完整藏文原文 · 德格版页 当前仅加载第 98 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
འཁྲིལ་བ་གོང་མ་བཞིན། །ཐུབ་དྲུག་ཕྱག་རྒྱ་སྣ་ཚོགས་ཏེ། །མདོར་བསྡུས་ཕྱག་རྒྱ་དྲུག་ཡིན་ནོ། །གསེག་པར་དང་ནི་པི་བང་དང་། །གོ་ཆ་པོ་ཏི་རིན་ཆེན་སྒྲོམ། །མེ་དང་ཆུ་རུ་རབ་ཏུ་བསྟན། །ཡུམ་ནི་གཉིས་མེད་ཆོས་ཀྱི་དབྱིངས། །ཀུན་བཟང་མཉམ་
D834.098.0212a01.01བཞག་ཡེ་ཤེས་འཕྲོ། །ཡུམ་འགྱུར་མཉམ་རྫོགས་པདྨའི་དཀྱིལ། །གཞན་ཡང་ཕྱག་རྒྱ་སྣ་ཚོགས་ཏེ། །ཡང་ན་དེ་བཞིན་གཤེགས་ཉིད་དེ། །ཡང་ན་རྡོ་རྗེ་ཐལ་མོ་ཉིད། །ཕྱག་རྒྱ་ཆེན་པོ་ཚོགས་མཆོག་ནི། །ཐབས་དང་ཤེས་རབ་ལྡན་འབྱོར་ན། །མ་བསྐྱོད་མ་བསྒུལ་ཐམས་ཅད་
D834.098.0212a02.01ཀུན། །ཕྱག་རྒྱ་ཆེན་པོའི་ངང་དུ་གནས། །ཡན་ལག་བཞི་བཅུ་རྩ་གཉིས་ལྡན། །དེ་ཉིད་ཡན་ལག་སྤྲོས་བདག་སྟེ། །བཞི་བཅུ་རྩ་གཉིས་སུ་མ་འཕྲོར་འབར། །དེ་ལྟར་ལྡན་པའི་གཙོ་མཆོག་གིས། །རྒྱལ་བ་རྒྱ་མཆོག་དེ་བཞིན་དུ། །བཅུ་གཉིས་དྲུག་གི་འོད་འཕྲོ་འབར། །དེ་ལ་
D834.098.0212a03.01སོགས་ཏེ་བསམ་མི་ཁྱབ། །ཕྱོགས་བཅུ་དུས་བཞི་བསམ་ཡས་སུ། །འདུལ་བའི་དོན་རྣམས་སོ་སོར་སྟོན། །ཐེག་པ་མཐོ་དམན་ཐམས་ཅད་དང་། །ཕྱིན་ཅི་ལོག་རྣམས་བསམ་ཡས་དང་། །ཞི་ཁྲོ་ཚོགས་ཆེན་ཐམས་ཅད་ལ། །སོ་སོར་མཐུན་བྱས་ཀུན་དུ་སྣང་། །དཔེར་ན་གར་
D834.098.0212a04.01མཁན་ཉིད་འདྲ་བ། །ལུས་ལས་མ་དགོད་སྣ་ཚོགས་སྟོན། །མདོར་ན་ཕྱག་རྒྱ་ཐམས་ཅད་ནི། །འདི་ཞེས་གཅིག་ཅེས་བརྗོད་དུ་མེད། །གཉིས་དང་གསུམ་དུ་རྣམ་པར་འཕྲོ། །བསྐྱོད་དང་སྤྲོ་བ་དེ་བཞིན་ཉིད། །མདོར་ན་བསྐྱོད་འགུལ་ཐམས་ཅད་ཀུན། །ཕྱག་རྒྱ་ཆེན་པོའི་ངང་
D834.098.0212a05.01དུ་གནས། །གནས་ཉིད་མི་གནས་གནས་པའང་མིན། །དེ་སྐད་དག་མཆོག་ཉིད་ཀྱིས་བཤད། །མཐེ་བོ་མཛུབ་མོ་རྡོ་རྗེ་འཛིན། །མཐེ་བོ་གུང་མོ་རྒྱལ་བ་འཛིན། །སྲིན་ལག་མཐེ་བོ་ཆགས་པ་ཆེ། །མཐེའུ་ཆུང་མཐེ་བོ་ལེགས་པ་མཆོག །ཧཱུྃ་ཧོཿ། མཛུབ་མོ་གཉིས་
D834.098.0212a06.01སྦྱར་རིན་ཆེན་མཆོག །གུང་མོ་གཉིས་སྦྱར་གཟི་བརྗིད་དོན། །སྲིན་ལག་གཉིས་སྦྱར་རྒྱལ་བའི་ཏོག །བཞད་པའི་སྒྲས་ནི་མཐེའུ་ཆུང་སྤྲད། །ཏྲྃ་ཏེ་རུ་ཧ། མཛུབ་མོ་སྟེང་འོག་ཆོས་ཀྱི་མཆོག །གུང་མོ་སྟེང་འོག་འཇམ་དཔལ་མཆོག །སྲིན་ལག་སྟེང་འོག་འཁོར་
D834.098.0212a07.01