完整藏文原文 · 德格版页 当前仅加载第 99 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
རྣོན་པོ་ལ་གཏད་དོ། །དེ་ནས་འཕགས་པ་འཇམ་དཔལ་གྱིས། རྡོ་རྗེ་དབྱིངས་ཀྱི་དཀྱིལ་འཁོར་གྱི་ལྷ་འཁོར་ཚོགས་རྒྱ་མཚོ་དང་བཅས་པ་རྣམས་ལ་འདི་སྐད་བརྗོད་དོ། །ཨེ་མ་ཧོཿསངས་རྒྱས་ཀུན་དུ་བཟང་། །གསང་ཆེན་ཐིག་ལེ་ཉིད་ལ་རྫོགས། །མ་རིག་མུན་སེལ་ཡེ་ཤེས་སྒྲོན། །དཔའ་
D841.099.0220b01.01བོ་ཁྱོད་ལ་སྐྱབས་སུ་མཆིའོ། །རང་འབྱུང་དྲི་མེད་བདུད་རྩི་འདི། །སངས་རྒྱས་ཀུན་གྱིས་བསྔགས་པའི་མཆོག །མི་ཤེས་དྲི་མ་ཀུན་བཅོམ་ནས། །ངེས་པའི་དབྱིངས་ལ་འགོད་མཛད་པ། །གཉིས་མེད་གུས་པས་ཕྱག་འཚལ་ལོ། །སྣང་མཛད་རྡོ་རྗེ་རྒྱལ་སྤྱན་དང་། །མི་བསྐྱོད་ཉི་མ་སྣང་
D841.099.0220b02.01མཐའ་ཡས། །དོན་ཡོད་བདུད་རྩི་འཁྱིལ་པ་ལ། །དགྱེས་ཤིང་གུས་པས་ཕྱག་འཚལ་ལོ། །དབྱིངས་ཕྱུག་ཡུམ་གྱི་ཚོགས་རྣམས་ལ། །དགའ་བའི་ཡིད་ཀྱིས་འདུད་ཕྱག་འཚལ། །ལག་ན་རྡོ་རྗེ་རྒྱལ་པོ་དང་། །ཀུན་བཟང་བློ་གྲོས་ཆེན་པོ་དང་། །དོན་རབ་ས་སྙིང་ལ་སོགས་ལ། །རབ་
D841.099.0220b03.01ཏུ་གུས་པས་ཕྱག་འཚལ་ལོ། །ནམ་མཁའི་འཇིག་རྟེན་དབང་པོ་དང་། །འགྲོ་བ་འཛིན་མཆོག་དམ་པ་ལ། །གཉིས་མེད་གུས་པས་ཕྱག་འཚལ་ལོ། །དག་ལ་རང་བཞིན་དྲི་མེད་སྐུ། །ཚུལ་བཞིན་ཕྲེང་བ་དབྱངས་དང་གར། །སྤྱོད་མཆོག་དགའ་སྡུག་ཕྱག་འཚལ་ལོ། །བདུག་པ་མེ་ཏོག་
D841.099.0220b04.01མར་མེ་ཧོ། །གཟུགས་མཆོག་མཉེས་མཛད་ལྷ་མོ་ལ། །མོས་པས་འདུད་ཅིང་ཕྱག་འཚལ་ལོ། །རིག་བྱེད་ཚོགས་ཀྱི་བདག་པོ་མཆོག །རྡོ་རྗེ་སྲིན་པོ་འདུལ་མཛད་པ། །ཁྲོ་རྒྱལ་ཡབ་ཡུམ་འཁོར་བཅས་ལ། །གུས་པས་བསྟོད་དེ་ཕྱག་འཚལ་ལོ། །དེ་ནས་འཁོར་རྒྱལ་བ་རྒྱ་མཚོ་དང་
D841.099.0220b05.01བཅས་པ་རྣམས་ཀྱིས་ལེགས་སོ་ལེགས་སོ། །ཨ་ལ་ལ་ཧོཿཞེས་བརྗོད་ནས་གནང་ངོ་། །དེ་ནས་དབང་བྱིན་ཏེ། འཕགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཁྱོད་ཀྱིས། ཐམས་ཅད་བདུད་རྩིའི་རང་བཞིན་ལ། མཁྱེན་རབ་དང་པོས་ཀུན་གྱི་མཆོད་པ་ཆེན་པོ་མཛད་དོ། །དེ་
D841.099.0220b06.01ཡང་ཉིད་ཀྱིས་ཉིད་ལ་མཆོད་དེ། འདི་མན་ཆད་ཡེ་ཤེས་ཀྱི་ལྷ་རྣམས་ཀྱིས་ཏིང་ངེ་འཛིན་བྱང་ཆུབ་ཀྱི་སེམས་བདུད་རྩི་ཆེན་པོར་ཐིམ་ནས། མཉམ་པ་ཉིད་ཀྱི་དབྱིངས་ལ་མི་སྣང་བར་བྱས་ནས། མ་ཧཱ་སུ་ཁ་ལ་སྦས་ཏེ་བཞུགས་པ་ལས། དེ་ནས་བཅོམ་ལྡན་འདས་དཔལ་ཀུན་
D841.099.0220b07.01