完整藏文原文 · 德格版页 当前仅加载第 100 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་སྐྱོང་པ་དེ་དག་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དེ་དག་དངངས་ནས་བཅོམ་ལྡན་འདས་བདག་ཅག་ནི་བསྟན་པ་འདི་ལྟ་བུ་འདི་ཐོས་ནས་རབ་ཏུ་དངངས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། གྲོགས་
D847.100.0029a01.01པོ་དག་དེ་དེ་བཞིན་ནོ། །ཇི་སྐད་སྨྲས་པ་བཞིན་ཏེ། ཁྱེད་ཀྱིས་སྐྲག་པར་བྱ་བའི་རིགས་སོ། །གྲོགས་པོ་དག་ང་ཐམས་ཅད་མཁྱེན་པའི་ཡེ་ཤེས་བརྙེས་པ་ཡིན་ན་ང་ཉིད་ཀྱང་སྐྲག་ན་གང་དག་ངའི་སློབ་མ་རྣམས་ལྟ་ཅི་སྨོས། རིགས་ཀྱི་བུ་དག་ཆོས་འདི་ནི་ཟབ་པ་སྟེ། དེ་
D847.100.0029a02.01ནི་མིའམ། མི་མ་ཡིན་པའམ། ལྷའམ། ཀླུའམ། གནོད་སྦྱིན་ནམ། དྲི་ཟའམ། སུས་ཀྱང་རྣམ་པར་དཀྲུག་པར་མི་ནུས་ན་དགེ་སྦྱོང་ངམ། བྲམ་ཟེ་གཞན་དག་གིས་ལྟ་ག་ལ་ནུས་ཏེ་ཅི་སྨོས། རིགས་ཀྱི་བུ་དག་ཆོས་ཀྱི་རྣམ་གྲངས་འདི་ནི་ལྷ་དང་བཅས་པའི་
D847.100.0029a03.01འཇིག་རྟེན་གྱི་མཆོད་རྟེན་དུ་གྱུར་པ་སྟེ། རིགས་ཀྱི་བུ་དག་དཔེར་ན་དཀོན་མཆོག་ཟ་མ་ཏོག་ཇི་ལྟ་བར་མདོ་སྡེའི་རྒྱལ་པོ་འདི་ཡང་དེ་བཞིན་དུ་བལྟ་བར་བྱའོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་
D847.100.0029a04.01འདས་འདི་ནི་ལེགས་པར་གསུངས་པ་ལགས་སོ། །བཅོམ་ལྡན་འདས་དགེ་སློང་དེ་ལྟ་བུ་དེ་དག་གིས་དད་པས་སྩལ་བ་ཇི་ལྟར་ཡོངས་སུ་འཇུ་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་གང་དག་ཆོས་ཀྱི་རྣམ་གྲངས་འདི་སྤོང་བ་དང་། ཆོས་
D847.100.0029a05.01སྨྲ་བ་དེ་དག་ལ་མི་བྱམས་པའི་སེམས་སྐྱེད་པ་དེ་དག་ནི་ཉི་མ་གཅིག་གམ། སེ་གོལ་གཏོགས་པ་གཅིག་སྲིད་ཙམ་ཞིག་དད་པས་བྱིན་པ་ཡོངས་སུ་སྤྱད་པའམ། ཐ་ན་དགེ་འདུན་ལ་ཕུལ་བའི་ས་ལ་མཆིལ་མ་ཐལ་གཅིག་འདོར་དུ་ཡང་ངས་མ་གནང་ངོ་། །དེ་ནས་
D847.100.0029a06.01བཅོམ་ལྡན་འདས་ལ་ཚེ་དང་ལྡན་པ་ཤ་ར་དྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་མཚམས་མ་མཆིས་པ་ལྔ་པོ་དག་འདི་དང་ཉེ་བ་ལགས་སམ། འོན་ཏེ་རིང་བ་ལགས། བཅོམ་ལྡན་འདས་ཀྱིས་བཀའ་སྩལ་པ། གནས་བརྟན་ཤ་ར་དྭ་ཏིའི་
D847.100.0029a07.01