完整藏文原文 · 德格版页 当前仅加载第 98 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
དག་པ་ཡི། །རྣམ་བཞི་ཚུལ་གྱིས་དོན་རྟོགས་མངོན། །རྒྱུ་རྣམས་རང་བཞིན་དག་པ་དང་། །འབྲས་བུ་ཡོངས་སུ་དག་འགྱུར་ཏེ། །རྒྱུ་ཡི་མཚན་ཉིད་རྣམ་པར་དག །ཕྱི་རོལ་ཆེན་པོ་ལྔ་རྣམས་ཏེ། །སེམས་ཉིད་གཟུང་འཛིན་གཉིས་སྣང་བ། །གཟུང་བའི་
D834.098.0268a01.01ཡུལ་ཉིད་འབྱུང་བ་ཆེ། །རྒྱུད་ཉིད་རང་གི་སེམས་ཡིན་པས། །འབྱུང་བ་ཆེན་པོ་རྒྱུ་ལས་དག །འབྲས་བུ་ཡོངས་སུ་དག་པ་ནི། །སེམས་ཅན་ཀུན་གྱི་རུས་པ་སྟེ། །རྡོ་རྗེ་བྱང་ཆུབ་སེམས་ཡིན་ཏེ། །ཤ་ནི་པདྨ་རཀྟ་ཡིན། །དྲི་ཆེན་དྲི་ཆུ་གུར་གུམ་ཆུ། །སོ་སོའི་ལུས་ལ་གནས་
D834.098.0268a02.01པས་དག །དོན་དམ་དམིགས་མེད་དག་པས་ནི། །ཕྱི་ནང་ཆོས་རྣམས་ཐམས་ཅད་ཀྱང་། །གང་གི་ངོ་བོ་མ་ཡིན་ཏེ། །སྐྱེ་འགག་མེད་པས་ཡེ་ནས་དག །ཀུན་རྫོབ་ཡེ་ནས་དག་པ་ནི། །སྒྱུ་མའི་རང་བཞིན་ཐམས་ཅད་སྣང་། །ཆུ་ཟླའི་ཚུལ་དུ་མི་དམིགས་གནས། །མི་
D834.098.0268a03.01དམིགས་པ་ཉིད་སྣ་ཚོགས་སྣང་། །དེ་བཞིན་གཤེགས་པར་ཡེ་ནས་མཉམ། །དེ་བས་གཙང་སྨེ་མེད་པར་སྤྱོད། །སེམས་ཅན་རྟོག་པ་བཟློག་ཕྱིར་སྨན། །གཙོ་རུ་དང་དུ་བླང་བར་བྱ། །དེ་བས་སེམས་ཅན་ཕྱིན་ཅི་ལོག །ཆོས་རྣམས་ཐམས་ཅད་དག་པར་མ་ཤེས་ཏེ། །
D834.098.0268a04.01ཐབས་དང་ཤེས་རབ་དོན་མ་རྟོགས། །ཁ་ཅིག་གིས་ནི་འཚོ་བའི་བར་དུ་ཟོས། །ཁ་ཅིག་གིས་ནི་དྲང་སྲོང་ཇི་བཞིན་དུ། །ཤ་སྤངས་རྩྭ་དང་ཆུ་ལ་ཟོས། །ཟོས་ཀྱང་མ་གྲུབ་དོན་མ་རྟོགས། །རྣལ་འབྱོར་ཐབས་ལྡན་རྣམས་ཀྱིས་ནི། །རང་བཞིན་ཡོངས་ཀྱིས་དག་པའི་
D834.098.0268a05.01ཕྱིར། །མཉམ་པའི་དབྱིངས་ཀྱིས་རབ་རྟོགས་པས། །ཐབས་དང་ཤེས་རབ་འབྲེལ་པ་ཡི། །ཐེ་ཚོམ་མེད་པར་འགྲུབ་པར་འགྱུར། །དངོས་དང་དངོས་མེད་རྟོགས་པ་མཚན། །གཙང་དང་མི་གཙང་རྟོགས་པ་མཚན། །མཚན་མ་ཉིད་ཀྱང་རྣམ་སྤངས་ཏེ། །
D834.098.0268a06.01མཁྱེན་པས་དབུལ་ལ་གནས་མི་འགྱུར། །བསྒྲུབ་པའི་རྫས་སུ་ཡང་དག་གསུངས། །བྱང་ཆུབ་སེམས་དང་ཤ་ཆེན་དང་། །དྲི་ཆེན་དྲི་ཆུ་རཀྟ་དག །སྒྲུབ་པ་པོས་ནི་ནན་ཏན་བྱ། །དངོས་གྲུབ་ཡ་མཚན་ཆེན་པོ་འགྲུབ། །ཚེ་ལ་དབང་དང་རིག་པ་འཛིན། །
D834.098.0268a07.01