完整藏文原文 · 德格版页 当前仅加载第 94 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
བཞི་གཡས་བསྐོར་དུ་བསྐོར་བ་ལ་བཞག་སྟེ་གསུམ་གྱིས་དགབ་བོ། །ཨ་ཤྭཏྠའི་ལོ་མ་རྣམས་འདི་ལྟ་བུའི་གནས་ནས་བླང་བར་བྱ་སྟེ། ལྗོན་ཤིང་གཞན་གྱི་གྲིབ་མས་མ་ཕོག་པ་དང་། ལྷའི་ཁང་པས་མ་ཕོག་པ་དང་། དུར་ཁྲོད་དུ་སྐྱེས་པ་རྣམས་ཀྱི་ཨ་ཤྭཏྠའི་ལོ་མ་ཡོངས་སུ་
D744.094.0263a01.01གཟུང་བར་མི་བྱའོ། །དེ་དག་ལས་གཞན་གནས་བསྔགས་པའི་ཨ་ཤྭཏྠའི་ཤིང་གི་ལོ་མ་རྩེ་མོ་དཀར་པོ་རྣམས་ཀྱི་སྟེང་དུ་གྲུབ་པའི་རྫས་ཆ་གསུམ་དུ་བྱས་ཏེ། བླ་མ་དང་བདག་ཉིད་དང་ལྷན་ཅིག་པ་རྣམས་ཀྱིའོ། །རྡོ་རྗེ་དང་འཁོར་ལོ་དང་རལ་གྲི་རྣམས་སུ་བློས་བརྟགས་ནས་དེ་དག་ཐུན་
D744.094.0263a02.01ཚོད་ལྔར་ཡོངས་སུ་བསྐམས་ཏེ། དེ་ནས་བ་ལང་གི་ལྕི་བའི་ཚོགས་ཀྱི་དབུས་སུ་བཅུག་ལ་ཞག་ཉི་ཤུ་རྩ་གཅིག་ཏུ་བཞག་གོ། །དེ་ནས་བཏོན་ཏེ་བའི་རྣམ་ལྔས་བཀྲུས་ལ་དེ་ཉིད་དུ་ཞག་བདུན་ལྷག་པར་གནས་པར་བྱས་ཏེ་ཡོངས་སུ་ལྟུང་བས་བསྣུན་པ་ལ་སྟོང་ཕྲག་བརྒྱད་ཡོངས་སུ་བཟླས་
D744.094.0263a03.01ལ་དེ་ནས་སྒྲུབ་པ་ལ་འཇུག་གོ། །མིག་སྨན་དེ་དང་། རུ་རྟ་དང་། རྒྱ་སྤོས་དང་། ལོ་དྲ་རྣམས་བསྲེས་ལ་བཅོམ་ལྡན་འདས་སྤྱན་མའི་སྙིང་པོ་སྟོང་ཕྲག་བརྒྱད་མངོན་པར་བསྔགས་ཏེ། སྒྲུབ་པའི་དུས་སུ་མིག་ལ་བྱུགས་པས་གཉིད་མི་འབྱུང་ངོ་། །གཞན་ཡང་སྨན་དུ་གྱུར་པ་ནི་ཨ་
D744.094.0263a04.01པ་མཱརྒ་དཀར་པོའི་རྩ་བ་དང་། ཤུ་དག་སྐྱ་བོ་དང་། རུ་རྟ་དང་། རྒྱ་སྤོས་དང་། གི་ཝང་དང་། གུར་གུ་མ་དང་། ཙནྡན་དཀར་པོ་དང་། ཐོག་མར་རིང་བསྲེལ་ཅན་གྱི་མཆོད་རྟེན་གྱི་མདུན་དུ་ཞག་གསུམ་དུ་སྨྱུང་བར་བྱས་ཏེ་རྡོ་རྗེ་གོ་ཆའི་སྔགས་སྟོང་ཕྲག་བརྒྱད་མངོན་པར་བསྔགས་སོ། །
D744.094.0263a05.01དེ་ནས་སྒྲུབ་པའི་དུས་སུ་བ་ལང་གི་གཅིན་དང་བཏགས་ཏེ་ལུས་ལ་ཡོངས་སུ་བསྐུས་ནས་སྒྲུབ་པ་ལ་འཇུག་གོ། །ལྷ་དང་། ཀླུ་དང་། གནོད་སྦྱིན་དང་། རིག་པ་འཛིན་པ་དང་། ལོག་འདྲེན་ཐམས་ཅད་ཀྱིས་རྒྱང་ནས་འོད་དང་ལྡན་པའི་མེའི་ཕུང་པོ་ལྟར་འབར་བར་མཐོང་སྟེ། མཐོང་ནས་
D744.094.0263a06.01ཕྱག་འཚལ་བར་འགྱུར་རོ། །འཇིག་རྟེན་དང་འཇིག་རྟེན་ལས་འདས་པ་ཐམས་ཅད་ཀྱི་རིགས་རྣམས་མཚུངས་བར་འགྲུབ་པར་འགྱུར་རོ། །གང་གི་ཚེ་རིག་པ་འཛིན་པས་རྫས་གྲུབ་པར་གྱུར་ན་དེ་ནས་སྔོན་བཞིན་བཅོམ་ལྡན་འདས་སྤྱན་མའི་སྔགས་ཀྱིས་མེ་ཏོག་དཀར་པོ་ལ་བརྒྱད་བརྒྱ་བཟླས་
D744.094.0263a07.01