完整藏文原文 · 德格版页 当前仅加载第 98 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
བདེ། །ཤེས་རབ་ཟད་མེད་དཀྱིལ་འཁོར་ལ། །ཐུགས་རྗེ་རོལ་པའི་ཡེ་ཤེས་འཕྱོ། །གཉིས་མེད་དབྱིངས་སྦྱོར་ཨ་རེ་བདེ། །མ་རིག་འཁྲུལ་པའི་འདམ་དབྱིངས་སུ། །ཡེ་ཤེས་སྒྲོན་མའི་མདའ་འཕངས་ནས། །གཏི་མུག་མུན་པ་རྣམ་བསལ་ཏེ། །རང་བཞིན་འོད་གསལ་
D834.098.0270b01.01བདེ་བའི་མཆོག །དགེ་དང་མི་དགེ་གཉིས་སུ་མེད། །རྣམ་རྟོག་མཚན་མ་ཡོད་མི་འཛིན། །རང་བཞིན་ཡེ་ནས་འོད་གསལ་བའི། །དགེ་སྡིག་མེད་པས་ཤིན་ཏུ་བདེ། །བདེ་དང་མི་བདེ་གཉིས་མེད་པས། །ཡེ་ཤེས་ཆགས་མེད་རྣམ་པར་དག །ཐམས་ཅད་དབྱེར་མེད་ཡེ་ཤེས་
D834.098.0270b02.01ཡིན། །སེམས་ཉིད་དང་བས་ཨ་རེ་བདེ། །རྒྱན་དུ་དཀྱིལ་འཁོར་ཐམས་ཅད་མཛེས། །ཡེ་ཤེས་རྒྱུ་ལས་གྲུབ་པ་ཡི། །ཕྱི་ནང་སྒྲིབ་མེད་གསལ་བའི་ངང་། །ཡེ་ཤེས་བློ་བརྟན་ཤིན་ཏུ་བདེ། །ལོངས་སྤྱོད་ལྔ་ལྡན་ཐམས་ཅད་ལ། །གཙང་དང་སྨེ་བའི་བློ་མི་འཛིན། །ཐམས་
D834.098.0270b03.01ཅད་ཆོས་ཉིད་རོ་གཅིག་པས། །གཉིས་མེད་པས་ནི་ཤིན་ཏུ་བདེ། །ཤེས་རབ་ཆུང་ཆེན་ཏིང་འཛིན་གྱིས། །ཐམས་ཅད་མ་ནོར་གཞུང་ལུགས་བཞིན། །འཁོར་བ་མ་སྤངས་སྡུག་བསྔལ་མེད། །གཉིས་མེད་ཚིམ་པས་ཨ་རེ་བདེ། །ཐམས་ཅད་མ་ལུས་གཅིག་པའི་ངང་། །
D834.098.0270b04.01ལྟ་དང་ལྟ་བ་གཉི་ག་མེད། །ཡེ་ཤེས་སྒྲོན་མ་བསྒྲེང་བར་ནི། །ཕྱོགས་བཅུའི་ཞིང་ཁམས་ཐམས་ཅད་མཐོང་། །འདི་དང་ཕ་རོལ་གཉིས་མེད་ཕྱིར། །འགྲོ་དང་འགྲོ་བར་བྱ་བ་མིན། །ཡན་ལག་སྟབས་ཆེན་མ་མཆོངས་པར། །ཕྱོགས་བཅུ་སྟོང་ཁམས་ཐམས་ཅད་ན། །ཐུབ་
D834.098.0270b05.01མཆོག་སྟོན་པའི་སྤྱོད་ཡུལ་ནི། །ཇི་ལྟར་དམིགས་པ་བཞིན་དུ་འགྲུབ། །ཆོས་རྣམས་ཐམས་ཅད་དམིགས་སུ་མེད། །ཆོས་ཉིད་སྒྱུ་མ་ཅིར་ཡང་འགྲུབ། །ཟག་མེད་ཟབ་པས་དོན་བརྟགས་ན། །དག་པར་མ་གྱུར་གང་ཡང་མེད། །ཡེ་ཤེས་མ་བཅོས་ཀུན་དུ་གསལ། །
D834.098.0270b06.01རང་བཞིན་རྣམ་པར་དག་པའོ། །ཡེ་ནས་དེ་ལྟར་གནས་མོད་ཀྱང་། །མ་རིག་རྨོངས་པའི་ལིང་ཏོག་གིས། །གསལ་བའི་སྒྲོན་མ་བསྒྲིབས་གྱུར་ཏེ། །ཁམས་གསུམ་མུན་ནག་རྒྱུན་དུ་འཁོར། །རྣམ་རྟོག་མཚན་མར་འཛིན་པ་ཡིས། །ལུས་དང་ལོངས་སྤྱོད་གནས་དང་ནི། །
D834.098.0270b07.01