完整藏文原文 · 德格版页 当前仅加载第 99 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་བཟང་པོ་དང་། རིགས་ལྔ་བདེ་བར་གཤེགས་པ་རྣམས་ཀྱིས་འཕགས་པ་འཇམ་དཔལ་ལ་བཀའ་སྩལ་པ། བྱང་ཆུབ་སེམས་དཔའི་མཁྱེན་རབ་ཀྱི་དང་པོ་ཁྱོད་ལ། ད་ངེད་ཀྱི་ཆོས་འདི་བསྡུས་ཏེ་བཤད་དོ། །འཇམ་དཔལ་རྡོ་རྗེ་ཆོས་འདི་ལྟ་སྟེ། ཨེ་མ་ཧོཿགསང་བ་ལས་
D841.099.0221a01.01བྱུང་བའི། །མ་རིག་མུན་སེལ་སྒྲོན་མའི་མཆོག །དཔའ་བོ་ཁྱོད་ལ་སྐྱབས་སུ་མཆིའོ། །ནན་ཏན་གྱིས་ནི་བརྩོན་འགྲུས་བྱོས། །ཞེས་པ་དང་། འཇམ་དཔལ་བདུད་རྩི་འདིའི་ཆོས་ཀྱི་དོན་ནི། དཔེར་ན་མེ་དང་འདྲ་སྟེ། ཆུང་སྟེ་རྡུལ་ཙམ་ནས་ཆེ་སྟེ་སྲིད་པའི་རི་བོ་ཡང་སྲེག་གོ། །དེ་བཞིན་
D841.099.0221a02.01དུ་བདུད་རྩི་འདི་ནི་དཔེར་ན་ཉི་མ་དང་འདྲ་སྟེ། ཉི་མའི་འོད་ཟེར་ཆེན་པོ་ནི་འཛམ་བུ་གླིང་དུ་ཐོག་མ་ཉིད་དུ་རིའི་རྒྱལ་པོ་ཆེན་པོ་བརྒྱད་ལ་སྣང་བར་བྱེད་དོ། །དེའི་འོག་ཏུ་ཁོ་ར་ཁོར་ཡུག་ཏུ་སྣང་བར་བྱེད་དོ། །དེའི་འོག་ཏུ་རི་བོ་ཆེ་རྣམས་ལ་སྣང་བར་བྱེད་དོ། །དེའི་འོག་ཏུ་རི་ནག་པོ་
D841.099.0221a03.01རྣམས་ལ་སྣང་བར་བྱེད་དོ། །དེའི་འོག་ཏུ་གངས་རི་མཐོན་པོ་རྣམས་ལ་སྣང་བར་བྱེད་དོ། །དེའི་འོག་ཏུ་འཛམ་བུ་གླིང་འདིར་ས་ཕྱོགས་དམའ་བ་རྣམས་ལ་སྣང་བར་བྱེད་དོ། །ཉི་མའི་འོད་ཟེར་ཆེན་པོ་དེ་ལ། བླང་དོར་མེད་དེ་མི་རྟོག་མི་སེམས་སོ། །རྣམ་པར་ཡང་མི་རྟོག་མི་
D841.099.0221a04.01སེམས་སོ། །རྡོ་རྗེ་ཆོས་དང་འཇམ་དཔལ་ཉི་མའི་འོད་རྣམས་ནི། དབྲི་བསྐོལ་མེད་དོ། །དེ་བཞིན་དུ་སེམས་ཅན་གྱི་རྣམ་པར་ཤེས་པ་ལ་ཡང་། དེ་དང་འདྲ་སྟེ་དབྲི་བསྐོལ་མེད་དོ། །ཕྱེ་བ་དང་བསྐྱེད་པ་དང་། བསྐྱུངས་པ་ཡང་མེད་དོ། །དེ་བཞིན་དུ་ཆོས་བདུད་རྩི་འདི་ཡང་བསམ་
D841.099.0221a05.01གྱིས་མི་ཁྱབ་པའི་དབྱིངས་སུ་བསྟན་པ་ཡིན་པའི་ཕྱིར། བདུད་རྩི་ཆེན་པོ་འདི་དབུ་ལས་བསམ་གྱིས་མི་ཁྱབ་པ་བསྟན་ཞེས་སྨོས་པ་ཡིན་ནོ། །དེ་བཞིན་དུ་ཆོས་བདུད་རྩི་ཆེན་པོའི་ལུང་འདི་ཡང་མ་སྐྱེས་མི་འགག་མི་རྟོག་པས། མཚན་དང་མཚན་མ་མེད་པ་དང་། མི་གནས་པ་
D841.099.0221a06.01ལ་རྣམ་པར་ཁྱབ་སྟེ་གནས་སོ། །དེ་བཞིན་དུ་ཆོས་བདུད་རྩི་ཆེན་པོ་འདི་ཡང་ཉི་མའི་འོད་ཟེར་དང་འདྲ་བར་ཀུན་ལ་ཁྱབ་པར་གནས་ཏེ། སྐལ་ལྡན་རིགས་ལྔས་འབྱུང་བ་ལྔ་ལ་ཁྱབ་ཅིང་། འབྱུང་བ་ལྔ་ཉིད་རིགས་ཀྱི་ཡུམ་ལྔའི་ཚལ་ཆེན་པོ་སྟེ། ཡུམ་ལྔ་དང་ཡབ་ལྔ་
D841.099.0221a07.01