完整藏文原文 · 德格版页 当前仅加载第 98 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་པ་ཡུམ་གྱི་དབྱིངས། །གཟུགས་ནི་མཚན་མ་དངོས་པོ་མེད། །གཅིག་ལ་ལྔ་ལྔར་བཤིག་པ་དང་། །ཐམས་ཅད་ནམ་མཁའི་ངང་དུ་གནས། །ནམ་མཁའ་དེ་བཞིན་ཆོས་ཀྱི་དབྱིངས། །འདུས་བྱས་ཉིད་ཀྱི་དངོས་གྲུབ་བོ། །འདུས་བྱས་ཀུན་དུ་
D834.098.0288a01.01འབྱུང་བ་ཞེས་བྱ་བའི་དམ་ཚིག་ནི། གཤེགས་སྐུ་སྒྱུ་མར་སྣང་བ་དང་། །ལོག་རྟོགས་སྒྱུ་མར་སྣང་བ་གཉིས། །གཞི་རྩ་མེད་དེ་རང་བཞིན་སྟོང་། །རིགས་དང་རྒྱུད་དུ་བརྟག་ཏུ་མེད། །རིགས་དང་ཁ་དོག་དབྱིབས་མེད་པས། །ཕྱི་ནང་སྣོད་བཅུད་རྣམ་པར་སྣང་། །སྣང་བ་
D834.098.0288a02.01ཉིད་ན་ཆོས་ཀྱི་སྐུ། །ཅིར་ཡང་འགྱུར་ཞིང་ཐམས་ཅད་འགྲུབ། །ཀུན་འབྱུང་དངོས་གྲུབ་དེ་ལྟར་རོ། །གླང་པོ་བརྗིད་གནོན་ཞེས་བྱ་བའི་དམ་ཚིག་ནི། སེམས་ཅན་མ་ལུས་ཐམས་ཅད་ཀུན། །རྣམ་རྟོག་འདུ་བྱེད་མང་པོས་གཡེངས། །ཇི་ལྟར་བུས་པ་ཤེད་མ་བྱེ། །བྱ་བྱེད་
D834.098.0288a03.01མང་པོས་གཡེངས་པར་གནས། །བྱ་བྱེད་མང་པོ་བདག་མེད་པས། །ཏིང་ངེ་འཛིན་གྱིས་དབང་སྒྱུར་ན། །མཚན་མ་མཉམ་པའི་དབྱིངས་སུ་གནས། །འདུ་བྱེད་སྣ་ཚོགས་མི་གཡོ་བརྟན། །དབང་ལྔ་རྫོགས་པ་ཞེས་བྱ་བའི་དམ་ཚིག་ནི། ཆོས་རྣམས་ཐམས་ཅད་སྐྱེ་མེད་
D834.098.0288a04.01པས། །ཤིན་ཏུ་བརྟན་པའི་དབང་ཐོབ་འགྱུར། །རང་རིག་ཡེ་ཤེས་འོད་གསལ་བས། །ཐམས་ཅད་མཁྱེན་པའི་དབང་ཡང་ཐོབ། །ཆོས་རྣམས་ཐམས་ཅད་དབྱེར་མེད་པས། །ཀུན་ལ་སྤྱོད་པའི་དབང་ཐོབ་སྟེ། །སྤྱོད་ཅིང་ཆགས་པ་མེད་པའི་ཚུལ། །ཀུན་ཀྱང་རང་
D834.098.0288a05.01བཞིན་ཡེ་ནས་ཟླུམ། །ཐམས་ཅད་རྒྱས་འདེབས་ཞེས་བྱ་བའི་དམ་ཚིག་ནི། ཕྱོགས་བཞི་མཚམས་བཞི་སྟེང་འོག་བཅུ། །རང་བཞིན་ཆེན་པོས་ཀུན་དུ་ཁྱབ། །རང་བྱུང་དེ་ཉིད་དངོས་མེད་པར། །ཀུན་གྱི་ཕྱག་རྒྱ་སྒྱུ་ཡིན་ནོ། །ཆོས་དབྱིངས་དེ་ཉིད་ཟབ་པ་ཡི། །བདག་
D834.098.0288a06.01ལ་གནས་ཤིང་བརྟག་དཀའ་བའོ། །མཉམ་པའི་དབྱིངས་སུ་ཐམས་ཅད་འདུས། །ཡེ་ནས་བདེ་གནས་ཞིང་དུའོ། །ཆོས་རྣམས་དབྱེར་མེད་པ་ཞེས་བྱ་བའི་དམ་ཚིག་ནི། ཡེ་ནས་དབྱིངས་སུ་རོ་གཅིག་པས། །དེ་ལ་ང་དང་བདག་མ་རྟོགས། །རང་བཞིན་རྣམ་པར་
D834.098.0288a07.01