完整藏文原文 · 德格版页 当前仅加载第 99 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱ་གར་སྐད་དུ། སྟ་ན་མ་ཧཱ་དར་པཉྩ། བོད་སྐད་དུ། འབྲས་བུ་ཆེན་པོ་ལྔ་བསྒྲལ་བའོ། །དཔལ་ཆེན་ཁྲོ་རྒྱལ་འཁོར་དང་བཅས་པ་ལ་ཕྱག་འཚལ་ལོ། །མི་ཕྱེད་དང་བས་ཕྱག་འཚལ་ན། །དེ་ནས་སྟ་ནའི་ལུང་བཤད་དེ། །ཡེ་ནས་རྒྱུ་ཉིད་དག་པ་ལས། །ང་
D841.099.0209a01.01དང་བདག་ཏུ་འཛིན་པ་ཡིས། །ཁམས་གསུམ་འཁོར་བའི་རྒྱུ་རུ་གྱུར། །ཁམས་གསུམ་དེ་དག་བསྒྲལ་བའི་ཞིང་། །ཨཱ་ས་མ་ཙ་ལ་དྷ་རྨ་དྷ་ཏུ། སྭ་བྷ་བ་ཨཱཏྨ་ཀོ྅ཧྃ། རྃ་ཡྃ་ཁྃ་ཏ་ཐ་ཕཊ། བཅོམ་ལྡན་འདས་ཀྱིས་བཀའ་སྩལ་ཏོ། །མི་གཡོ་ཕྱག་རྒྱ་ཆེན་པོའི་ངང་། །
D841.099.0209a02.01དབང་ཕྱུག་ཆེན་པོའི་བསྒྲལ་ཐབས་ནི། །འཚོ་བའི་བདག་པོའི་ཚེ་དང་སྲོག ། ཐུགས་རྗེའི་ངང་དང་ཤེས་རབ་དང་། །ཐབས་ལ་མཁས་པའི་བྱིན་བརླབས་ཀྱིས། །འགྲོ་བ་ཐམས་ཅད་སྦྱོང་བར་མཛད། །བདུད་དང་གཤིན་རྗེ་འཁོར་བཅས་ཀུན། །གཉིས་མེད་ཕྱག་རྒྱར་རོལ་པ་
D841.099.0209a03.01ཡིས། །དུས་ལ་བབ་པོ་སམ་ཡ། །ཨོཾ་སརྦ་པཱ་པ་ཀར་ཧེ་ཧ་ས་སི་སྟམ། ཏྲོྃ་ཀ་རུ་ནི་ཧཱུྃ་ཛ་ཛ། མ་ཏང་གི་ནི་རྣམ་ཤེས་དེ། །ངེས་པར་གཟུགས་ལ་ཕབ་ནས་ནི། །ཊ་ཀི་ཞལ་ནི་ནུབ་ཏུ་བསྟན། །དབང་དུ་བསྡུ་བའི་ལས་མཛད་ཀྱིས། །སངས་རྒྱས་ཀུན་གྱི་བྱིན་གྱིས་རློབས། །
D841.099.0209a04.01ཁམས་གསུམ་མ་ལུས་བསྒྲལ་བའི་ཞིང་། །སྟ་ན་ཆེན་པོ་བྱ་བའི་ཕྱིར། །བདེར་གཤེགས་མང་པོ་ཀུན་འདུས་ཤིང་། །བྱམས་དང་སྙིང་རྗེ་ལྡན་པ་ཡིས། །ཉོན་མོངས་འཁོར་བའི་རྒྱ་དྲལ་ཏོ། །གནས་ཀྱི་སྒོ་འདི་སུ་ཡིས་བཅད། །སེམས་ཀྱི་བདག་པོས་བཅད་དམ་ཅི། །
D841.099.0209a05.01གཟུང་འཛིན་རྐང་པ་བསྣོལ་བ་ཡིས། །ཡུལ་ལས་འདས་པའི་སྒོ་ཕྱེ་ཤིག་ཞེས་བརྗོད་དེ། སྒོ་དབྱེའོ། །ཀ་ཏ་རི་ཀ་ན་པྲ་བེ་ཤ། །གཡོན་པའི་ཞབས་ཀྱིས་རུ་ཏྲའི་གཟུགས། །གནས་ཀྱི་སྒོ་འདི་བཅད་བཞིན་དུ། །བདེ་བར་གཤེགས་པའི་སྐྱབས་སུ་གསོལ། །ཤི་
D841.099.0209a06.01བའི་སྡུག་བསྔལ་འདིར་བྱུང་ངོ་། །ཞེས་ལྷ་ཆེན་པོ་བརྒྱད་ཀྱིས་དུས་གཅིག་ཏུ་ཚིག་དེ་སྨྲས་སོ། །ཊ་ཀི་བརྒྱད་ཀྱིས་བཀའ་སྩལ་པ། དྲེགས་པ་མ་རུངས་ལྷ་ཆེན་ཁྱོད། །སེམས་ཀྱི་སྒོ་ཀུན་ད་དབྱེ་ཡིས། །རྡོ་རྗེ་འབར་བའི་སྤུ་གྲི་ཡིས། །གནས་ཀྱི་སྒོ་ཀུན་དེས་ཕྱེ་ནས། །
D841.099.0209a07.01