完整藏文原文 · 德格版页 当前仅加载第 99 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་རྩ་བརྒྱད་དུ་བསྲུངས་པས་ནི། །རྩ་བརྒྱད་སྟོང་ཞེས་དེ་ལ་བྱའོ། །དེ་ཡང་མ་ཧཱ་ས་མ་ཡ། །བཞི་པོ་རྫོགས་ན་ཀུན་དུ་བཟང་། །ཞི་རྒྱས་དབང་དང་མངོན་སྤྱོད་དང་། །མནན་བཟློག་དྲུག་ནི་གཅིག་ཏུའོ། །དང་ལ་ག་ནི་ལུང་བཤད་དེ། །ཁྲུ་ཚད་བཞི་དང་ལྡན་པ་ནི། །
D841.099.0208a01.01ཡོན་ཏན་བཅུ་གཅིག་དང་ཡང་ལྡན། །བཞིན་{བཟངས་,བཟང་}མིག་གི་དཀྱུས་རིང་བ། །སྟོད་སྨད་ཕྱེད་ལ་རྐེད་པ་ཕྲ། །ཚིགས་པ་ཟླུམ་ལ་སོར་མོ་རིང་། །ཡོན་ཏན་འོད་ཅན་བཅུ་གཅིག་ལོ། །ཡེ་ཤེས་རིགས་ཅན་ཡིན་པར་བཤད། །བཅུ་གསུམ་རྡོ་རྗེ་རིགས་སུ་འགྲུབ། །བཅུ་དྲུག་
D841.099.0208a02.01སྔགས་པས་འགྲུབ་ངེས་པའོ། །རིན་ཆེན་རིགས་མཆོག་ཡིན་པར་བསྟན། །ཉི་ཤུ་གཅིག་པ་པདྨའི་རིགས། །སྤྱན་རས་གཟིགས་དབང་རྟ་མཆོག་འགྲུབ། །ཉི་ཤུ་རྩ་ལྔ་ལོན་པས་ནི། །ཐོགས་མེད་བྱང་ཆུབ་སེམས་ཀྱང་འདྲེན། །ཐམས་ཅད་ལས་ཀྱི་རིགས་མཆོག་འགྲུབ། །
D841.099.0208a03.01སུམ་ཅུ་རྩ་གཅིག་ཕན་ཆད་ཀྱིས། །སེམས་ཕེབས་ཚུན་ཆད་ཀུན་དུ་དགེའོ། །ཡིད་དུ་འོང་བ་དམ་པ་ཡིན། །བདེར་གཤེགས་རིགས་སུ་འགྲུབ་པར་བཤད། །བདེ་ཆེན་འདུ་འབྲལ་མེད་པའི་གཟུངས། །དེ་དག་མ་ལུས་གང་རྙེད་པ། །ལུས་ཀྱང་ཁྲུས་བྱས་གཙང་མར་བྱའོ། །
D841.099.0208a04.01དྲི་ཞིམ་ཙནྡན་གོ་པན་དང་། །ཛ་ཏི་པ་ལ་ཀུ་རུ་ཚེ། །ཀ་ཀོ་ལ་དང་ག་པུར་དང་། །ཨ་ཀ་རུ་དང་དུ་རུསྐ། །གི་བང་གླང་པོའི་སྤོས་རྣམས་ཀྱིས། །བྱུགས་ནས་རྒྱན་དང་ཕྲེང་བ་གདགས། །དར་དང་རས་བལ་འཇམ་པོ་དང་། །གོས་རྒྱན་ཆས་བཀླུབས་བསྐོན་ནས་ནི། །གསེར་
D841.099.0208a05.01གྱི་རྣ་ཆ་གདུབ་ཀོར་དང་། །དོ་ཤལ་དཔུང་རྒྱན་སེ་མོ་དོ། །རིན་ཆེན་སྣ་ཚོགས་རྒྱན་དུ་གདགས། །ཇི་བཞིན་བདེ་བའི་སྟན་དག་ལ། །གཡོན་ཕྱོགས་སུ་ནི་གཞག་པར་བྱ། །བསྙེན་པ་དང་ནི་ཉེ་བསྙེན་དང་། །བསྒྲུབ་དང་བསྒྲུབ་ཆེན་བྱ་བ་ནི། །དཀྱིལ་འཁོར་འདོམ་
D841.099.0208a06.01གང་གྲུ་བཞི་པ། །འཕང་དུ་སོར་བཞིའི་ཚད་དུ་བྱ། །རྡོ་རྗེ་དྲི་ཆུས་མཎྜལ་བྱུགས། །ཤ་ཆེན་གུ་གུལ་པོག་གིས་བདུག །དཀྱིལ་འཁོར་དེ་ལ་བསྐོར་ཏེ་འདུག །གཡོན་དུ་དེ་ཕྱི་བཞག་ནས་ནི། །བྷ་ག་དེ་ཉིད་བྱིན་གྱིས་བརླབ། །སྤྱི་བོར་ཨོཾ་དཀར་འོད་ལྡན་པ། །
D841.099.0208a07.01