完整藏文原文 · 德格版页 当前仅加载第 94 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ཀྱང་བྱིན་གྱིས་བརླབ་པར་བགྱིའོ། །དབང་ལྡན་གྱི་ཕྱོགས་སུ་བསྡད་ལ་གནས་མཆོག་དེར་མགལ་དུ་མ་དང་། རྡོ་བ་དོར་ཏེ། འཁྲུལ་འཁོར་དང་ཤིང་སྡོང་སྤངས་ལ་གཞན་ཡང་བསང་གཏོར་དང་། ལྷའི་མཆོད་སྦྱིན་དང་། དཀྱིལ་འཁོར་དང་དབང་བསྐུར་བ་བྱས་
D744.094.0247a01.01པ་དང་། བགེགས་དང་། ལོག་འདྲེན་དང་། གནོད་སྦྱིན་མཆོད་པ་བྱས་པ་དང་། དགེ་འདུན་དབང་བསྐུར་བའི་གནས་རྣམས་དོར་ལ། དེར་ཡང་ཆུ་སྣུམ་པ་དང་། མཚོ་དང་། མཚེའུ་དང་། རི་བོ་དང་སྣུམ་པའི་ཕྱོགས་མཚོན་པར་བྱས་ལ་དེ་རྣམས་སུ་སྔོན་བཞིན་དུ་བྱི་དོར་དང་ཡོངས་སུ་
D744.094.0247a02.01སྦྱང་བ་བྱས་ཏེ། ཚོན་སྣ་ལྔས་གྲུ་བཞི་པ་སྒོ་བཞི་པའི་རི་མོ་བྲིས་ལ་དཀྱིལ་འཁོར་གྱི་དབུས་ཆ་བརྒྱད་པར་བྱས་ཏེ། ཡུངས་ཀར་དཀར་པོས་བྱིན་གྱིས་བརླབས་པའི་རྡོ་རྗེ་གྲྭ་བཞིར་གཞག་པར་བྱའོ། །དེའི་དབུས་སུ་སངས་རྒྱས་བཅོམ་ལྡན་འདས་བྲི་བར་བྱའོ། །བཅོམ་ལྡན་འདས་ཀྱི་
D744.094.0247a03.01གཡས་ཀྱི་དྲུང་དུ་འཕགས་པ་ཕྱག་ན་རྡོ་རྗེ་འབར་བའི་ཕྱག་ཅན་གཞག་པར་བྱའོ། །དེའི་དྲུང་དུ་ཁྲོ་བོའི་རྒྱལ་པོ་རྡོ་རྗེ་ས་འོག་རྡོ་རྗེ་ས་འོག་རྡོ་རྗེ་དགྲ་སྟའི་ཕྱག་ཅན་གཞག་པར་བྱའོ། །བཅོམ་ལྡན་འདས་ཀྱི་གཡོན་གྱི་དྲུང་དུ་བྱང་ཆུབ་སེམས་དཔའ་དྲི་མ་མེད་པའི་བློ་གྲོས་རྔ་ཡབ་ཀྱི་ཕྱག་ཅན་གཞག་པར་བྱའོ། །
D744.094.0247a04.01བཅོམ་ལྡན་འདས་ཀྱི་མདུན་དུ་ལྷ་ཆེན་པོ་ཆུང་མ་དང་བཅས་པ་གཞག་པར་བྱའོ། །དེའི་མདུན་དུ་ཁྱུ་མཆོག་ཁ་འོག་ཏུ་ལྟ་བ་ནག་པོའི་གོས་ཅན་གཞག་གོ། །ཤར་གྱི་སྒོར་སྨན་ཐམས་ཅད་གཞག་པར་བྱ་སྟེ། ཨེ་ར་བ་ཏི་དང་། མེ་ཥ་བ་ཏི་དང་། ཛྱོ་ཏི་ར་ས་དང་། བེ་ག་བ་ཏི་དང་། སཱུརྱ་བ་ཏི་དང་
D744.094.0247a05.01ཨ་ཛ་གནྡྷ་དང་། ཡཀྵ་ཀ་ནྱ་སྟེ། སྨན་ཆེན་པོ་འདི་བརྒྱད་གཞག་པར་བྱའོ། །དེའི་གཟུགས་ནི་སེང་གེ་དང་། ཁྱུ་མཆོག་དང་། བྱ་རྒོད་དང་། རུས་སྦལ་དང་། སྦལ་པ་དང་། རྩངས་པ་དང་། མེ་འབར་བ་དང་། དངུལ་ཆུ་རྣམས་གནས་རྣམས་སུ་{གོ་རིམས་,གོ་རིམ་}བཞིན་དུ་བྲི་བར་བྱའོ། །སྨན་
D744.094.0247a06.01རྣམས་དངུལ་ཆུ་དང་། བཅུད་ལེན་དང་། རིགས་ཀྱི་བུད་མེད་ཀྱི་དབྱིབས་སུ་གཞག་པར་བྱའོ། །རྒྱན་རྣམས་དང་། གྲུབ་པའི་རྫས་རྣམས་དང་། ལྡོང་རོས་དང་། མིག་སྨན་དང་། གི་ཝང་དང་བུམ་པ་བཟང་པོ་དང་། རྐང་བྱུག་དང་། མཆོད་ཕྱིར་ཐོགས་དང་། འཁོར་ལོ་དང་། རལ་གྲི་
D744.094.0247a07.01