完整藏文原文 · 德格版页 当前仅加载第 100 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
པར་སྨྲས་པ་ལེགས་སོ་ལེགས་སོ་ཞེས་བྱ་བ་བྱིན་ནོ། །དེ་ནས་བཅོམ་ལྡན་འདས་ཀྱིས་ཚངས་པའི་དབྱངས་ཀྱིས་ཚིགས་སུ་བཅད་པ་འདི་བཀའ་སྩལ་ཏོ། །གཞན་ལ་ཕན་དང་བདེ་བ་བྱེད་པ་བསགས་པ་པོ། །རྣམ་པ་སྣ་ཚོགས་རབ་མཛེས་མཆོག་རབ་ཚིག་
D847.100.0031b01.01ལྡན་པ། །ཤིན་ཏུ་དྲི་མེད་བཞིན་ལྡན་ཁྱོད་ཀྱི་བསམ་པ་མཆོག །ཡོན་ཏན་རིན་ཆེན་མི་མཉམ་མཉམ་པའི་ཚིགས་ལེགས་སྨྲས། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཀུན་ཏུ་བཟང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་
D847.100.0031b02.01སེམས་དཔའ་སེམས་དཔའ་ཆེན་པོ་དག་ཆོས་དུ་དང་ལྡན་ན་དཀོན་མཆོག་ཏ་ལ་ལའི་གཟུངས་འཐོབ་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དག་ཆོས་གཅིག་དང་ལྡན་ན་དཀོན་མཆོག་ཏ་ལ་ལའི་
D847.100.0031b03.01གཟུངས་འཐོབ་བོ། །ཆོས་གཅིག་པོ་གང་ཞེ་ན། འདི་ལྟ་སྟེ། སེམས་ཅན་ཐམས་ཅད་ལ་ཁོང་ཁྲོ་བ་མེད་པའོ། །ཀུན་ཏུ་བཟང་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དག་གི་ཆོས་གཉིས་ཏེ། གཉིས་གང་ཞེ་ན། འདི་ལྟ་སྟེ། ཕྲག་དོག་
D847.100.0031b04.01མེད་པ་དང་། རློམ་སེམས་མེད་པ་སྟེ། ཀུན་ཏུ་བཟང་པོ་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་དག་གི་ཆོས་གཉིས་སོ། །ཀུན་ཏུ་བཟང་པོ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི་སེམས་ཅན་ཐམས་ཅད་ལ་དབང་པོ་གནོད་
D847.100.0031b05.01པར་མི་འགྱུར་རོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་ཅན་ཐམས་ཅད་ལ་ཐམས་ཅད་ཀྱི་ཐམས་ཅད་དུ་རྣམ་པར་འཚེ་བ་བསྐྱེད་པར་མི་བྱའོ། །བྱང་ཆུབ་སེམས་དཔའི་ཡོན་ཏན་བརྗོད་པ་འདི་བཤད་པ་དང་། དཀོན་མཆོག་ཏ་ལ་ལའི་གཟུངས་
D847.100.0031b06.01ཀྱི་ཁྱད་པར་གྱི་ཡོན་ཏན་ཡོངས་སུ་བརྗོད་པ་བཤད་པ་ན་ལྷ་དང་། མིའི་སྐྱེ་དགུ་ལས་སེམས་ཅན་དཔག་ཏུ་མེད་པས་གཟུངས་ཐོབ་པར་གྱུར་ཏོ། །དཀོན་མཆོག་ཏ་ལ་ལའི་གཟུངས་ཀྱི་ཁྱད་པར་གྱི་ཡོན་ཏན་ཡོངས་སུ་བརྗོད་པའི་ལེའུའོ།། །།དེ་ནས་ཚེ་དང་ལྡན་
D847.100.0031b07.01