完整藏文原文 · 德格版页 当前仅加载第 99 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་ཕྱག་ལན་གསུམ་བྱས་ནས་ནི། །དེ་དག་རྩ་ནས་དབྱུང་བའི་སྔགས། །ཏདྱ་ཐཱ་ཤོ་ཧོད་ག་ཏེ་ད་རེ་སྭཱ་ཧཱ། ཕྱག་འཚལ་བདུད་རྩི་མཆོག་ཁྱོད་ལ། །ཕྱག་འཚལ་བདུད་རྩི་ལས་འབྱུང་བ། །སྟོབས་དང་གཟི་བརྗིད་འཕེལ་མཛད་མ། །རང་འབྱུང་སྟོན་པའི་བཀའ་བཞིན་དུ། །ལྷ་མོ་ཁྱོད་
D841.099.0205b01.01ནི་དབང་གྱུར་ཅིག །ཁུ་བ་ར་ས་ཡ་ནའི་མཆོག །དངོས་གྲུབ་མཆོག་ཏུ་ཉེ་བ་ཁྱོད། །ཚེ་དང་སྟོབས་ནི་བདག་སྩོལ་ཅིག །ཡེ་ཤེས་ཐམས་ཅད་གསལ་བར་མཛོད། །ཤུན་ལྤགས་དང་ནི་རྒྱུས་པ་བསལ། །ཐོ་ཏོ་བསྙིལ་ཏེ་སླར་ལ་སྦའོ། །སྙིང་པོ་བརྡུངས་ལ་ཁུ་བ་ཡང་། །
D841.099.0205b02.01རས་ནི་སར་པའི་ནང་དུ་བཙིར། །བདག་ཉིད་ལུས་ཀྱང་ཁྲུས་བྱས་ཏེ། །དར་ལྡན་གོས་{བཟངས་,བཟང་}གྱོན་ནས་ནི། །སྨན་དུ་བསྒྲུབ་པའི་འཇབ་ལ་འཇུག །བསྙེན་དང་འཛབ་བསྒོམ་བྱས་ནས་ནི། །སྟོང་ངམ་འབུམ་མམ་ཅི་ནུས་བཟླས། །བཟའ་བའམ་ཡང་ན་འཐུང་བའི་ཚེ། །
D841.099.0205b03.01ཉུག་ཆུ་བ་ཡི་འོ་མ་བཏུང་། །ཡང་ན་ཕྱེ་མ་མཆོག་ཏུ་བགམ། །བཟའ་ཞིང་བཏུང་བའི་སྔགས་འདིའོ། །ན་མ་ཛ་ར་ཨ་ག་ཛ་ཏུ་སྭཱ་ཧཱ། ཞག་གམ་ཟ་མ་རེ་རེ་ཡང་། །སྲང་རེའི་ཆ་ནས་བསྐྱེད་དེ་བཟའ། །ཟོས་པའི་ཡོན་ཏན་འདི་རྣམས་སོ། །ལུས་ངག་ཡིད་གསུམ་
D841.099.0205b04.01དབང་པོ་གསལ། །བདུད་རྩི་འདི་དག་སུ་འཐུང་བ། །ཇི་ལྟར་ལྷ་རྣམས་འཆི་མེད་ལྟར། །ཀླུ་རྣམས་ལ་ནི་སྨན་བཞིན་ནོ། །ཤིང་རྣམས་ལ་ནི་ཆུ་བཞིན་ནོ། །མེ་ཏོག་ལ་ནི་ཟླ་བ་བཞིན། །ལོ་ནི་ལྔ་བརྒྱ་ལོན་བར་དུ། །བཅུ་དྲུག་མདོག་ནི་གཞོན་ནུ་འདྲ། །ནད་མེད་རྟག་ཏུ་དར་ལ་བབ། །
D841.099.0205b05.01སྟོབས་ཀྱང་གླང་པོ་ཆེ་དང་འདྲ། །མངོན་ཤེས་ལྔ་དང་ལྡན་པར་འགྱུར། །འོ་མ་དག་དང་བཏུང་བའམ། །མར་ཁུའམ་སྦྲང་རྩི་དག་དང་བཏུང་། །ཞག་གཅིག་ཟོས་ན་ཡོན་ཏན་བཅུ། །ཞག་བདུན་ཟོས་ན་ཡོན་ཏན་བརྒྱ། །ཉི་ཤུ་རྩ་གཅིག་ཟོས་ན་ནི། །བརྒྱ་རྩ་བརྒྱད་འདིས་ཐོབ་པར་
D841.099.0205b06.01འགྱུར། །བུད་མེད་སྟོང་ལ་ཁྱབ་པར་སྦྱོར། །ས་བོན་མི་ཟད་འབྲས་བུ་ཡང་། །བུ་ཕོར་འཕེལ་ཞིང་དཔའ་དང་ལྡན། །མི་རྣམས་ཀྱིས་ནི་མི་སོད་དོ། །ཟླ་གཅིག་ཟོས་ན་ཡོན་ཏན་ནི། །ངོ་ཡང་ཟླ་བ་ཉ་བ་བཞིན། །གནོད་སྦྱིན་སྲིན་པོས་མི་སོད་དོ། །ལྷ་རྣམས་ཀུན་དང་མཉམ་པར་འགྱུར། །
D841.099.0205b07.01