完整藏文原文 · 德格版页 当前仅加载第 99 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
ཡི་གེ་ལྔ་པོ་ཡང་། །འོད་ཟེར་འཕྲོ་བ་སྔ་མ་བཞིན། །དེ་ནས་འཛབ་བསྒོམ་བཟླས་པའི་སྔགས། །དགུ་པ་འདི་ནི་འཛབ་དུ་དྲང་། །ཨོཾ་བཛྲ་ཙིཏྟ་ས་མ་ཡ་ཧཱུྃ་ཐ། དེ་ལ་བདུད་རྩིའི་ཕྱག་རྒྱ་ནི། །ལག་པ་གཡོན་པའི་དཔུང་བ་བརྐྱང་། །མཐེ་བོང་སྲིན་ལག་མཐིལ་དུ་
D841.099.0216a01.01དགུག །རྡོ་རྗེ་མཚོན་གང་བཅས་པ་དང་། །མཛུབ་མོ་གུང་མོ་མཐེའུ་ཆུང་བརྐྱང་། །སྦྱར་ཏེ་ལག་པའི་མཐིལ་གྱིས་ནི། །བདུད་རྩི་སྣོད་ཀྱི་སྟེང་དུ་གནོན། །དེ་ནས་བདུད་རྩི་བྱིན་གྱིས་བརླབ། །ཏིང་འཛིན་མེ་དང་འདྲ་བ་ལས། །བཟླས་བརྗོད་རླུང་དང་འདྲ་བ་ཡིས། །གླལ་དང་ལུད་པས་
D841.099.0216a02.01བར་མི་གཅད། །དེ་ནས་བདུད་རྩི་བྱིན་གྱིས་བརླབ། །བཛྲ་ཨ་མྲྀ་ཏ་ཨོྃ་ཨཱཿཧཱུྃ་ཧྲི་ཐཱ། །འདི་ནི་རྩ་བའི་དཀྱིལ་འཁོར་ལྔའོ། །ཛཿཧཱུྃ་པྃ་ཧོཿ། མ་ཧཱ་ཨ་མྲྀ་ཏ་ཨཱ་བེ་ཤ་ཧོཿ། ཞེས་བཅོམ་ལྡན་འདས་བདུད་རྩི་རྒྱལ་པོས་བཀའ་སྩལ་ཏོ། །བདུད་རྩི་དམ་པ་མཆོག་གི་ལུང་
D841.099.0216a03.01ལས་འབྲས་བུ་ཆེན་པོ་ལྔ་བསྒྲལ་བའི་ལུང་ངེས་པ་དང་། དེ་བསྒྲལ་ནས་དེ་སྨན་དུ་སྦྱར་བའི་ཐབས་བསྟན་པའི་བདུད་རྩི་ཆེན་པོ་ས་མ་ཡ་འབུམ་སྡེ་ལས། བམ་པོ་ཆེན་པོ་དྲུག་པ།། །།རྒྱ་གར་སྐད་དུ། ཨ་མྲྀ་ཏ་ཀ་ལ་ཤི་སིདྡྷི།
D841.099.0216a04.01བོད་སྐད་དུ། བདུད་རྩི་བུམ་པའི་ལུང་། དཔལ་བདུད་རྩི་བདེ་བ་ཆེན་པོ་ལ་ཕྱག་འཚལ་ལོ། །ཕན་བྱེད་མགོན་ལ་ཕྱག་འཚལ་ནས། །བསྒྲུབ་པའི་ཡུལ་དང་གནས་བསྟན་ཏེ། །ཤར་ལྷོ་ནུབ་བྱང་ཕྱོགས་བཞིའི་རི། །དྲང་སྲོང་ཆེན་པོའི་བསྒྲུབ་ལུགས་དང་། །ཕྲ་མེན་
D841.099.0216a05.01མ་ཡི་སྦྱར་ལུགས་དང་། །རྩི་སྨན་འཁྲུངས་པའི་ཡུལ་ཁམས་དང་། །ཤིང་དང་ནགས་ཀྱི་ལྷ་མོའི་གནས། །རི་བོར་སྨན་ལྗོངས་ཙནྡན་གནས། །བཞུགས་པའི་གནས་སུ་བསྒྲུབ་པར་བྱའོ། །དུག་རྣམས་བདུད་རྩིར་སྦྱར་བའི་ཐབས། །རྩ་བ་དང་ནི་ཡན་ལག་
D841.099.0216a06.01བཅས། །ར་ས་ཡ་ན་ལ་སོགས་རྫས། །ཚང་བར་བསོགས་ནས་བསྒྲུབ་པར་བྱའོ། །རི་བོར་ནགས་འདབ་ཆུ་ངོགས་སམ། །བྲག་ཕུག་སྟོང་པ་ཐིབས་པོའམ། །བསྒྲུབ་པའི་གནས་མཆོག་དེར་བྱའི་ཕྱིར། །ས་གཞི་རབ་ཏུ་བརྟག་པར་བྱ། །མཉམ་ཞིང་སྣུམ་
D841.099.0216a07.01