完整藏文原文 · 德格版页 当前仅加载第 99 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པར་གྲགས་པ་ལི་ཙྪ་བི་ལ་སོགས་པ་ལ་བདུད་རྩི་ར་ས་ཡ་ན་ཏན་ན་ཛྷ་ཡ་འདི་དག་བསྟན་ནོ། །དང་པོར་བསྒྲུབ་པའི་ཡུལ་དང་གནས་ནི། ཨུ་ཧུ་སི་ཏི་པ་ཙ་ཞེས་བྱ་སྟེ། བ་ཏྲིས་ཞེས་ཀྱང་བྱ་བ། རིའི་རྒྱལ་པོ་གསེར་མདོག་ཅན་གྱི་རྩེ་མོ་རྟ་རྣ་རི་ཞེས་བྱ་བ་དེར།
D841.099.0204a01.01ར་ས་ཡ་ན་ཞེས་བྱ་བ་དྲང་སྲོང་རྣམས་ཀྱིས་བསྒྲུབས་སོ། །དེ་ཡང་ཐང་ཅིག་ཡུད་ཀྱིས་འགྲུབ། །ལ་ལ་ཉིན་ཞག་གཅིག་གིས་འགྲུབ། །ལ་ལ་ཉིན་ཞག་བདུན་གྱིས་འགྲུབ། །མཐའ་མ་ཉི་ཤུ་གཅིག་གིས་འགྲུབ། །དེ་ལ་ཐེ་ཚོམ་མེད་པས་འགྲུབ། །དེ་དག་ཀུན་གྱི་མཚན་ཉིད་
D841.099.0204a02.01ནི། །རྩ་བ་སྡོང་བུ་ཡལ་ག་དང་། །ལོ་མ་འདབ་མ་མེ་ཏོག་དང་། །ཤུན་ལྤགས་འབྲས་བུ་སྙིང་པོར་བཅས། །རོ་དང་མཐུ་དང་མདོག་དང་ལས། །རྩ་བ་གཅིག་ལ་ཡན་ལག་བརྒྱད། །ཡན་ལག་བརྒྱད་ལས་ཡོན་ཏན་སྟོང་། །འདི་དག་ཀུན་གྱི་ཡོན་ཏན་ཡང་། །བཞི་བརྒྱ་རྩ་
D841.099.0204a03.01བཞིའི་ནད་སེལ་ཞིང་། །བདུད་བཞི་ངེས་པར་འཇོམས་པར་བྱེད། །སྨན་གྱི་རྒྱལ་པོ་བདུད་རྩིའི་མཆོག །བཅོམ་ལྡན་འདས་ཀྱིས་བཀའ་སྩལ་ཏོ། །དྲང་སྲོང་ཆེན་པོ་འདི་ཀུན་ཀྱང་། །མངོན་ཤེས་ལྔ་དང་ལྡན་འགྱུར་ཞིང་། །རིག་པའི་གནས་མཆོག་{བཅྭ་,བཅོ་}བརྒྱད་ཤེས། །
D841.099.0204a04.01དེ་ནས་སྨན་ནི་བསྒྲུབ་པར་བྱ། །སྟེགས་བུ་ཁྲུ་གང་བ་གཅིག་ལ། །མཎྜལ་གཙང་མའི་དྲིས་བྱུགས་ལ། །དེ་ཡི་དབུས་སུ་སྨན་གྱི་མཆོག །བདུད་རྩི་ཅོང་ཟི་རྣམ་གསུམ་དང་། །སེར་སྐྱ་བ་ལས་བྱུང་བ་ཡི། །འོ་མ་བྲེ་གང་བཙགས་ནང་དུ། །ཨ་ཤོ་ཀན་དའི་ཕྱེ་མ་དང་། །བསྲེས་
D841.099.0204a05.01ནས་བསྐོལ་བའི་ནང་དུ་གདབ། །ལྕགས་ལས་བྱས་པའི་སྣོད་དུ་བླུགས། །སྟེགས་བུའི་དབུས་སུ་བཞག་ནས་ནི། །བྱིན་གྱིས་བརླབ་པའི་སྔགས་འདི་དག །སྟོང་ངམ་བརྒྱ་ནི་རྩ་བརྒྱད་བཟླས། །ཨོཾ་བཛྲ་ཨ་མྲྀ་ཏ། པ་ལ་ལིག །པེ་ལ་ལ་ལིག་ཙན་ད་ལིག་སྭཱ་ཧཱ།
D841.099.0204a06.01དངོས་གྲུབ་བླང་བའི་སྔགས་འདིའོ། །ཨ་མྲྀ་ཏ་སིནྡྷི་བྱི་ཙུ་རྣ་ཡ་སྭཱ་ཧཱ། པུ་ཙ་ལྷ་ཧ་ཀན། བྱིན་གྱིས་བརླབ་ཅིང་བཟའ་བ་ཡང་། །ཉི་མའི་གུང་ལ་བཟའ་བར་བྱ། །དོན་དམ་ཐིག་ལེ་བདེན་པ་ལས། །སྙིང་པོ་མེད་ལས་སྙིང་པོ་བླང་། །རྣམ་སྨིན་འབྲས་བུ་
D841.099.0204a07.01