完整藏文原文 · 德格版页 当前仅加载第 99 函德格 205a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཡང་ཐབས་དང་ཤེས་རབ་སྟེ། །ཉིན་མཚན་གཉིས་ལ་དབང་བྱེད་པའོ། །དེ་ཉིད་ཟུང་ཡང་འཁོར་དུ་བཅས། །དེ་ནས་བདུད་རྩི་ཟགས་པ་ནི། །ས་དམན་དག་ཏུ་མི་སྐྱེ་སྟེ། །ཨ་ལ་བེ་ཏས་སར་ཀལ་བ། །ལྷ་དང་དྲི་ཟ་གནོད་སྦྱིན་དང་། །རིན་ཆེན་སྣ་ཚོགས་འབྱུང་ཁུངས་
D841.099.0205a01.01གནས། །ལེགས་ལྡན་གངས་རི་གཉན་གྱི་ཤོད། །རི་བྲག་ཆུ་ཀླུང་བགེགས་གནས་སུ། །ལྷུང་ནས་བབས་ཏེ་སྐྱེས་པ་ནི། །ཨྃ་ལི་ཀ་དང་བྲིས་རྩི་ཀ །ཉི་མ་གཟི་བརྗིད་ལྡན་པའི་ཆུ། །ཨ་ལ་བེ་ཏ་སར་སྲ་ཀལ་བ་བྲྀཀྵ་འབྲུ། །དེ་བཞིན་ཟླ་བ་གཟི་ལྡན་ཆུ། །དེ་ཡི་ས་བོན་ལྷུང་
D841.099.0205a02.01བ་ནི། །གསེར་མདོག་བདུད་རྩི་འདྲ་བར་གསལ། །དམར་བ་མེར་བླུགས་པུས་བུས་ཟེར། །གཟུགས་བཟང་མཛེས་པ་ཕུན་སུམ་ཚོགས། །ཚེར་མ་རྣོ་བ་དཔལ་དང་ལྡན། །བདུད་རྩི་ཤིང་དང་འབྲས་བུར་ལྡན། །དུག་རྣམས་འཇོམས་ཤིང་སླར་ཡང་ཟློག ། སྣ་ཚོགས་
D841.099.0205a03.01ནད་རྣམས་སེལ་བར་བྱེད། །ཉི་མའི་འོད་དང་ཟླ་བའི་མདོག །རོ་ཡང་རྣམ་པ་སྣ་ཚོགས་ལྡན། །རཀྟའི་གཙོ་བོར་འདི་སྦྱོར་ཅིག །ཚངས་པ་ཚེ་དང་ལྡན་པར་འགྱུར། །ཉི་མ་ཟླ་བའི་དངོས་གྲུབ་ཐོབ། །ར་ས་ཡ་ནའི་གཙོ་བོ་ཡིན། །དེ་ནས་དྲང་སྲོང་གཞོན་ནུ་སྲིད། །ཁྱབ་
D841.099.0205a04.01འཇུག་སྤང་གཉིས་བྱ་བ་ཡི། །རྭ་ཡི་གཞུ་ཐོགས་མི་སྲུན་པ། །ལག་ན་མཚོན་ཆ་སྣ་ལྔ་ཐོགས། །དེ་ཡིས་སྲིད་པ་ཆགས་པའི་བཅུད། །བདུད་རྩི་རྣམ་ལྔ་བསྐུས་པ་ལས། །ཁ་ནས་ཐིགས་གཉིས་ས་ལ་ལྷུང་། །དེ་ནས་བདུད་རྩི་དམ་པའི་མཆོག །ར་ས་ཡ་ན་ཕྱི་མའི་
D841.099.0205a05.01རྒྱུ། །བུ་མོ་བཟང་མོ་གཅིག་ཏུ་གྱུར། །ཆུ་ཀླུང་གང་གཱའི་བྱེ་མ་ལ། །ཡོད་དེ་སྐྱེ་བ་བསྟན་པ་ནི། །ཉེའུ་ཤིང་རམ་ཉེའུ་ཞེས་བྱའོ། །འགན་ཏ་ཀུ་ལེ་པར་པ་ཏ། །གནད་པྲི་ཡ་ཀུ་མ་ཧ་གོ་ན་སིག་ཧ་མ་ཁ། །ཚེར་མ་ཡར་ལྟ་མར་ལྟ་བའོ། །དེ་ལ་ལྷ་བྲན་ཚོགས་ཀུན་
D841.099.0205a06.01གྱིས། །བསྐོར་ཞིང་མཆོད་པ་བྱེད་པ་ཡིན། །སྟོན་ཟླ་ཐ་{ཆུངས་,ཆུང་}དཔྱིད་ཟླ་འབྲིང་། །ཉ་ཡི་ཚེ་ན་བཙལ་བར་བྱའོ། །བཙལ་བའི་ཐབས་ནི་འདི་ལྟར་རོ། །བྱིས་པ་ལོ་དྲུག་ལོ་བདུན་པ། །ཁྲུས་བྱས་དར་ལྡན་གོས་བསྐོན་ནས། །ཤར་ཕྱོགས་ངོས་སུ་ཁ་བལྟས་ཏེ། །
D841.099.0205a07.01