完整藏文原文 · 德格版页 当前仅加载第 99 函德格 202b 版页；藏文 NFD、目录标记与异常页序保留在来源切片中，重复版页行以稳定序号区分。
དགོངས་པ་ནི། །བླ་ན་མེད་པའི་བྱང་ཆུབ་ཏུ། །ཡེ་ཤེས་མཉམ་ཉིད་ཉམས་རྙེད་ནས། །རྡོ་རྗེ་གསང་བའི་གྲལ་བཀོད་དེ། །ཀུན་གྱི་དམ་པར་འདི་གསུངས་སོ། །བཀའ་ཡི་དམ་པ་མཆོག་གི་ལུང་། །ངེས་པར་ཕྱུང་སྟེ་གསུངས་པ་འདིའོ། །སྒྲུབ་དང་བསྒྲུབ་པར་བྱ་བ་དང་། །འབྲས་བུ་
D841.099.0202b01.01ཐོབ་པར་བྱ་བའི་ཕྱིར། །གསང་སྔགས་གསང་བའི་མན་ངག་འདི། །བདུད་རྩི་དམ་པ་མཆོག་གི་ལུང་། །སྙིང་པོར་བསྡུས་པའི་ངེས་པར་འདི། །བྱང་ཆུབ་འབྱུང་བ་སྙིང་པོ་མཆོག །ལྟ་བ་དང་ནི་སྤྱོད་པ་དང་། །དམ་ཚིག་བསྒྲུབ་པ་ཕྲིན་ལས་དང་། །ངེས་པར་སྒྲུབ་དང་བསྒྲུབ་བྱའི་
D841.099.0202b02.01ཕྱིར། །ཟབ་མོ་བསྡུས་པའི་ལུང་འདི་གསུངས། །བསམ་གྱིས་མི་ཁྱབ་བསྟན་པ་དང་། །བརྒྱད་ཁྲི་བཞི་སྟོང་རྣམ་གྲངས་ཀྱང་། །ཐེག་པའི་སྒོ་ནི་གསུམ་དུ་གསུངས། །གསང་ཉིད་ཐེག་པར་བསྡུས་དང་བཞི། །ལྡེམ་པོར་དགོངས་དང་དོན་དམ་ཡང་། །བཀྲི་བའི་དོན་དེ་
D841.099.0202b03.01སངས་རྒྱས་ཡིན། །རྣ་བརྒྱུད་བསྟན་པས་ཐུགས་བརྟོལ་ཏེ། །ཐིག་ལེ་ཆོས་སྐུས་ཁྱབ་པའི་ཕྱིར། །ངེས་པའི་ལུང་ཡང་སངས་རྒྱས་སོ། །སངས་རྒྱས་མཉམ་དང་དབྱིངས་སུ་འགྲོ། །ངེས་པའི་ལུང་ཡང་རྣམ་གཅིག་ཏུ། །གསང་སྔགས་གསང་བས་སངས་རྒྱས་ཏེ། །
D841.099.0202b04.01བྱང་ཆུབ་སེམས་འདི་ཀུན་དུ་དག །རྫོགས་པའི་ཡེ་ཤེས་བདེ་ཆེན་ཉིད། །མ་ལུས་མཐའ་དག་ཉིད་ཀྱི་རྒྱ། །ཡེ་ནས་བྱ་མེད་བྱ་མི་དགོས། །རྒྱུ་དང་འབྲས་བུ་འཁྲུལ་པའི་སྒྲ། །མི་རྟོག་སྦྱོང་བའི་ཡུལ་མིན་ནོ། །དེ་ལྟའི་ཡུལ་དུ་རྟོག་འཛིན་གྱིས། །འཁོར་བའི་རྒྱ་
D841.099.0202b05.01མཚོར་གྱུར་པ་ཡིན། །ངེས་འབྱུང་ཆོས་སྐུ་ཆེན་པོ་ལ། །བྷ་གར་ཇི་བཞིན་བཞག་པས་ན། །བྱང་ཆུབ་ཉིད་དེ་ལྟུང་གནས་མེད། །བུ་གཅིག་མ་རྩོལ་བདེ་བར་གནོས། །རྒྱུད་དང་ལུང་དང་མན་ངག་ཀྱང་། །དམངས་དང་རྗེའུ་དང་རྒྱལ་པོའི་ཚུལ། །ཁྱད་པར་རྩལ་འཕང་
D841.099.0202b06.01ཐག་རིང་ཡང་། །གཅིག་ལ་གཅིག་རྟེན་གཅིག་གི་ངང་། །དབྱེར་མེད་ཚུལ་གཅིག་རང་བཞིན་པས། །ཅིག་སྟེ་རྣམ་གྲངས་ཡོངས་ཀྱིས་མེད། །དབྱེར་མེད་ངང་དུ་རྟོགས་པ་ལ། །བདུད་རྩི་ཞེས་ནི་དེ་ལ་བྱའོ། །དེ་བས་སྐུ་གསུང་ཐུགས་ཀྱི་བདག །སྐུ་དང་རྒྱན་དང་འཁོར་
D841.099.0202b07.01