完整藏文原文 · 德格版页 当前仅加载第 94 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་འཛིན་པས་བཀའ་སྩལ་ཏོ། །རྡོ་རྗེ་རྔ་བོ་ཆེ་ས་འོག་གི་དཀྱིལ་འཁོར་ཞེས་བྱ་བ་དོན་ཡོད་པ་ལྷ་མ་ཡིན་གྱི་གཙོ་བོ་སྐྱེས་བུ་དཔའ་བོ་རྣམས་དབང་བསྐུར་བ་འདི་ལས་གཞན་པ་མེད་དོ། །རྡོ་རྗེ་རྔ་བོ་ཆེ་ས་འོག་གི་ཕྱག་རྒྱ་དང་དཀྱིལ་འཁོར་ཞེས་བྱ་བ་ལས་དོན་ཡོད་པའི་ལེའུ་སྟེ་དྲུག་པའོ།། །།དེ་
D744.094.0249b01.01ནས་རྡོ་རྗེ་ས་འོག་ལས། །གསུངས་པའི་དབང་བསྐུར་རབ་བཤད་བྱ། །ས་འོག་དཀྱིལ་འཁོར་གསང་བ་ཡི། །རྔ་ཡི་སྒྲ་དབྱངས་བྲི་བར་བྱ། །དེ་ནས་རུས་སྦལ་ཕྱག་རྒྱ་བཞག །ཡུངས་ཀར་དཀར་པོའི་སྟེང་དུའོ། །མཆོད་པའི་ཆོ་ག་བྱས་ནས་སུ། །ཕྲ་བའི་རས་ཀྱིས་བརྒྱན་པ་
D744.094.0249b02.01ཡི། །བུམ་པ་རྩ་བ་མི་གནག་པ། །རིན་ཆེན་སྨན་གྱིས་ཡོངས་བཀང་ལ། །གཏོར་མ་གཡས་བསྐོར་བྱིན་ནས་སུ། །ཕྱག་རྒྱའི་སྟེང་དུ་གཞག་པར་བྱ། །སྔོན་དུ་བཤད་པའི་ཆོ་ག་ཡིས། །དཀྱིལ་འཁོར་བྱིན་གྱིས་བརླབ་པར་བྱ། །ལྷ་དག་སྤྱན་དྲངས་བྱས་ནས་སུ། །ཇི་ལྟར་
D744.094.0249b03.01རིགས་པའི་མཆོད་པ་བྱ། །བྱང་ཆུབ་སེམས་ནི་བསྐྱེད་ནས་སུ། །སྡིག་པ་ཡང་ནི་བཤགས་པར་བྱ། །དེ་ནས་རྡོ་རྗེའི་ཕྱག་རྒྱ་བཅིང་། །གསང་བའི་དཀྱིལ་འཁོར་ཕྱི་རོལ་ཏུ། །གྲུབ་པའི་རྡོ་རྗེའི་ཆུ་ཡིས་སུ། །དེ་ནས་དབང་བསྐུར་བ་ནི་བྱ། །ཇི་ལྟ་བ་ཡི་དབང་བསྐུར་ལ། །དེ་ལྟ་
D744.094.0249b04.01བུ་ཡི་བུམ་པ་དགོད། །གང་གི་དཀྱིལ་འཁོར་ཆོ་ག་ལ། །ཕྱག་རྒྱ་གཏོར་མའི་ཆོ་གར་བཤད། །དབང་བསྐུར་ཕྱིར་ནི་འབད་པ་ཡིས། །ཕྱག་རྒྱ་བཅིངས་ལ་གནས་པར་བྱ། །སྔོན་དུ་བསྙེན་པ་བྱས་ནས་སུ། །དངུལ་ཆུའི་བྱ་བ་སྤང་བར་བྱ། །མདོ་སྡེའི་རྗེས་འབྲང་ཆོག་ཡིས། །
D744.094.0249b05.01མཆོད་རྟེན་གྱི་ནི་ལས་བྱའོ། །གྲོགས་རྣམས་ཀུན་དང་རྣམ་གྲོལ་ཏེ། སློང་མོ་ཟ་ཞིང་མཉམ་གཞག་པས། །མྱུར་དུ་དངོས་གྲུབ་ཐོབ་པར་འགྱུར། །ཕྱག་ན་རྡོ་རྗེས་བྱིན་གྱིས་རློབ། །འཕགས་པ་རྡོ་རྗེས་འོག་གི་སྒྲུབ་པར་བྱེད་པའི་དབང་བསྐུར་བའི་ལེའུ་སྟེ་བདུན་པའོ། །དེ་ནས་
D744.094.0249b06.01འདིར་བཅོམ་ལྡན་འདས་འཇིག་རྟེན་གསུམ་གྱིས་ཞབས་ལ་རྗེད་པ། ཁྲོ་བོ་ཆེན་པོ་རྡོ་རྗེ་ས་འོག་གི་བྲིས་སྐུའི་ཆོ་ག་བརྗོད་པར་བྱའོ། །གཞོན་ནུ་མས་བཀལ་བའི་སྲད་བུ་བ་ལང་གི་ཆུས་བཀྲུས་ཏེ། ཡན་ལག་བརྒྱད་པའི་གསོ་སྦྱོང་ལ་གནས་པའི་ཐགས་མཁན་གྱིས་བཏག་བར་བྱའོ། །རས་
D744.094.0249b07.01