完整藏文原文 · 德格版页 当前仅加载第 98 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་རལ་གྲི་ཉིད་པས་ན། །ནམ་མཁའ་ཁམས་ཀུན་བཀང་བ་ཡིན། །དེ་ལས་ཕྲིན་ལས་གསུང་བྱུང་བའོ། །ཧཱྃ་ཀརྨ་ཛྭ་ལཱ་ན་ལཱ་རྐ་ཧཱུྃ་ཕཊ། མཱུྃ་ལུས་ངག་ཡིད་གསུམ་དྲིལ་བུ་ལས། །སྐུ་གསུང་ཐུགས་ཉིད་གཏུམ་པོར་འགྱུར། །བསྐོར་ཐབས་ཆེ་བའི་མཆོག་ཚུལ་
D834.098.0214b01.01དུ། །རྡོ་རྗེ་ལན་གསུམ་གསོར་བ་ཡིས། །ལྷ་མོ་ཀླུ་མོ་རིགས་ངན་མོ། །དམ་ཅན་རྣལ་འབྱོར་དབང་དུ་འགྱུར། །རྣལ་འབྱོར་ཕོ་མོ་གང་སྣང་བའི། །ཐམས་ཅད་གཅིག་ཏུ་འདུས་པར་ནི། །ཡུལ་ལ་མངོན་དུ་སྣང་བར་འགྱུར། །མི་བསྐྱོད་རྡོ་རྗེ་ཐབས་ལྡན་པས། །ཨོྃ་དང་ཧྃ་
D834.098.0214b02.01ནི་མ་ཐལ་བར། །ལན་གསུམ་གསོར་ཆེན་གུར་དཀར་བསྒོམ། །ལྷན་ནེའི་དཀྱིལ་འཁོར་མཆོག་ཏུ་འགྱུར། །ཨོྃ་དང་ཧྃ་ནི་ཐལ་ཙམ་དུ། །ཀུན་དུ་གྲུ་བཞིར་བདག་གནས་ཏེ། །ལན་གསུམ་གསོར་ལ་གང་བརྩོན་པ། །ཚེ་དང་སྐལ་པ་འཕེལ་བར་འགྱུར། །ལོངས་
D834.098.0214b03.01སྤྱོད་ཅི་འདོད་གྲུབ་པར་འགྱུར། །དེ་ནས་ཟླ་གམ་མདོག་དམར་ཤམ། །འབྲེལ་པ་མཉམ་པར་ལན་གསུམ་གྱིས། །ཁྲོས་པས་གསོར་ལ་གང་བརྩོན་པས། །ཡིན་ལ་དམིགས་དང་ལས་ཐམས་ཅད། །དབང་ཆེན་དཀྱིལ་འཁོར་ཉིད་དུ་འགྱུར། །དེ་ལས་གཏུམ་པའི་
D834.098.0214b04.01མདོག་གནས་ཏེ། །དྲག་ཏུ་ཕཊ་ཅེས་བརྗོད་པས་ནི། །ཁ་དོག་ནག་པོར་བདག་གནས་ཤིང་། །བསྐལ་པ་འབར་བའི་དབུས་གནས་པ། །ཁྲོས་ཏེ་དགུག་པ་ཉིད་དག་ཏུ། །རྒྱང་ནི་རིང་དུ་འཕངས་པ་ན། །ཅི་འདོད་ལས་རྣམས་འགྲུབ་པར་ངེས། །ཨོྃ་བཛྲ་ད་ཧ་ཛྭ་ལ་ཧ་ན་བཛྲ་
D834.098.0214b05.01པ་ཙ་ཛྭ་ལ་བཛྲ་ཧཱུྃ་ཕཊ། ཆོས་ལ་བརྟན་པ་ཕྱག་བསྣམས་པ། །སྦུབས་ནི་དྲིལ་བུ་ཆོས་ཁམས་ཏེ། །ཤེས་རབ་ཡུམ་གྱི་ཚོགས་སུ་བརྟག །སྐད་ནི་གསུང་བསྙན་བདེ་བ་མོ། །ལྕེ་ནི་གར་མཁན་མྱ་ངན་འདས། །ཆོས་སྐུ་ཐུགས་ཀྱི་ཐུགས་ཉིད་ལས། །རབ་ཏུ་གསོར་ལ་
D834.098.0214b06.01གང་བརྩོན་པས། །མཱུྃ་ལ་སོགས་པའི་ཡི་གེ་བསྒོམ། །རྡོ་རྗེ་འཁོར་ལོ་པདྨ་འབར། །མུྃ་གྱི་ཚོགས་ཀྱི་དཀྱིལ་འཁོར་ནི། །ཀུན་དུ་དབང་སྒྱུར་ཡིད་འོང་བའི། །འདོད་པ་བཞིན་དུ་མཐུན་པས་འགྲུབ། །ཨོྃ་བཛྲ་གྷཎྜ་པཱ་ཤ་དྷ་རྨ་དྷཱ་ར། ཧཱུྃ་ཧཱུྃ་ཧཱུྃ་ཞེས་བརྗོད་པས་དེ་བཞིན་
D834.098.0214b07.01