完整藏文原文 · 德格版页 当前仅加载第 98 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱོར། །གཉིས་མེད་དབྱིངས་ཀྱི་ངང་དུ་ཐིམ། །རང་བྱུང་ཡེ་ཤེས་དཀྱིལ་འཁོར་གྱིས། །མ་ལུས་དེ་བཞིན་ཉིད་དུ་སྡུད། །སྡུད་དང་མི་སྡུད་གཉི་ག་མེད། །ཡང་དག་ཁོ་ན་ཉིད་དུའོ། །བདེ་བའི་ངང་ཉིད་ཅེས་བྱ་བའི་དམ་ཚིག་ནི། ཐམས་ཅད་མ་ལུས་རྣམ་པར་དག །ཉིད་ཀྱི་དབྱིངས་
D834.098.0279b01.01ལས་མི་གཞན་ཕྱིར། །བདེ་དང་མི་བདེ་གཉིས་ཀ་མེད། །ཐམས་ཅད་དབྱིངས་སུ་རོ་གཅིག་སྟེ། །ཇི་བཞིན་ཉིད་ཀྱི་ངང་བཙན་པར། །ཡང་དག་ཉིད་ཀྱིས་དེ་སྐད་གསུངས། །བཤད་དང་ཉན་པའང་གཉི་ག་མེད། །དེ་བཞིན་ཉིད་དུ་གཉི་ག་འདུ། །དུས་བཞི་རྒྱལ་མཆོག་ཅེས་བྱ་བའི་
D834.098.0279b02.01དམ་ཚིག་ནི། གོང་ན་མེད་པའི་ཡེ་ཤེས་མཆོག །ཐམས་ཅད་ཀུན་ལ་དབང་བསྒྱུར་ཏེ། །ཐམས་ཅད་མཉམ་པ་ཉིད་དུ་སྦྱོར། །འདས་དང་མ་འདས་ཐམས་ཅད་དང་། །འབྱུང་དང་འབྱུང་བར་མ་ངེས་པའི། །ཡེ་ཤེས་རྟོགས་པའི་ཁྱད་པར་གྱིས། །དུས་བཞི་སྔ་ཕྱི་མེད་པ་ཡི། །
D834.098.0279b03.01མཉམ་པ་ཉིད་དུ་ལྷན་ནེར་སྦྱོར། །ལྷུན་གྲུབ་ཅེས་བྱ་བའི་དམ་ཚིག་ནི། འཇིག་རྟེན་འདས་དང་འཇིག་རྟེན་པའི། །ཐམས་ཅད་དབྱེར་མེད་བྱང་ཆུབ་སྟེ། །ཡེ་ནས་རྣམ་པར་དག་པའི་ཆོས། །མ་བཅོས་ལྷུན་གྱིས་གྲུབ་པ་ཡི། །བྱང་ཆུབ་ལམ་ཆེན་འདི་ཡིན་ཏེ། །ཐམས་ཅད་
D834.098.0279b04.01དབྱེར་མེད་ཉིད་དུ་འདུས། །བྱང་ཆུབ་དོན་སྒྲུབ་ཡེ་ནས་རྫོགས། །མཉམ་པའི་ཞིང་དུ་ཐམས་ཅད་ཐིམ། །རྡོ་རྗེ་སྐྱེ་གནས་ཞེས་བྱ་བའི་དམ་ཚིག་ནི། ཐེག་པ་ཆེ་མཆོག་རིགས་སུ་ངེས། །རིགས་ཏེ་བྱང་ཆུབ་བསྟན་པས་གཟུང་། །ཐམས་ཅད་མཉམ་པའི་དབྱིངས་ཤེས་ན། །
D834.098.0279b05.01རིགས་མཆོག་ཀུན་གྱི་སྐྱེ་གནས་ཡིན། །སྐྱེས་པ་ཉིད་ན་སྐྱེས་པ་མེད། །ལས་དང་ལས་ཀྱི་བག་ཆགས་མེད། །ཅིས་ཀྱང་མ་གོས་ཐམས་ཅད་འཇོམས། །སྐྱེ་ཤི་མེད་པའི་ས་ཡང་ཡིན། །བྱང་ཆུབ་ཀྱི་ཞིང་བཀོད་པའི་དམ་ཚིག་ཅེས་བྱ་བ་ནི། ཕྱོགས་བཅུ་མཐའ་ཡས་མུ་
D834.098.0279b06.01མེད་པའི། །སྣང་གྲགས་བསམ་གྱིས་མི་ཁྱབ་པའི། །ཕྱི་དང་ནང་གི་གནས་པ་དག །དེ་བཞིན་ཉིད་ཀྱི་དབྱིངས་སུ་ཐིམ། །མདོར་ན་ཞིང་ཁམས་མ་ལུས་པར། །ཡོན་ཏན་རིན་ཆེན་བཀོད་པ་ཡི། །ཡེ་ཤེས་རྒྱན་གྱིས་སྤྲོས་པ་རྣམས། །ཞིང་དེ་ཡོན་ཏན་བསམ་མི་ཁྱབ། །
D834.098.0279b07.01