完整藏文原文 · 德格版页 当前仅加载第 98 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་གྱི་དབུས་ཀྱི་གཙོ་བོར་སྤྱི་ནི་རྡོ་རྗེ་སེམས་དཔའ། དྲག་པོ་ཡང་རྡོ་རྗེ། དབང་པདྨ་ཧེ་རུ་ཀ། རྒྱས་པ་རཏྣ་ཧེ་རུ་ཀ། ཞི་བ་བུདྡྷ་ཧེ་རུ་ཀ། སྤྱན་དྲང་བ་ནི་ཨེ་ཧྱེ་ཧི་མ་ཧཱ་ཀཱ་རུ་ཎཱི་ཀ་ཞེས་ཧོམ་གང་བྱེད་པའི་ལྷ་གཙོ་བོ་ནས་སྤྱན་དྲང་། མཆོད་པ་དང་ཨརྒྷ་དབུལ་བ་ནི་
D834.098.0277b01.01དྲག་པོའི་མགོར་ནི། སྔགས་རིལ་ཧཱུྃ། ཞི་བ་ལ་མགོར་རིལ་ཨྃ། བར་མ་རྣམས་ལ་ཡང་དེ་བཞིན་སྦྱར། །སྤྱན་དྲང་བ་ནི་གང་མཛད་པའི་གཙོ་བོ་ནས་ཞི་ལ་ཤཱནྟིཾ་བསྣན། སྤྱི་ནི་ལ་སོ་སོ་རང་སྔགས་རྫོགས། དྲག་པོ་ལྷོ། དབང་ནུབ། རྒྱས་པ་བྱང་། ཞི་བ་ཤར། སྤྱི་
D834.098.0277b02.01གང་ཡང་རུང་གྲུ་གསུམ་དང་ཐོད་པ་ཁ་གདངས་སོ། །ཟླ་གམ་དང་། པདྨ་དང་། ཆགས་མེད་དེ། ཕྱག་རྒྱ་རྣམ་པ་བདུན་ལ་ཕྱག་རྒྱ་ཆེན་པོ་དང་། ཆོས་ཉིད་ཀྱི་ཕྱག་རྒྱ་དང་། དམ་ཚིག་གི་ཕྱག་རྒྱ་དང་། ལས་ཀྱི་ཕྱག་རྒྱ་དང་། ཐབས་དང་། ཤེས་རབ་ཀྱི་ཕྱག་རྒྱ་དང་། ཏིང་ངེ་འཛིན་གྱི་ཕྱག་རྒྱ་དང་། ལྷག་པའི་
D834.098.0277b03.01ཏིང་ངེ་འཛིན་གྱི་ཕྱག་རྒྱའོ། །རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས་ཧོམ་རྣམ་བཞིའི་ལེའུ་སྟེ་བདུན་ཅུ་བཞི་པའོ།། །།དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས། རྨད་དུ་བྱུང་བའི་དམ་ཚིག་བཅོ་ལྔ་མདོ་འདི་ལྟར་ཡང་
D834.098.0277b04.01བཤད་དེ། ཐམས་ཅད་མཁྱེན་པའི་ཡེ་ཤེས་ཀྱིས། །ཐམས་ཅད་མཉམ་པའི་ངང་ཉིད་དུ། །དབྱིངས་སུ་རོ་གཅིག་དེ་བསྡུས་ཏེ། །དོན་དུ་མི་འགྱུར་ཡོང་མ་གསུངས། །ཡོན་ཏན་མཆོག་གི་འདོད་པ་ནི། །སྣང་སྲིད་མ་ལུས་ཐམས་ཅད་ཀུན། །མཉམ་པའི་ཞིང་དུ་སྦྱོར་
D834.098.0277b05.01བས་ན། །ཆགས་པ་མེད་པའི་ཚུལ་དུ་སྤྱོད། །འདི་ནི་རྣམ་དག་ལེགས་པའི་ལམ། །བྱང་ཆུབ་མཆོག་ཏུ་འགྲོ་བའི་གནས། །བདེ་ཆེན་མི་ཟད་གཏེར་དུ་འགྱུར། །ཅིས་ཀྱང་མི་ཚུགས་རྡོ་རྗེའི་སྐུ། །ཉོན་མོངས་སྡུག་བསྔལ་འདོད་ཆགས་ནི། །ལུས་དང་ཟས་ཀྱིས་
D834.098.0277b06.01བསྒྲིབས་འགྱུར་ཏེ། །{ཡི་དགས་,ཡི་དྭགས་}གནས་ནས་གནས་སུ་འགྲོ། །སྐོམ་དང་བཀྲེས་པས་ཉོན་མོངས་འགྱུར། །རྣག་ཁྲག་ངན་སྐྱུགས་རྟག་ཏུ་མཐོང་། །བདེ་ལ་སྤྱོད་པའི་དབང་ཡང་མེད། །རྩུབ་ཅིང་གདུག་པས་བསྲུང་བར་འགྱུར། །ཐུགས་རྗེ་ཆེན་པོའི་ཞེ་སྡང་
D834.098.0277b07.01