完整藏文原文 · 德格版页 当前仅加载第 99 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
པདྨ་སྤྱན་གྱི་ས་ལ་བཞག །འཆི་བ་མེད་པའི་ཆོས་སྐུ་ཐོབ། །སྟོང་གསུམ་མ་ལུས་བཏོན་པ་བས། །འབུམ་གྱི་ཆར་ཡང་མི་ཕོད་དེ། །རང་སེམས་མ་བཅོས་ཡེ་ནས་ཆུབ། །སྐྱེས་བུ་ཆེན་པོ་རྣལ་འབྱོར་གྱིས། །བསྒྲལ་བ་འབའ་ཞིག་སྙིང་རྗེའི་མཆོག །དེ་ནས་མ་ཏྲང་རུ་ཏྲ་དེ་བསྒྲལ་
D841.099.0210b01.01ཏེ། སྔོན་འབྱུང་བ་ཡི་གླེང་གཞི་དང་། གཏན་ཚིགས་སུ་དགོངས་ནས། ཕྱི་རབས་ཀྱི་སྔགས་འཆང་རྣམས་ཡིད་ཆེས་པར་བྱ་བ་དང་། དད་པ་ཅན་གྱི་རྣལ་འབྱོར་པ་རྣམས་དྲང་བའི་ཕྱིར། དུར་ཁྲོད་ཆེན་པོའི་གནས་བརྒྱད་དང་། མ་མོ་ཆེན་མོ་བརྒྱད་དང་། རང་འབྱུང་གི་
D841.099.0210b02.01མཆོད་རྟེན་ཆེན་པོ་བརྒྱ་ད། འདི་མན་ཆད་གཏན་ཚིགས་དང་བཅས་ཏེ་བསྟན་ཏོ། །གོང་དུ་བསྒྲལ་བའི་བསམ་རྒྱུད་ནི་འོག་ནས་ཞིབ་ཏུ་བསྟན་ནོ། །འདི་ཡང་བསྣོར་ཏེ་ལུང་དཀྱུས་ནས་བསྟན་ནོ། །བདུད་དང་དབང་ཕྱུག་གཤིན་རྗེ་དེ། །ཐུགས་རྗེ་ཚད་མེད་བཞེས་བསྒྲལ་ནས། །
D841.099.0210b03.01རོ་ཡི་ཉལ་ཐབས་གན་རྐྱལ་ཏེ། །འཛམ་བུའི་གླིང་ལོའི་གླིང་ཁམས་སུ། །བོར་ནས་ས་གཞིར་གྱུར་པ་ནི། །དུར་ཁྲོད་ཆེན་པོ་བརྒྱད་དུ་གྱུར། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་བསྟན། །ལག་པ་གཉིས་ནི་གཡས་གཡོན་བརྐྱང་། །མགོ་
D841.099.0210b04.01དང་ལུས་སྙིང་ཡན་ལག་ཀུན། །གནས་ཀྱི་དུར་ཁྲོད་ཆེན་པོ་བརྒྱ་ད། །དེ་ནི་དཔལ་ཆེན་བཞུགས་གནས་ཡིན། །ཐུགས་རྗེ་ཆེན་པོའི་བྱིན་བརླབས་ཀྱིས། །རོ་ཡི་སྲུང་མ་ཆེན་མོ་ནི། །མ་མོ་ཆེན་མོ་བརྒྱད་བཞག་གོ། །དེ་ཡི་གནས་རྟེན་ཆེན་པོར་ཡང་། །མཆོད་རྟེན་ཆེན་པོ་གཟི་
D841.099.0210b05.01བྱིན་ཅན། །རང་འབྱུང་རེ་རེ་བཞག་པ་ཡིན། །དེ་ལྟར་ས་གཞི་འདི་ཀུན་ཡང་། །བཀྲ་ཤིས་ཡ་མཚན་ཐུགས་རྗེ་ཅན། །ཆོས་དང་དངོས་གྲུབ་འབྱུང་བའི་གནས། །ཆོ་འཕྲུལ་འབྱུང་བར་བཀའ་སྩལ་ཏོ། །དེ་ཡི་ལུས་སྙིང་མ་ག་ཏ། །དུར་ཁྲོད་ཆེན་པོ་བསིལ་བའི་ཚལ། །མ་མོ་
D841.099.0210b06.01ཆེན་མོ་ཀེའུ་རི་གནས། །མཁས་ཤིང་སྙིང་སྟོབས་ཆེ་བའི་སའོ། །མཆོད་རྟེན་མིང་ནི་བདེ་བྱེད་རྟེན། །དེ་ཡི་མགོ་བོ་ལྷོ་ཕྱོགས་ཀྱི། །དུར་ཁྲོད་ཆེན་པོ་བཞག་པ་ནི། །སིང་ག་ཡུལ་གྱི་གླིང་ཕྲན་ཡིན། །མ་མོ་ཆེན་མོ་ཙོའུ་རི་གནས། །མཐོང་ཐོས་རྣམ་པའི་འཕྲུལ་བག་ཅན། །
D841.099.0210b07.01