完整藏文原文 · 德格版页 当前仅加载第 100 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་མེད་མིག་ནི་རབ་ཏུ་དབྱེ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །འདས་པའི་དུས་དང་ད་ལྟར་བྱུང་དུས་ན། །སེམས་ཅན་རིས་དངོས་མཚན་ཉིད་གང་ཡོད་དང་། །སྔོན་གྱི་གནས་རྣམས་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་
D847.100.0017b01.01པ་སེམས་འདི་འཇོག །ཇི་ལྟར་འགྲོ་བར་སེམས་ཅན་འཆིང་བྱེད་པ། །ཀུན་དུ་སྦྱོར་བ་འཇིག་རྟེན་གང་ཡོད་པའི། །ཉོན་མོངས་ཟད་པ་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །འཇིག་རྟེན་གསུམ་ན་ཐ་སྙད་གང་བཏགས་དང་། །
D847.100.0017b02.01ངག་ལམ་སྔགས་ཚུལ་སྤྱོད་པ་གང་ཡོད་པ། །བརྡ་ཡི་བདེན་པ་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །ཆོས་རྣམས་ཐམས་ཅད་བརྗོད་དུ་མེད་པ་སྟེ། །སྟོང་པ་མི་གཡོ་རང་བཞིན་ངོ་བོ་ཉིད། །དོན་དམ་བདེན་པ་རྟོགས་པར་བྱ་བའི་ཕྱིར། །
D847.100.0017b03.01བྱང་ཆུབ་དོན་དུ་བརྟན་པ་སེམས་འཇོག་བྱེད། །ཞིང་རྣམས་དག་ཏུ་ས་གཡོ་བསྟན་པ་དང་། །རྒྱ་མཚོ་དག་ཀྱང་རྣམ་པར་འཁྲུགས་པ་དང་། །དེ་བཞིན་གཤེགས་ཀྱི་རྫུ་འཕྲུལ་བསྟན་པའི་ཕྱིར། །བྱང་ཆུབ་དོན་དུ་བརྟན་པ་སེམས་འཇོག་བྱེད། །འོད་ཟེར་རྩེ་མོ་རེ་ལས་འོད་
D847.100.0017b04.01ཟེར་རྣམས། །དེ་བཞིན་ཕྱོགས་བཅུ་ཀུན་དུ་རབ་ཏུ་འགྱེད། །དེ་དག་འོད་གཅིག་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འཇོག་བྱེད། །ཞིང་མང་བསམ་གྱིས་མི་ཁྱབ་གང་ཡོད་པ། །དེ་དག་རང་གི་ལག་ཏུ་མངོན་སྤྲུལ་ཏེ། །སྒྱུ་མའི་ཚུལ་དེ་རྟོགས་
D847.100.0017b05.01པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འཇོག་བྱེད། །ཞིང་རྣམས་ཇི་ལྟར་དེ་བཞིན་སེམས་ཅན་ཀུན། །གནོད་པ་མེད་པར་ལག་པའི་མཐིལ་བཞག་ནས། །ཆོས་རྣམས་སྲོག་མེད་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །
D847.100.0017b06.01རྒྱ་མཚོ་རྣམས་ན་ཇི་སྙེད་ཆུ་ཡོད་པ། །སྐྲ་རྩེའི་ཐིགས་པའི་ནང་དུ་འཇུག་པར་བྱེད། །མ་ལུས་མཐར་ཐུག་རྟོགས་པར་བྱ་བའི་ཕྱིར། །བྱང་ཆུབ་དོན་དུ་བརྟན་པ་སེམས་འདི་འཇོག །ཞིང་རྣམས་ཀུན་ན་ཕྲ་རབ་རྡུལ་གྱི་བག །གང་ཡོད་དེ་དག་མ་ལུས་བགྲང་བྱེད་
D847.100.0017b07.01