完整藏文原文 · 德格版页 当前仅加载第 100 函德格 32b 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར་རོ། །འདི་ནས་ཤི་འཕོས་ནས་ཀྱང་དེ་སྤྲོས་པ་ཐམས་ཅད་ཡོངས་སུ་སྤངས་ནས་བདེ་འགྲོ་མཐོ་རིས་ཀྱི་འཇིག་རྟེན་དུ་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ཀུན་དགའ་བོས་གསོལ་པ། བཅོམ་ལྡན་འདས་ཆོས་འདི་བཤད་པའི་ཚེ་བདུད་བར་ཆད་མི་བགྱིད་
D847.100.0032b01.01པའི་རྒྱུ་གང་ལགས། རྐྱེན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་བདུད་ཐམས་ཅད་ཆོས་ཀྱི་རྣམ་གྲངས་འདི་ལ་བར་ཆད་བྱེད་མི་ནུས་ཏེ། ཀུན་དགའ་བོ་གང་གི་ཚེ་བདུད་སྡིག་ཅན་འདི་སྙམ་དུ་བདག་དཀོན་མཆོག་ཏ་ལ་ལའི་གཟུངས་
D847.100.0032b02.01འཆད་པ་ལ་བར་ཆད་བྱེད་དུ་འགྲོའོ་སྙམ་པའི་སེམས་བསྐྱེད་པ་དེའི་ཚེ། བདུད་སྡིག་ཅན་གྱི་རང་གི་ཁྱིམ་ཀུན་དུ་འབར་བ་མཐོང་སྟེ། ཀུན་དགའ་བོ་ཆོས་ཀྱི་རྣམ་གྲངས་འདི་དེ་ལྟར་ཟབ་བོ། །ཀུན་དགའ་བོ་ས་ཕྱོགས་གང་ན་ཆོས་ཀྱི་རྣམ་གྲངས་འདི་སྤྱོད་པའི་ས་ཕྱོགས་དེ་
D847.100.0032b03.01མཆོད་རྟེན་དུ་འགྱུར། ཕྱག་བྱ་བའི་འོས་སུ་ཡང་འགྱུར་རོ། །ཀུན་དགའ་བོས་གསོལ་བ། གལ་ཏེ་དེ་བཞིན་གཤེགས་པས་ཕྱོགས་གང་ན་བཞུགས་པའི་ས་ཕྱོགས་དེ་ཉིད་ན་ཆོས་ཀྱི་རྣམ་གྲངས་འདི་ཡང་གནས་པར་གྱུར་ལ། བདག་དེ་བཞིན་གཤེགས་པ་
D847.100.0032b04.01ལ་བལྟ་བའི་སླད་དུ་མཆིས་ཤིང་། མཆིས་ནས་ཀྱང་སྔར་དེ་བཞིན་གཤེགས་པ་ལ་ཕྱག་བགྱིས་ནས་སླད་ཀྱིས་ཆོས་ཀྱི་རྣམ་གྲངས་འདི་ལ་ཕྱག་བགྱིས་ན་ནོངས་པ་ཅི་མཆིས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་གང་གི་ཚེ་ཁྱོད་ཀྱིས་ཆོས་ཀྱི་
D847.100.0032b05.01རྣམ་གྲངས་འདི་ལྟ་བུ་བཀོལ་ཏེ། ང་ལ་ཕྱག་འཚལ་བ་དེའི་ཚེ་ཁྱོད་ཉེས་པ་དང་བཅས་པར་འགྱུར་རོ། །ཀུན་དགའ་བོ་གཞན་ཡང་ང་ལྷ་དང་བཅས་པའི་འཇིག་རྟེན་གྱི་ཐུ་བོ་དང་། གཙོ་བོ་དང་། མཆོག་དང་། དམ་པ་ཡིན་མོད་ཀྱི། ཀུན་དགའ་བོ་ངས་སྔར་ཆོས་
D847.100.0032b06.01ཀྱི་རྣམ་གྲངས་འདི་ཐོས་ནས་ཕྱིས་བྱང་ཆུབ་མངོན་པར་རྫོགས་པར་སངས་རྒྱས་སོ། །ཀུན་དགའ་བོས་གསོལ་པ། བཅོམ་ལྡན་འདས་དེ་བཞིན་གཤེགས་པས་གང་ལས་ཏིང་ངེ་འཛིན་རིན་པོ་ཆེ་དཀོན་མཆོག་ཏ་ལ་ལ་བསྟན་པ་འདི་གསན་པ་དེ་བཞིན་གཤེགས་
D847.100.0032b07.01