完整藏文原文 · 德格版页 当前仅加载第 99 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
ལྕེ་ལ་ཨྃཿདམར་དམ་པ་བསམ། །སྙིང་གར་ཟླ་དཀྱིལ་ཧཱུྃ་མཐིང་ག །ལྟེ་བར་སྭ་སྔོན་འོད་ལྡན་པ། །རྐང་པར་ཧ་ལྗང་འོད་ལྡན་པ། །བ་ལས་པདྨའི་དབྱིངས་སུ་ཡང་། །གྲུ་གསུམ་མེ་འོད་འབར་བ་བསམ། །ཉོན་མོངས་ལྔ་རྣམས་སྦྱང་བ་དང་། །སྡུག་བསྔལ་ལྔ་ནི་ཚར་གཅད་ཕྱིར། །ལག་
D841.099.0208b01.01གཡས་གཞན་གྱིས་མི་ཐུབ་མ། །གཡོན་པ་རོ་ལངས་ཆེན་མོ་སྟེ། །དེ་ཡི་ཁ་ལ་ཁྲོ་གཉེར་མ། །རལ་པ་གཅིག་མ་པདྨ་ལའོ། །གསང་ཡུམ་ལྔ་དང་ཁྲོ་མོ་བཞི། །བྱིན་གྱིས་བརླབས་ཏེ་སྔགས་བཟླས་པ། །ཨོཾ་ཨྃཿཧཱུྃ་སཱ་ཧཱ། བྷ་ག་བན་ནི་ཉིད་ཀྱི་བཀའ། །ཕྱག་རྒྱ་བཞི་རུ་
D841.099.0208b02.01བདག་གྱུར་པས། །གཉིས་སུ་མེད་པར་མཉམ་སྦྱར་ནས། །ལྷ་ཡི་བདུད་དམ་ཕུང་པོའི་བདུད། །ཉོན་མོངས་བདུད་དང་འཆི་བདག་བཅོམ། །ཕྱག་རྒྱ་ཆེན་པོ་བཞི་དང་ལྡན། །མཁའ་ལ་སེམས་ཕེབས་འཕྲོས་པའི་ཚེ། །བྱང་ཆུབ་འཁོར་བ་མྱ་ངན་འདས། །གཉིས་སུ་མེད་པའི་སར་
D841.099.0208b03.01ཕྱིན་ནོ། །བཅོམ་ལྡན་འདས་ཀྱིས་བཀའ་སྩལ་ཏོ། །སངས་རྒྱས་སེམས་ཅན་ཐམས་ཅད་དང་། །མཚན་མར་བཏགས་པ་ཐམས་ཅད་ཀུན། །བདེ་ཆེན་ཉིད་ལས་གཞན་མ་ཡིན། །བདེ་ཆེན་ཉིད་ལས་གཞན་པའི་ཆོས། །སངས་རྒྱས་ཉིད་ཀྱིས་མི་མཁྱེན་ཏོ། །ཕྱི་ནང་
D841.099.0208b04.01མ་ལུས་སྣོད་བཅུད་ཀྱང་། །བྱང་ཆུབ་སེམས་སུ་རྣམ་དག་པས། །སྐྱེ་མེད་ཡེ་ཤེས་ཡུམ་གྱི་དབྱིངས། །གཉིས་མེད་བདུད་རྩི་ཆེན་པོ་སྟེ། །ཡབ་ཡུམ་བདེ་བའི་ངང་དུ་གསལ། །འདི་ནི་སྙིང་པོ་བྱང་ཆུབ་སེམས། །བདེར་གཤེགས་ཀུན་གྱིས་བཀའ་སྩལ་ཏོ། །ལུས་ཀུན་ཡོངས་སུ་
D841.099.0208b05.01འཁྱུད་པ་ཡིས། །རྡོ་རྗེ་པདྨར་ལྡན་བྱས་ནས། །རང་འབྱུང་རྣམས་ནི་བདེ་མཆོག་སེམས། །ཕུལ་བས་མྱུར་དུ་གྲུབ་པ་ནི། །ཨོཾ་ར་ག་པཱུ་ཛ་ཧོ། དངོས་གྲུབ་བླང་ཞིང་འདི་བརྗོད་དོ། །བྱང་ཆུབ་སེམས་ཀྱིས་དབང་བསྐུར་ཏེ། །དངོས་གྲུབ་བསྒྲུབ་པ་ལ་གཟུད་དོ། །བདུད་རྩི་
D841.099.0208b06.01ཆེན་པོ་མཆོག་གི་ལུང་གི་ནང་ནས། བསྒྲུབ་པ་ཆེན་པོའི་ལུང་དང་། གཟུངས་ཀྱི་མཚན་ཉིད་དང་། སྦྱོར་བའི་མན་ངག་དང་། གཱ་ན་བསྒྲུབ་པའི་ལུང་དང་། བྱང་ཆུབ་ཀྱི་སེམས་ཀྱི་ཡོན་ཏན་དང་། ཨ་མྲྀ་ཏ་གྲུབ་པའི་ལུང་སྟེ། བམ་པོ་ཆེན་པོ་གསུམ་པ།། །།
D841.099.0208b07.01