完整藏文原文 · 德格版页 当前仅加载第 98 函德格 257a 版页；藏文 NFD、目录标记与异常页序保留在来源切片中，重复版页行以稳定序号区分。
བཅས་པས། །འཇིག་རྟེན་ཁམས་ནི་རབ་འབྱམ་ཀུན། །སྐད་ཅིག་ཡུད་ལ་ཞི་མཛད་དེ། །ཞི་བར་མ་གྱུར་གང་ཡང་མེད། །སྒྱུ་འཕྲུལ་དྲ་བ་ལས་ཐམས་ཅད་མ་ལུས་པར་ཞི་བར་གྱུར་ནས་ཞི་བའི་ཧོམ་གྱི་ལེའུ་སྟེ་ལྔ་བཅུ་དགུ་པའོ།། །།དེ་ནས་
D834.098.0257a01.01དེ་བཞིན་གཤེགས་པ་བཅོམ་ལྡན་འདས་དགྱེས་པ་ཆེན་པོས་ལྷུན་གྱིས་གྲུབ་པའི་དམ་ཚིག་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ། །ཨེ་ཡི་ཚོགས་ཀྱི་དཀྱིལ་འཁོར་མཆོག །འབར་བ་གཏུམ་ཆེན་རྔམ་པ་ལ། །ཁྲོས་
D834.098.0257a02.01པའི་ཡིད་ཀྱིས་མཆོད་སྦྱིན་བྱ། །སངས་རྒྱས་བསོད་ནམས་སྐུ་ཡང་འཇིག །བདུད་རྩི་ལྔ་འམ་ཟས་ལྔ་ལ། །མཚན་མ་མིང་དུ་བཅས་པར་བྱ། །བཀུག་ནས་རྡོ་རྗེ་ཕུར་པས་བཏབ། །རྡུལ་དུ་བྱས་ནས་ཚོགས་ལ་དབུལ། །ཨེ་ཡི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་
D834.098.0257a03.01བསྡམས་ནས། །བཅིངས་འགྱུར་བསྐྱོད་ན་ཕྱོགས་བཅུར་གཡོ། །མྱོས་ནས་གལ་ཏེ་ཚིག་པར་འགྱུར། །བྃ་གྱི་ཚོགས་ཀྱི་དཀྱིལ་འཁོར་མཆོག །འབར་བ་གཟི་བརྗིད་ལྷུན་ཆེན་ལ། །ཆགས་པ་ཡིད་ཀྱིས་མཆོད་སྦྱིན་བྱ། །རྡོ་རྗེ་གསུང་ཡང་དབང་དུ་འགྱུར། །བདུད་རྩི་ལྔ་འམ་ཟས་
D834.098.0257a04.01ལྔ་ལ། །མཚན་མ་མིང་དུ་བཅས་པར་བྱ། །རྡོ་རྗེ་ཆགས་པའི་ཕུར་པས་གདབ། །ཆགས་པའི་ཚོགས་ལ་ཐིམ་པར་དབུལ། །བྃ་གྱི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་ནས་བསྡམས། །འགུགས་འགྱུར་ཅི་ཡང་ཕྱི་བཞིན་འབྲང་། །ཅི་འདོད་དེ་བཞིན་འོང་བར་
D834.098.0257a05.01འགྱུར། །མ་ཡི་ཚོགས་ཀྱི་དཀྱིལ་འཁོར་མཆོག །འབར་བ་འདུ་འཕྲོ་གཟི་ཆེན་ལ། །དགའ་བའི་ཡིད་ཀྱིས་མཆོད་སྦྱིན་བྱ། །ཡོན་ཏན་ནམ་མཁའི་མཐའ་དང་མཉམ། །བདུད་རྩི་ལྔ་འམ་ཟས་ལྔ་ལ། །ཡོན་ཏན་ཡིད་བཞིན་གཏེར་དུ་བརྟགས། །ང་རྒྱལ་དགའ་འཕྲོའི་ཕུར་
D834.098.0257a06.01པས་གདབ། །རྡོ་རྗེ་གཟི་བརྗིད་འཕེལ་བར་དབུལ། །མ་ཡི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྦྲེལ་བསྡམས་ན། །གཟི་བརྗིད་འབར་བའི་འཕྲུལ་ཆེན་སྤྲོ། །ཡིད་བཞིན་ནམ་མཁའ་གང་བར་འགྱུར། །ཡ་ཡི་ཚོགས་ཀྱི་དཀྱིལ་འཁོར་མཆོག །གསལ་བའི་གཟི་
D834.098.0257a07.01