完整藏文原文 · 德格版页 当前仅加载第 98 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་ཤར་ལྔ་འབར་བཅུ་འབྱོར་པ། །ཟད་མེད་རིན་ཆེན་གཏེར་ཡིན་ཏེ། །མངོན་ཤེས་དྲུག་ལྡན་མཚན་བཟང་སྤགས། །ཨེ་ལས་འཕྲོ་ཞིང་ཨར་འདུས་པ། །གསང་བའི་ཐིག་ལེ་ཉིད་ཀྱི་དབྱིངས། །ནམ་མཁའི་དབྱིངས་ནས་སྤྲིན་བྱུང་བ། །ཀུན་ལ་ཁྱབ་ཅིང་
D834.098.0259a01.01སྣ་ཚོགས་སྤྲིན། །བཞི་བཅུ་རྩ་ལྔའི་ཁོང་ནས་བསམ་མི་ཁྱབ། །བྱིན་བརླབས་ཡ་མཚན་རྨད་པོ་ཆེ། །ཡོན་ཏན་མི་ཟད་གཏེར་དུ་གྱུར། །ཧོ། ཡེ་ནས་མཉམ་ཉིད་གསང་བའི་དཀྱིལ་འཁོར་དབྱིངས། །དབྱིངས་ལས་མི་གཞན་ཡེ་ནས་ཐིག་ལེའི་ངང་། །ཡེ་ཤེས་དབྱིངས་ཉིད་
D834.098.0259a02.01གཟུགས་བརྙན་སྒྱུ་མའི་ཚུལ། །སྣང་བྱེད་ཉིད་ན་བྱ་བྱེད་མེད་པར་གནས། །ཡེ་ཤེས་འཕྲུལ་ཆེན་བཞི་བཅུ་རྩ་ལྔའི་དོན། །དཀྱིལ་འཁོར་བསམ་ཡས་ལྷུན་གྲུབ་དམ་པ་ནི། །ཐབས་དང་ཤེས་རབ་གཉིས་མེད་མཉམ་པར་གནས། །དག་མཉམ་རྣམ་གསུམ་དོན་རྟོགས་བསྒོམ་བྱས་
D834.098.0259a03.01ཤིང་། །མཉམ་པ་རྣམ་བཞིས་དོན་རྟོགས་མཆོག་གི་གནས། །རྒྱུ་འབྲས་ལྷུན་གྲུབ་ཕུན་སུམ་ཚོགས་བཞིར་འདུས། །ཡེ་ཤེས་ལྔ་རྫོགས་སྐུ་གསུང་ཐུགས་ཀྱིས་བསྡུས། །ཆགས་མེད་ཞི་བའི་ལམ་ནས་ཐིག་ལེར་འཇུག །ཡེ་ཤེས་ལྔ་རྫོགས་སྤྱོད་ཡུལ་མི་འདའ་ལ། །མ་
D834.098.0259a04.01ཆགས་འོད་གསལ་དཀྱིལ་འཁོར་རྫོགས་པར་ལྡན། །ཐམས་ཅད་མ་ལུས་རང་རིག་རྒྱལ་པོ་ཡིས། །དཀྱིལ་འཁོར་དག་མཉམ་ཁྲོ་བོ་ཁྲོ་མོར་སྦྱོར། །ཆོས་རྣམས་རང་བཞིན་ཉིད་ཀྱིས་སྟོང་། །ནང་དང་ནང་གི་ཕྱི་རོལ་གྱི། །རྣམ་རྟོག་སྣ་ཚོགས་འཛིན་པ་ཡང་། །དངོས་པོ་མེད་
D834.098.0259a05.01དབྱིངས་སྐད་ཅིག་མ། །དེ་ཉིད་རྣམ་པར་དག་པའི་ལམ། །ཕྱིན་ཅི་ལོག་ཉིད་ཡང་དག་སྟེ། །མ་རིག་པ་ནི་ཡེ་ཤེས་གསལ། །ཉོན་མོངས་སྡུག་བསྔལ་བྱང་ཆུབ་མཆོག །ཐམས་ཅད་ཡོན་ཏན་མཆོག་གི་གནས། །ཨ་ཧོ། །ཕྱོགས་བཅུའི་རྒྱལ་བའི་དཀྱིལ་འཁོར་མ་ལུས་ཀུན། །
D834.098.0259a06.01ངེས་པའི་དོན་དགྲོལ་བཞི་བཅུ་རྩ་ལྔར་འདུས། །བསྡུས་པའི་དོན་ཉིད་ཡི་གེ་འབྲུ་ལྔར་བསྡུས། །ལྔ་པོའི་དོན་ཉིད་འབྲུ་གསུམ་ནང་དུ་འདུས། །གསུམ་པོ་དེ་ཉིད་ཡི་གེ་ཨར་འདུས་ཏེ། །ཨ་ཉིད་མ་སྐྱེས་མཉམ་རྫོགས་དབྱིངས་སུ་ཐིམ། །ཨ་ཧོ། མི་དམིགས་སྟོང་པ་ཉིད་ཀྱང་
D834.098.0259a07.01