完整藏文原文 · 德格版页 当前仅加载第 98 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་ཐམས་ཅད་ཀུན། །ཆགས་པ་མེད་པའི་ཚུལ་གྱིས་རོལ། །དྲི་ལ་སོགས་པ་བདེ་མཆོག་གིས། །ཀུན་ལ་ཚིམ་པར་ཡང་དག་མཆོད། །འགྲོ་དྲུག་མ་ལུས་ཐམས་ཅད་ལ། །ཇི་ལྟར་འཚམ་པའི་དོན་ཡང་བྱེད། །ཐབས་མཁས་ཐུགས་རྗེས་དེ་ལྟར་
D834.098.0273a01.01སྟོན། །དེ་བཞིན་རིགས་དང་རྡོ་རྗེའི་རིགས། །མ་ཆགས་ལ་སོགས་ཤེས་རབ་ལྡན། །གཙོ་བོ་ལྔ་དང་གཙོ་མོ་ལྔ། །ཐབས་དང་ཤེས་རབ་ལྡན་བསྒོམས་ཏེ། །ཚོམ་བུ་གཅིག་གམ་ཡང་ན་གསུམ། །ལྔ་ཡི་དཀྱིལ་འཁོར་རབ་བསྒོམས་ཏེ། །ཐབས་དང་ཤེས་རབ་
D834.098.0273a02.01ཕན་ཚུན་དུ། །ལྷ་གསལ་འོད་འཕྲོ་བསྟིམ་བྱས་ཏེ། །དཀྱིལ་འཁོར་འོད་ཟེར་འབར་བར་བསྒོམ། །ཏིང་འཛིན་ཤིན་ཏུ་གསལ་གྱུར་ནས། །བདག་དང་ཕྱོགས་བཅུ་དབྱེར་མེད་པར། །གཉིས་སུ་མེད་པར་བསྒོམ་པར་བྱའོ། །དེ་ནས་ཐབས་དང་ཤེས་རབ་གཉིས། །ལྟ་
D834.098.0273a03.01སྤྱོད་ཡ་ཆར་མ་གྱུར་པར། །དཀྱིལ་འཁོར་དག་ལ་གསལ་བསྒོམས་ན། །དབུས་ནས་ཤར་ཕྱོགས་ཁ་བསྟན་ནས། །རྐང་པའི་སྟབས་ཆེན་བསྐྱོད་བྱས་ཤིང་། །ལག་གི་འདུ་བྱེད་ཀུན་བསྐྱོད་ནས། །བྲོ་དང་གར་གྱི་ཕྱག་རྒྱར་བྱ། །དཀྱིལ་འཁོར་འོད་ཟེར་དཀར་འཕྲོ་
D834.098.0273a04.01བ། །བྱང་ཆུབ་སེམས་དཔའ་རྣམ་པར་དག །ཤིན་ཏུ་གསལ་དང་འོད་ཟེར་འབར། །ཐབས་དང་ཤེས་རབ་དེ་གྲུབ་ཤོག །ཅིས་ཀྱང་མི་ཚུགས་རྡོ་རྗེ་ཡིས། །བདུད་བཞི་དག་ནི་འཇོམས་པར་བྱེད། །ཐེག་མཆོག་རྡོ་རྗེའི་རིག་འཛིན་པ། །ཐབས་དང་ཤེས་རབ་དེ་གྲུབ་ཤོག །
D834.098.0273a05.01བདག་ཉིད་རིགས་པའི་རྡོ་རྗེ་ཡིས། །ཉོན་མོངས་སྡུག་བསྔལ་མེད་པར་ཤོག །མེ་ལོང་ལྟ་བུའི་ཡེ་ཤེས་ཀྱིས། །ཐབས་དང་ཤེས་རབ་གསལ་འགྱུར་ཤོག །ཉོན་མོངས་སྡུག་བསྔལ་རྩད་བཅད་ནས། །མ་རིག་མུན་པ་མེད་པར་བྱེད། །ཐུགས་རྗེའི་འོད་ཟེར་ཉི་ཤར་བས། །
D834.098.0273a06.01ཐབས་དང་ཤེས་རབ་འོད་འབར་ཤོག །ཤིན་ཏུ་སྲ་ཞིང་སྐྱེ་ཤི་མེད། །རྡོ་རྗེའི་ཐུགས་རྗེ་རོལ་སྟོན་པ། །འགྲོ་ལ་ཐུགས་རྗེ་ཡོངས་ཀྱིས་འབྱུང་། །ཐབས་དང་ཤེས་རབ་བྱམས་ལྡན་ཤོག །ཐབས་དང་ཤེས་རབ་ལྡན་གྱུར་པས། །ཡོན་ཏན་ཕྱོགས་སུ་ཁ་བསྟན་ཏེ། །ལུས་བསྐྱོད་
D834.098.0273a07.01