འདྲེན་པ་རྣམས་ཞུགས་པར་གྱུར་ནས་རིག་པའི་ལྷ་མངོན་དུ་མི་འགྱུར་རོ། །གཞན་གྱི་གོས་ལ་རེག་པར་མི་བྱ་ཞིང་བགོ་བ་གསུམ་བྱས་ཏེ། གཅིག་གྱོན་ལ་ཁྲུས་བྱའོ། །གཉིས་
D744.094.0264b01.01པས་བཟླ་བར་བྱའོ། །གསུམ་པས་མཚན་མོ་གྱོན་པར་བྱའོ། །སྐྱིལ་ཀྲུང་གིས་གནས་ཏེ་རིག་པའི་ལྷའི་མཚན་མ་མཐོང་ནས་ཏིལ་དང་མར་བསྲེས་པའི་སྲེག་བླུགས་བྱའོ། །རིག་པའི་སྟོབས་འཕེལ་བར་འགྱུར་རོ། །ཏིལ་མེད་ན་དན་ཏུ་ལ་དང་། སྲན་མ་ཤ་དང་། མུད་
D744.094.0264b02.01ག་རྣམས་ཀྱིས་བྱའོ། །ཉ་དང་ཤ་དང་ཆང་བཏུང་བར་མི་བྱ་སྟེ། ཉེས་པ་དེས་ལོག་པར་འདྲེན་པ་རྣམས་ཀྱིས་ཟིལ་གྱིས་གནོན་པར་འགྱུར་རོ། །རྟག་ཏུ་སངས་རྒྱས་དང་། ཆོས་དང་། དགེ་འདུན་ལ་བསྙེན་བཀུར་བ་དང་ལྡན་པས་བྱང་ཆུབ་ཀྱི་སེམས་ཆེན་པོ་བསྐྱེད་པར་
D744.094.0264b03.01བྱའོ། །དམ་ཚིག་ཤེས་པར་གྱུར་པས་འདི་ལྟར་བྱས་ན་རིང་པོ་མི་ཐོགས་པར་འགྲུབ་པར་འགྱུར་རོ། །རིག་པ་འཛིན་པས་སྔར་བཤད་པ་བྱའོ། །རྟག་ཏུ་ལྷ་ཐམས་ཅད་ལ་བདུག་པ་དང་། ལྷ་བཤོས་ཀྱི་འབྲས་ཆན་རང་གི་ལག་གིས་དབུལ་བར་བྱའོ། །ཟློས་པ་ན་ཁ་ཤར་དུ་
D744.094.0264b04.01ཕྱོགས་ཏེ་བྲིས་སྐུ་བྲིས་པའི་སྔོན་དུ་བཟླས་པར་བྱའོ། །བྲིས་སྐུའི་ཚད་ཆེན་པོ་ཁྲུ་བཅུ་པའི་རས་ལའོ། །དེའི་ཕྱེད་དང་ཕྱེད་ལ་འབྲིང་དང་ཐ་མར་འགྱུར་རོ། །སྐབས་འདིར་རིག་པ་འཛིན་པས་སྔར་བཤད་པ་རྣམས་བྱའོ། །གལ་ཏེ་བརྒྱ་ལ་རྫས་སམ། གོས་སམ། རྒྱན་
D744.094.0264b05.01སྟེར་ན་དེ་གཟུང་བར་མི་བྱ་སྟེ། འབྲས་བུ་ཙམ་བཟུང་ན་ཡང་གསང་སྔགས་འགྲུབ་པར་མི་འགྱུར་རོ། །ཆུ་ཉུང་དུས་བཀྲུ་བར་མི་བྱ་ཞིང་རྐང་པས་མེ་ལ་རེག་པར་མི་བྱ་ལ་སེན་མོས་ས་ལ་རི་མོ་བྲི་བར་མི་བྱ་ཞིང་། ལྷའི་ཁང་པའི་གྲིབ་མ་ལ་འགོམ་པར་མི་བྱ་སྟེ། འདི་ལྟ་བུའི་ཡོན་ཏན་
D744.094.0264b06.01དང་ལྡན་ཞིང་དེ་དག་དོར་བའི་སྔགས་པས་མྱུར་དུ་རིག་སྔགས་འགྲུབ་པར་འགྱུར་རོ། །འཕགས་པ་རྡོ་རྗེ་ས་འོག་གི་རྒྱུད་ལས་རིག་སྔགས་ཀྱིས་འདུལ་བ་ཞེས་བྱ་བ་རྡོ་རྗེ་ཁྲོ་བོས་ཡོངས་སུ་ཞུས་པའི་ལེའུ་སྟེ་ཉི་ཤུ་གསུམ་པའོ།། །།དེ་རུ་འབད་པས་འཇུག་པ་ན། །ཁང་{བཟངས་,བཟང་}
D744.094.0264b07.01