完整藏文原文 · 德格版页 当前仅加载第 98 函德格 202b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་འདུས་པར་དེ་བཞིན་གཤེགས་པ་ཉིད་ཀྱིས་མཁྱེན་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཆོས་ཐམས་ཅད་གཏན་ལ་ཕབ་པའི་ལེའུ་སྟེ་བཞི་པའོ།། །།དེ་ནས་དེ་བཞིན་གཤེགས་པ་བཅོམ་ལྡན་འདས་དགྱེས་པ་ཆེན་པོས་འགྲོ་བ་ཐམས་ཅད་ཀྱི་རང་བཞིན་
D834.098.0202b01.01གྱི་དཀྱིལ་འཁོར་ཡོད་པར་བསྟན་པ་དང་། རིགས་རྒྱུད་དྲུག་ཏུ་ཡང་བཤད། དེ་ལ་ཆོས་ཉིད་ཀྱི་རིགས་ནི་ཐམས་ཅད་ཀུན་ལ་ཡང་ཡོད་དོ། །ནམ་མཁའ་ཀྱང་ཀུན་ལ་ཁྱབ་པར་གནས་སོ། །དེ་ལྟར་ཆོས་ཀྱི་དབྱིངས་དང་། ནམ་མཁས་ཀུན་ལ་ཁྱབ་ཀྱང་རྣམ་པར་ཐར་བའི་དོན་
D834.098.0202b02.01མ་རྟོགས་ན་མེ་ལོང་གཡས་གཡོགས་པ་དང་འདྲ་སྟེ་གཟུགས་བརྙན་སྣང་བའི་བྱ་བ་བྱེད་མི་ནུས་སོ་ཞེས་གསུངས་ནས་ཡང་འདི་སྐད་རྡོ་རྗེ་འཆང་གིས་གསུངས་སོ། །མཉམ་ཉིད་དོན་རྟོགས་རང་རིག་རྒྱལ་པོ་དང་། །རྒྱ་མཚོ་ཆེན་པོར་ཆུ་ཀླུང་འབབ་པ་ལྟར། །བླ་མེད་དོན་རྟོགས་
D834.098.0202b03.01ཐབས་ཆེན་འདི་དག་ཏུ། །རྣམ་པའི་ཐེག་པ་བསམ་ཡས་མ་ལུས་འདུས། །ཨ་ཧོ། །བདག་མེད་གཉིས་རྟོགས་ཕ་རོལ་ཕྱིན་རྫོགས་པ། །ས་བཅུ་རིམ་གྱིས་བསྒོམས་པའི་རྣལ་འབྱོར་པ། །སངས་རྒྱས་སར་འགྲོ་གོ་འཕང་ཐོབ་པའི་ལམ། །བདེན་པ་གཉིས་ཀྱིས་རབ་ཏུ་
D834.098.0202b04.01ཐོབ་པར་འགྱུར། །ཕྱི་ནང་རྟེན་འབྲེལ་སྒྱུ་མ་མིག་ཡོར་ཚུལ་ཤེས་པའི། །དངོས་པོ་གཟུགས་ལ་ཐོགས་མེད་རབ་ཏུ་འཇུག །དགེ་བཤེས་མི་སློབ་རང་གི་རིག་པས་རྟོགས། །བྱང་ཆུབ་སར་འགྲོ་ཡིད་བཞིན་བདེ་བའི་མཆོག །བདེན་བཞི་དོན་རྟོགས་རབ་ཏུ་སྤོང་བ་ཡི། །
D834.098.0202b05.01ཡེ་ཤེས་བཅུ་དྲུག་ཆ་སྦྱངས་རབ་ཞི་བའི། །རྒྱུན་ཞུགས་ལ་སོགས་རིམ་པར་སྦྱངས་ནས་ནི། །ཉོན་མོངས་དགྲ་རྣམས་རབ་ཏུ་ཞི་བའི་ས་རུ་འགྲོ། །ཐེག་པ་གང་དུ་བསྟན་པ་མ་ངེས་པའི། །ཡང་ན་ཀུན་ལ་མཐུན་ནས་འབྱམ་པར་འཇུག །ཡང་ན་ངེས་མེད་འདི་ཞེས་བརྟག་ཏུ་
D834.098.0202b06.01མེད། །འདི་ནི་མ་ངེས་རྡོ་རྗེ་འཆང་གིས་གསུངས། །དགེ་བཅུ་སྤྱོད་ཅིང་མི་དགེ་སྤོང་བྱེད་པ། །འདོད་ཁམས་ལྷ་དང་མི་རུ་སྐྱེ་བའི་རྒྱུ། །ཚད་མེད་བཞི་སྤྱོད་མི་གཡོ་སྒོམ་བྱེད་པ། །ཚངས་གནས་ལྷ་སོགས་སྐྱེ་བའི་རྒྱུ་ཡིན་ནོ། །ཆོས་ཀྱི་དབྱིངས་ཀྱིས་ཀུན་ལ་ཁྱབ་གྱུར་
D834.098.0202b07.01