完整藏文原文 · 德格版页 当前仅加载第 99 函德格 221b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་གདོད་ནས་དག་སྟེ། ཉི་མའི་འོད་བཞིན་དུ་ཤར་རོ། །དེ་ནས་བཅོམ་ལྡན་འདས་ཀྱིས་འཁོར་རྒྱལ་བ་རྒྱ་མཚོ་རྣམས་ལ་བཤད་དོ། །དེ་ནས་བཅོམ་ལྡན་འདས་ཀྱིས་འཁོར་རྒྱལ་བ་རྒྱ་མཚོ་རྣམས་ལ་ཁྱབ་བོ། །དེ་ནས་སྲིད་པའི་འཇིག་རྟེན་དུ་མི་མཇེད་ཀྱི་བདག་པོ་ཚངས་
D841.099.0221b01.01པའི་ལྷ་རྣམས་དང་ཀླུ་རྣམས་ལ་ཁྱབ་བོ། །དེ་ནས་མིའི་བྱང་ཆུབ་སེམས་དཔའ་རྣམས་དང་རིམ་པས་ནམ་མཁའི་ཉི་མ་བཞིན་ཁྱབ་ཅིང་ཤར་བ་སྟེ། ཐུགས་རྗེའི་བདུད་རྩི་འདི་ཡང་སྲིད་པ་གསུམ་དུ་ཉི་མ་བཞིན་དུ་ཤར་བར་བྱ་སྟེ། འཇམ་དཔལ་སྟོང་གསུམ་གྱི་
D841.099.0221b02.01སྟོང་ཆེན་པོའི་འཇིག་རྟེན་གྱི་ཁམས་ན། སངས་རྒྱས་ཀྱི་ཞིང་ཕྲ་རབ་སྙེད་ལ་བསམ་གྱིས་མི་ཁྱབ་པའི་ལུས་ཕུལ་བས་ནི། བདུད་རྩི་ཆེན་པོ་འདི་ལུས་ལ་བཅངས་པ་བསོད་ནམས་ཆེའོ། །འཇམ་དཔལ་དུས་གསུམ་གྱི་སངས་རྒྱས་ཀྱི་ཞིང་ཡོངས་སུ་སྦྱང་བ་བས་
D841.099.0221b03.01ནི། བདུད་རྩི་འདི་ལུས་ཀྱི་མགུལ་དུ་བཏགས་པ་འབུམ་གྱི་ཆར་ཡང་མི་ཕོད་དོ། །འཇམ་དཔལ་བསྐལ་པ་གངྒཱའི་ཀླུང་གི་བྱེ་མ་སྙེད་ཀྱི་སངས་རྒྱས་རྣམས་ལ་སྤྱི་བོས་བཀུར་ཞིང་ཕྱག་བྱ་བའི་དོན་ནི། བདུད་རྩི་ཆེན་པོ་འདི་སྤྱི་བོ་ལ་བཀུར་བའི་ཡོན་ཏན་ནི། སངས་
D841.099.0221b04.01རྒྱས་ཐམས་ཅད་བཀུར་བ་ཡིན་ནོ། །འཇམ་དཔལ་བསྐལ་པ་སྟོང་གི་བར་དུ་སེམས་ཅན་གྱི་དོན་བྱ་བ་བས་ནི། བདུད་རྩི་ཆེན་པོ་འདིས་ལན་ཅིག་གིས་འགྲོ་བའི་དོན་བྱས་པས། དམྱལ་ཁམས་བརྒྱད་ཀྱི་འཇིག་རྟེན་ཡང་ཐར་པའི་ལམ་དུ་འདྲེན་པ་ཡིན་ནོ་
D841.099.0221b05.01ཞེས་གསུངས་པ་དང་། དེ་ནས་བཅོམ་ལྡན་འདས་ཀྱིས་ཚིགས་སུ་བཅད་དེ་བཀའ་སྩལ་པ། བདུད་རྩི་ཆེན་པོའི་རང་བཞིན་ནི། །ཁ་དོག་དབྱིབས་དང་མཚན་མ་མེད། །འགོག་པ་མེད་ཅིང་དབྱེ་བའང་མེད། །རྩ་བ་མེད་ཅིང་རྟེན་པའང་མེད། །བདུད་རྩི་ཆེ་ལ་བརྗོད་པ་འང་
D841.099.0221b06.01མེད། །ཉོན་མོངས་དུག་དང་བདུད་བཞི་བཅོམ། །དྲི་མེད་དག་པའི་བྱང་ཆུབ་སེམས། །ངེས་དོན་དེ་ལ་འདུད་པར་བྱོས། །དེ་ནས་བཅོམ་ལྡན་འདས་དང་དམ་པའི་ཆོས་བདུད་རྩིའི་ལུང་འདི་ལ་འཕགས་པ་འཇམ་དཔལ་གྱིས་སླར་ལ་ལན་གསུམ་དུ་བསྟོད་པ། ནམ་མཁའི་
D841.099.0221b07.01