完整藏文原文 · 德格版页 当前仅加载第 94 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
བཟླས་པར་བྱའོ། །ལྷ་མ་ཡིན་གྱི་བུ་མོ་བསྐྱོད་པར་འགྱུར་རོ། །ནད་མི་བཟད་པས་བཟུང་ནས་སྟོང་ཕྲག་བརྒྱ་པོ་ཡོངས་སུ་རྫོགས་པར་འོང་བར་འགྱུར་རོ། །གལ་ཏེ་མི་འོང་ན་དུག་དང་བསྲེས་པ་ལ་ཡུངས་ཀར་སྐྱ་བོས་སྦྱར་བའི་སྲེག་བླུགས་སྟོང་ཕྲག་བརྒྱད་སེང་ལྡེང་གི་སོལ་
D744.094.0258a01.01བ་ལ་བྱའོ། །འོང་བར་འགྱུར་རོ། །གལ་ཏེ་མི་འོང་ན་ཀ་ར་བཱི་རའི་མེ་ཏོག་དམར་པོས་སྲེག་བླུགས་སྟོང་ཕྲག་བརྒྱད་བྱའོ། །དེ་ནས་རྡོ་རྗེ་ལ་བསྣུན་པས་ཅི་ནས་ཀྱང་འོང་བར་འགྱུར་རོ། །དེ་ནས་སྐྱེས་བུ་དཔའ་བོའི་ལག་པ་ནས་བཟུང་ནས་འཇུག་པར་བྱེད་དོ། །རྡོ་རྗེ་ལག་པར་བཅངས་ལ་
D744.094.0258a02.01འཇུག་པར་བྱའོ། །ཡང་ན་རྡོ་རྗེས་བསྣུན་པའི་ཤིང་ལ་འཁོར་ལོ་བྱས་ལ་དུར་ཁྲོད་དུ་ནིམ་པའི་སོལ་བ་ལ་ཚ་བའི་མར་ཁུ་དང་བསྲེས་ཏེ། སྭཱ་ཧཱའི་ཡི་གེ་དང་ལྡན་པས་སྟོང་ཕྲག་བརྒྱད་སྲེག་བླུགས་བྱའོ། །དེ་ཉིད་དུ་འགྲུབ་པར་འགྱུར་རོ། །དུག་དང་། ཁྲག་དང་། ཡུངས་ཀར་སྐྱ་བོ་
D744.094.0258a03.01བསྲེས་ཏེ། སྟོང་ཕྲག་བརྒྱད་སྲེག་བླུགས་བྱས་པས་བུ་གའི་སྒོ་འབྱེ་བར་འགྱུར་རོ། །དེ་ནས་བུ་གའི་སྒོར་བ་གླང་གི་ལྕི་བས་དཀྱིལ་འཁོར་ཉེ་བར་བྱུགས་ལ། སྟེང་དུ་དྲིས་བྱུགས་ཏེ། དེ་ནས་རྡོ་རྗེས་དེས་དེའི་སྟེང་དུ་རྡོ་རྗེ་བྲི་བར་བྱའོ། །དེ་ནས་རྡོ་རྗེ་དེ་ལག་པ་གཡས་པར་བཟུང་ལ་ཡུངས་
D744.094.0258a04.01ཀར་ལ་ཅུང་ཟད་ཅིག་བསྔགས་ཏེ་སྟོང་ཕྲག་བརྒྱད་སྲེག་བླུགས་བྱའོ། །ཅི་བདེ་བར་རྫས་བཟུང་ནས་འོང་བར་འགྱུར་རོ། །དེ་གཟུང་བར་བྱའོ། །གལ་ཏེ་མི་འདོད་ན་དེ་རྣམས་དང་ལྷན་ཅིག་ཏུ་འཇུག་པར་བྱའོ། །ཡང་ན་གཏེར་འདོན་པར་འདོད་པས་ལྕགས་ལས་བྱས་པའི་ཕུར་བུ་བཞི་
D744.094.0258a05.01ལ་ལན་ཉི་ཤུ་རྩ་གཅིག་བཟླས་ཏེ། ཕྱོགས་བཞིར་བཏབ་ལ་གསང་སྔགས་བཟླས་པར་བྱའོ། །དེ་ནས་དེར་གཏེར་འབྱུང་བར་འགྱུར་རོ། །འདི་ནི་བཅོམ་ལྡན་འདས་རྡོ་རྗེ་འཛིན་པས་བཀའ་སྩལ་ཏོ། །ན་མོ་རཏྣ་ཏྲ་ཡཱ་ཡ། ན་མཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ཨོཾ་
D744.094.0258a06.01བཛྲེ་བཛྲི་ཎི། བཛྲོཏྟ་རེ། བཛྲ་བི་ཛ་ཡེ། བཛྲཱ་པ་ར་ཛི་ཏི། བཛྲ་པཱ་ཏཱ་ལི་ནི་ཧཱུྃ་ཕཊ་ཧཱུྃ་ཕཊ་སྦཱ་ཧཱ། རྡོ་རྗེས་བསྣུན་པའི་ཤིང་ལ་སོར་བརྒྱད་པའི་རྡོ་རྗེ་རྩེ་གཅིག་པ་བྱས་ཏེ། ཙནྡན་དམར་པོ་ལས་བྱས་པའི་རྡོ་རྗེའི་རྣམ་པ་སོར་བཅུ་དྲུག་པའི་སྟན་བྱས་ལ་དེའི་སྟེང་དུ་རྡོ་རྗེ་བཞག་ལ་གསོ་སྦྱོང་དང་ལྡན་
D744.094.0258a07.01