完整藏文原文 · 德格版页 当前仅加载第 94 函德格 259b 版页；藏文 NFD、目录标记与异常页序保留在来源切片中，重复版页行以稳定序号区分。
སོར་མོས་མེ་ཏོག་གི་སྡོང་བུ་ལྟར་འགུགས་པའོ། །གཡོན་པར་ལྟོ་འཕྱེ་ཆེན་པོ་བསྐྱིལ་བའི་ཞགས་པའོ། །གཉིས་པའི་འོག་ཏུ་སོན་པར་བགེགས་རྣམས་དང་། ལྷ་མ་ཡིན་རྣམས་དང་། ཀླུ་དང་། གནོད་སྦྱིན་ལ་སོགས་པ་རྣམས་ལ་བསྡིགས་པའོ། །འོག་ཏུ་རྒྱ་མཚོ་ཆེན་པོ་བྲི་
D744.094.0259b01.01བར་བྱའོ། །དེའི་དབུས་སུ་རི་བོ་ཆེན་པོའི་སྟེང་དུ་པདྨ་ཆེན་པོ་ལ་བཞུགས་པ་ནི་བཅོམ་ལྡན་འདས་སོ། །རྒྱ་མཚོ་ཆེན་པོ་དེའི་ནང་དུ་ལུས་ཕྱེད་ནུབ་པའི་འོག་ཏུ་ལྟ་བའི་ལྷ་མ་ཡིན་ཆེན་པོ་བརྒྱད་བྲི་བར་བྱའོ། །བཅོམ་ལྡན་འདས་ཀྱི་སྟེང་དུ་འོད་ཀྱི་དཀྱིལ་འཁོར་གྱི་དྲུང་དུ་པདྨའི་གདན་ལ་
D744.094.0259b02.01བཞུགས་པ་དང་། ཁྲོ་བོའི་གདན་ལ་བཞུགས་པ་སྟེང་དུ་ཕྱག་བརྐྱང་ནས་ཁྲོ་བོ་ཆེན་པོ་དབུགས་འབྱིན་པར་མཛད་པ་དེ་བཞིན་གཤེགས་པའི་སྐུ་འོད་དཔག་ཏུ་མེད་པ་དང་། མི་བསྐྱོད་པ་དག་བྲི་བར་བྱའོ། །དེ་ལྟ་བུའི་བྲིས་སྐུ་ཡོངས་སུ་རྫོགས་པ་དང་། རིག་པ་འཛིན་པ་གཅིག་པུས་
D744.094.0259b03.01མི་སྨྲ་བའམ། གྲོགས་བཟང་པོ་དང་བཅས་ཏེ། རི་བོའམ་སྒྲ་མེད་པའི་ཕུག་རྙིང་པའམ། ཤིང་གཅིག་པའི་གནས་ཇི་ལྟར་རྙེད་པར་ལོ་མ་དང་། འབྲས་བུ་དང་། འོ་མ་དང་། སློང་བ་ཟ་ཞིང་སྡིག་པ་བཤགས་ལ་བསོད་ནམས་ལ་རྗེས་སུ་ཡི་རང་བ་དང་། ཆོས་ལ་དགའ་བས་བྲིས་སྐུ་
D744.094.0259b04.01རབ་ཏུ་གནས་པ་བྱ་སྟེ་འབུམ་ཕྲག་བཅུ་བཟླའོ། །ཆོ་ག་འདིས་ཧཱུཾ་ཞེས་བརྗོད་པས་རི་རབ་ཀྱང་ཕྱེ་མར་རློག་ཅིང་རྒྱ་མཚོ་ཡང་སྐེམས་སོ། །ལྷའི་གནས་རྣམས་ལྟུང་བར་བྱེད་དོ། །དེ་ལྟ་བུས་སྔོན་དུ་བསྙེན་པ་བྱ་སྟེ། དཔལ་གྱི་སྒོའི་སྒོར་བྲིས་སྐུ་བཞག་ལ་སྟོང་ཕྲག་བཅུ་བཟླའོ། །གང་
D744.094.0259b05.01དེའི་ཉེ་བར་གནས་པ་རྣམས་དེར་འོང་ངོ་། །ཐམས་ཅད་ལ་བཀའ་བསྒོ་བར་བྱའོ། །དངུལ་ཆུ་དང་། བཅུད་ལེན་དང་། མིག་སྨན་དང་། གྲུབ་པའི་རྫས་ལ་སོགས་པ་སྟེར་རོ། །སྒོ་འབྱེད་པར་འགྱུར་རོ། །སྦྱིན་ཐམས་ཅད་ཀྱིས་གོས་པར་མི་འགྱུར་རོ། །སྒྲ་མེད་པར་བྱེད་དོ། །ཆུ་རྒྱུན་
D744.094.0259b06.01སྐེམས་པར་འགྱུར་རོ། །འཁྲུལ་འཁོར་ཐམས་ཅད་ལྟུང་བར་འགྱུར་རོ། །སྡིག་པ་ཐམས་ཅད་བྲལ་བར་འགྱུར་རོ། །མར་དང་འབྲས་ཡོས་ཀྱི་སྦྱིན་སྲེག་གིས་ཞི་བར་བྱེད་དོ། །མར་དང་འོ་མའི་སྦྱིན་སྲེག་གིས་སྟོབས་འཕེལ་པར་བྱེད་དོ། །མར་དང་ཏན་ཏུ་ལེའི་སྦྱིན་སྲེག་གིས་
D744.094.0259b07.01