完整藏文原文 · 德格版页 当前仅加载第 100 函德格 4b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་སེམས་དཔའ་ཆེན་པོ་རབ་ཀྱི་རྩལ་གྱིས་རྣམ་པར་གནོན་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མི་ལེན་མི་འདོར་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཙནྡན་སྙིང་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་རྒྱ་
D847.100.0004b01.01མཚོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འབྱུང་དཀའ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དགའ་འབྱུང་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱོད་པའི་བློ་གྲོས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པ་
D847.100.0004b02.01བརྩེགས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མགྱོགས་པའི་སྙིང་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། དེ་དག་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་ཐར་པ་བསམ་གྱིས་མི་ཁྱབ་པ་ལ་གནས་པ།
D847.100.0004b03.01དཔའ་བར་འགྲོ་བའི་ཏིང་ངེ་འཛིན་གྱིས་ངེས་པར་བྱུང་བ། དབྱངས་སྒྲ་ཐོགས་པ་མེད་པ། སངས་རྒྱས་ཀྱི་ཞིང་དཔག་ཏུ་མེད་པ་ཟིལ་གྱིས་གནོན་པ་ལ་མཁས་པ། མི་འཇིགས་པ་ལ་གནས་པ། རྗེས་སུ་ཆགས་པ་དང་། ཁོང་ཁྲོ་བ་དང་བྲལ་བ། ཡིད་དུ་འོང་བའི་དབྱངས་དང་
D847.100.0004b04.01ལྡན་པ། ཁམས་གསུམ་ལ་མ་ཆགས་པ། གཡོག་འཁོར་མི་ཕྱེད་པ་དང་ལྡན་པ། ཐམས་ཅད་མཁྱེན་པ་ཉིད་ལས་ངེས་པར་སྐྱེས་པ། ཏིང་ངེ་འཛིན་དང་སྙོམས་པར་འཇུག་པ་ཚད་མེད་པ་དང་ལྡན་པ། རེ་བ་ཐམས་ཅད་ཡོངས་སུ་སྐོང་བ། ཤེས་རབ་ཀྱི་ཕ་རོལ་ཏུ་ཕྱིན་པ་
D847.100.0004b05.01རྟོགས་པར་ཁོང་དུ་ཆུད་པ། ལུས་དང་ངག་དང་ཡིད་ཀྱི་ལས་ཀྱི་མཐའ་དོན་ཡོད་པ་ལ་མོས་པ། ཐམས་ཅད་མཁྱེན་པ་ཉིད་ལ་མངོན་པར་བརྩོན་པ། ཏིང་ངེ་འཛིན་དང་སྤྱོད་པ་ཚད་མེད་པར་བྱིན་གྱིས་བརླབས་པ། མི་འཇིགས་པ་ཐོབ་པ། སྟོང་པ་ཉིད་སྤྱོད་ཡུལ་བ། མཚན་
D847.100.0004b06.01མ་མེད་པ་ལ་གནས་པ་ཤ་སྟག་དང་ཡང་ཐབས་ཅིག་གོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ཞེས་བྱ་བ་འཁོར་དེ་ཉིད་དུ་འདུས་པར་གྱུར་ཏེ་འདུག་པ་དེས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ལ་འདི་སྐད་
D847.100.0004b07.01