完整藏文原文 · 德格版页 当前仅加载第 98 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་དྲག་ཏུ་ཕཊ་ཅེས་པས། །བརྒྱ་ལ་འགྱུར་ཨོྃ་ལས་དམར་རྩི་དབབ། །དེ་ལས་ཧཱུྃ་ཞེས་བྱ་བ་ཡིད། །དང་པོའི་གནས་སུ་བསྡུས་པ་ན། །མཆོངས་པར་འདོད་ན་ལངས་པར་འགྱུར། །སྒྱུ་འཕྲུལ་ཆེན་པོ་དེ་ཉིད་ལས། །སངས་རྒྱས་རྡོ་རྗེ་ཕྱག་བསྣམས་པ། །ཁྲོ་བོ་ཆེན་པོ་བདུད་རྩི་
D834.098.0247b01.01འཁྱིལ། །བདག་ཉིད་རང་བཞིན་དེར་བསྒྱུར་ནས། །སྤྱན་བགྲད་མཆེ་གཙིགས་སྡང་མིག་པར། །བརྐྱང་བསྐུམ་རྔམ་པས་ཞིང་སྟེངས་བསྒོམ། །ཤིག་ཤིག་དྲག་ཏུ་གྱུར་པ་ལས། །མགྱོགས་པར་ཕྱོགས་སུ་སོང་བ་ན། །དེ་ཡི་སྙིང་པོ་མཆོག་བཟླས་ནས། །ཧཱུྃ་ཞེས་པས་ནི་
D834.098.0247b02.01བསྐུལ་བ་ཡིས། །དང་པོའི་གནས་སུ་ཕྱིན་པར་བྱེད། །དེས་ནི་དབང་དུ་གྱུར་པར་བསྒོམ། །དེ་ལས་སྣ་ཚོགས་ཅི་འདོད་པར། །ཐམས་ཅད་ཐམས་ཅད་གྲུབ་པར་འགྱུར། །དེ་བསྙེན་ཉམས་སུ་ལོན་པ་ཡིན། །ཨོྃ་ལ་དྲག་ཏུ་ཕཊ་ཅེས་པས། །གང་ལ་བྱ་བ་མངོན་བསམ་ནས། །སེ་
D834.098.0247b03.01གོལ་སྣོལ་མར་གཏོགས་པ་ཡིས། །བརྒྱལ་འགྱུར་ཨོྃ་ལས་དམར་རྩི་དབབ། །ཡིད་ལ་བསྒོམས་པས་ལངས་པར་འགྱུར། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྒྱུ་འཕྲུལ་ཆེན་པོ་རབ་ཏུ་རྒྱལ་བར་བྱེད་པ་དམ་ཚིག་མཆོད་བཀོད་པའི་ལེའུ་སྟེ་བཞི་བཅུ་དྲུག་པའོ།། །།
D834.098.0247b04.01དེ་ནས་བཅོམ་ལྡན་འདས་དགྱེས་པ་ཆེན་པོའི་སྤྱན་སྔར་དྲེགས་པ་ཆེན་པོ་དང་། དབང་ཕྱུག་ཆེན་པོ་དང་། རྒྱལ་པོ་ཆེན་པོ་བཞི་དང་། ཕྱོགས་སྐྱོང་པར་གྱུར་པ་སྡེ་དཔོན་དང་ཆུང་མར་བཅས། བྲན་དང་གཡོག་དང་ཡང་གཡོག་གི་རབ་ཏུ་འཇིགས་པ་དང་བཅས་པའི་སེམས་ཀྱིས་གུས་
D834.098.0247b05.01པར་དམ་བཅས་ཤིང་། །རང་རང་གི་དཀྱིལ་འཁོར་དང་། སྙིང་པོ་ཞེས་བྱ་བ་འདི་མགྲིན་གཅིག་ཏུ་ཡང་སྨྲས་སོ། །དྲེགས་པ་འཁོར་བཅས་དཀྱིལ་འཁོར་དང་། །ལུས་དང་ངག་ཡིད་དབུལ་བ་ནི། །འཁོར་གཡོག་བྱེ་བ་དྲུག་ཅུ་རྣམས། །ཀེང་རུས་གསར་རྙིང་གནས་སུ་གྱུར། །རློན་
D834.098.0247b06.01པ་ཤ་ཁྲག་ཚོགས་ལ་སྤྱོད། །ཐོད་པར་འཐུང་ཟ་མེད་པའི་ནང་། །མདུང་ཐུང་རལ་གྲི་དགྲ་སྟ་དང་། །ཞགས་པ་དབྱིག་པ་ཟོར་བ་དང་། །རྔ་དང་ལྡ་ལྡི་ཁྲག་འཐོར་ཞིང་། །གདུག་པའི་ཚོགས་རྣམས་ཀུན་གྱིས་བསྐོར། །དགྱེས་པའི་དཀྱིལ་འཁོར་འདི་རྣམས་ལ། །མིང་ཙམ་འཛིན་
D834.098.0247b07.01